ഫൈസൽ വധം ​അന്വേഷിക്കാൻ പുതിയ സംഘം; ഉപരോധ സമരം അവസാനിപ്പിച്ചു

തിരൂരങ്ങാടി: കൊടിഞ്ഞി ഫാറൂഖ് നഗറിലെ ഫൈസല്‍ വധക്കേസിലെ മുഴുവൻ പ്രതികളെയും അറസ്​റ്റ്​ ചെയ്യണമെന്നാവശ്യപ്പെട്ട്​ സര്‍വകക്ഷി സമരസമിതിയുടെ നേതൃത്വത്തിൽ നടത്തിയ ഉപരോധ സമരം അവസാനിപ്പിച്ചു. നിലവിലെ അന്വേഷണ സംഘത്തെ മാറ്റാമെന്ന്​ ഡി.ജി.പി ഉറപ്പു നൽകിയതിനെ തുടർന്നാണ്​ സമരം അവസാനിപ്പിച്ചത്​.  അബ്​ദു റബ്ബ്​ എം.എൽ.എ ആണ്​ ഇക്കാര്യം അറിയിച്ചത്​. പുതിയ അന്വേഷണ ചുമതല ക്രൈം​ബ്രാഞ്ച്​ ഡി.വൈ.എസ്.​പി മോഹന ചന്ദ്രനാണ്​.

മുഴുവന്‍ പ്രതികളെയും അറസ്റ്റ് ചെയ്യുക, ഗൂഢാലോചനാ കേന്ദ്രങ്ങള്‍ക്കെതിരെ നടപടി സ്വീകരിക്കുക, കുടുംബത്തിന് ധനസഹായം പ്രഖ്യാപിക്കുക, ഭാര്യക്ക് സര്‍ക്കാര്‍ ജോലി നല്‍കുക എന്നീ ആവശ്യങ്ങളുന്നയിച്ചായിരുന്നു സര്‍വകക്ഷി സമരസമിതിയുടെ നേതൃത്വത്തില്‍ നാട്ടുകാർ ദേശീയപാത ഉപരോധം ആരംഭിച്ചത്​. ഉച്ചക്ക് രണ്ടുമണിക്ക് ആരംഭിച്ച സമരം വൈകിട്ട്​ ആറ്​ മണിക്കാണ്​ അവസാനിച്ചത്​. സമരത്തിൽ ഫൈസിലി​​​െൻറ മാതാവും മക്കളും പ​െങ്കടുത്തിരുന്നു.