ഫൈസുവിന് ഇനി ഭൂമിയിൽ ചവിട്ടി നിൽക്കാം

തൃ​ശൂ​ർ: ചാ​വ​ക്കാ​ട് തൊ​ട്ടാ​പ്പി​ലു​ള്ള നാ​ലേ​കാ​ൽ സെ​ന്റ് സ്ഥ​ലം ഫൈ​സ​ൽ ഫൈ​സു​വി​ന്റെ വി​യ​ർ​പ്പി​ന്റെ മാ​ത്ര​മ​ല്ല, നി​ശ്ച​യ​ദാ​ർ​ഢ്യ​ത്തി​ന്റെ​യും പോ​രാ​ട്ട​ത്തി​ന്റെ​യും കൂ​ടി പ്ര​തി​ഫ​ല​മാ​ണ്. ആ​രും ഇ​റ​ക്കി​വി​ടാ​ത്ത, പ​രി​ഹ​സി​ക്കാ​ത്ത, ആ​രെ​യും ഭ​യ​ക്കാ​തെ ക​ഴി​യാ​ൻ സ്വ​ന്ത​മാ​യ ഒ​രി​ടം. അ​താ​യി​രു​ന്നു ഫൈ​സ​ൽ ഫൈ​സു​വി​ന്റെ ആ​ഗ്ര​ഹം. ഒ​ടു​വി​ൽ അ​ത് യാ​ഥാ​ർ​ഥ്യ​മാ​യി​രി​ക്കു​ന്നു. ട്രാ​ൻ​സ്ജെ​ൻ​ഡ​ർ എ​ന്ന ‘ഐ​ഡ​ന്റി​റ്റി’​യി​ൽ കേ​ര​ള​ത്തി​ൽ ആ​ദ്യ​മാ​യി ഭൂ​മി സ്വ​ന്ത​മാ​ക്കി​യ വ്യ​ക്തി​യാ​ണ് ഫൈ​സ​ൽ ഫൈ​സു എ​ന്ന തൃ​ശൂ​ർ ചാ​വ​ക്കാ​ട് അ​ഞ്ച​ര​ക്ക​ണ്ടി തൊ​ട്ടാ​പ്പ് സ്വ​ദേ​ശി. ത​ന്റെ ശ​രീ​രം ആ​ണി​ന്റെ​യും മ​ന​സ്സ് പെ​ണ്ണി​ന്റെ​യു​മാ​ണെ​ന്ന് സ്വ​യം തി​രി​ച്ച​റി​ഞ്ഞ് ട്രാ​ൻ​സ്ജെ​ൻ​ഡ​റാ​ണെ​ന്ന് സ​മൂ​ഹ​ത്തോ​ട് വ​ള​രെ നേ​ര​ത്തേ തു​റ​ന്നു​പ​റ​ഞ്ഞ വ്യ​ക്തി.

ആ​ദ്യം ചി​ല എ​തി​ർ​പ്പു​ക​ളു​ണ്ടാ​യെ​ങ്കി​ലും ര​ണ്ട് ജ്യേ​ഷ്ഠ​ന്മാ​രും ര​ണ്ട് അ​നി​യ​ന്മാ​രും അ​വ​രു​ടെ കു​ടും​ബ​വും ഉ​മ്മ​യും ഒ​ക്കെ ഫൈ​സു​വി​നൊ​പ്പ​മു​ണ്ട്. പി​താ​വ് നേ​ര​ത്തേ മ​രി​ച്ചു. തൊ​ട്ടാ​പ്പി​ൽ​ത​ന്നെ​യു​ള്ള നാ​ല് സെ​ന്റ് സ്ഥ​ല​ത്താ​ണ് കു​ടും​ബ​വീ​ട്. സ്വ​ന്ത​മാ​യി സ്ഥ​ല​മു​ണ്ടെ​ങ്കി​ൽ ലൈ​ഫ് മി​ഷ​ൻ ഭ​വ​ന പ​ദ്ധ​തി​യി​ൽ വീ​ട് പ​രി​ഗ​ണി​ക്കാ​മെ​ന്ന് പഞ്ചായത്ത് അധികൃതർ പറഞ്ഞതോടെയാണ് ഭൂ​മി വാ​ങ്ങാ​നു​ള്ള ശ്ര​മം തു​ട​ങ്ങി​യ​ത്.

ജോ​ലി ചെ​യ്തു​ണ്ടാ​ക്കി​യ പ​ണം സ്വ​രു​ക്കൂ​ട്ടി​വെ​ച്ചു. സ​ഹോ​ദ​ര​ഭാ​ര്യ​യു​ടെ ആ​ഭ​ര​ണ​ങ്ങ​ൾ പ​ണ​യം​വെ​ച്ചും മ​റ്റു​ള്ള​വ​രി​ൽ​നി​ന്ന് ക​ടം വാ​ങ്ങി​യ​തു​മെ​ല്ലാം ചേ​ർ​ത്ത് കു​ടും​ബ​വീ​ടി​ന​ടു​ത്തു​ത​ന്നെ നാ​ലേ​കാ​ൽ സെ​ന്റ് ഭൂ​മി​ക്ക് പ​ണം ന​ൽ​കി. ആ​ധാ​രം ത​യാ​റാ​ക്കി ര​ജി​സ്ട്രേ​ഷ​ൻ വ​കു​പ്പി​ൽ ഓ​ൺ​ലൈ​നി​ൽ എ​ന്റ​ർ ചെ​യ്യാ​ൻ ശ്ര​മി​ക്കു​മ്പോ​ഴാ​ണ് ത​ട​സ്സം മ​ന​സ്സി​ലാ​യ​ത്.

ആ​ൺ, പെ​ൺ എ​ന്നീ ര​ണ്ട് കോ​ള​ങ്ങ​ളി​ൽ മാ​ത്ര​മേ ആ​ധാ​രം ഓ​ൺ​ലൈ​നാ​യി ര​ജി​സ്റ്റ​ർ ചെ​യ്യാ​ൻ സാ​ധി​ക്കൂ. ത​ന്റെ ട്രാ​ൻ​സ്ജെ​ൻ​ഡ​ർ സ്വ​ത്വ​ത്തി​ൽ​ത​ന്നെ ഭൂ​മി ര​ജി​സ്റ്റ​ർ ചെ​യ്ത് കി​ട്ട​ണ​മെ​ന്ന് ഫൈ​സു​വി​​​​​ന്റെ ആ​ഗ്ര​ഹ​മാ​യി​രു​ന്നു. പി​ന്നീ​ട് അ​തി​നാ​യു​ള്ള ശ്ര​മ​മാ​യി. ജി​ല്ല ക​ല​ക്ട​ർ, ര​ജി​സ്ട്രാ​ര്‍ ഓ​ഫി​സ്, സാ​മൂ​ഹി​ക നീ​തി വ​കു​പ്പ്, ഐ.​ടി സെ​ല്‍ എ​ന്നി​വ​ർ​ക്കൊ​ക്കെ അ​പേ​ക്ഷ അ​യ​ച്ചു. ഒ​ടു​വി​ൽ ഡി​സം​ബ​ർ 19ന് ​ര​ജി​സ്റ്റ​ർ ഓ​ഫി​സി​ൽ​നി​ന്ന് വി​ളി വ​ന്നു. സ്ത്രീ, ​പു​രു​ഷ കോ​ള​ങ്ങ​ൾ​ക്കൊ​പ്പം ട്രാ​ൻ​സ്ജെ​ൻ​ഡ​ർ എ​ന്ന കോ​ളം കൂ​ടി ഓ​ൺ​ലൈ​ൻ ​അ​പേ​ക്ഷ​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ടെ​ന്നും ഇ​നി സ്വ​ന്തം ആ​ഗ്ര​ഹ​പ്ര​കാ​രം ഭൂ​മി ര​ജി​സ്റ്റ​ർ ചെ​യ്യാ​മെ​ന്നും അ​റി​യി​ച്ചു​ള്ള​താ​യി​രു​ന്നു ആ ​വി​ളി. തൊ​ട്ട​ടു​ത്ത ദി​വ​സം​ത​ന്നെ ഭൂ​മി സ്വ​ന്തം പേ​രി​ൽ ട്രാ​ൻ​സ്ജെ​ൻ​ഡ​ർ ഐ​ഡ​ന്റി​റ്റി​യി​ൽ സ്വ​ന്ത​മാ​ക്കി. ത​ന്റെ നേ​ട്ടം നി​ര​വ​ധി ട്രാ​ൻ​സ്ജെ​ൻ​ഡ​റു​ക​ൾ​ക്ക് പ്ര​ചോ​ദ​ന​മാ​കു​മെ​ന്ന് വി​ശ്വ​സി​ക്കു​ന്ന​താ​യും ഫൈ​സു ‘മാ​ധ്യ​മ’​ത്തോ​ട് പ​റ​ഞ്ഞു. നേ​ര​ത്തേ കൊ​ച്ചി മെ​ട്രോ ജീ​വ​ന​ക്കാ​രി​യാ​യി​രു​ന്ന ഫൈ​സു നാ​ഷ​ന​ൽ ഹെ​ൽ​ത്ത് മി​ഷ​ന് കീ​ഴി​ൽ ട്രാ​ൻ​സ്ജെ​ൻ​ഡ​ർ ലി​ങ്ക് വ​ർ​ക്ക​റാ​യി ​കൊ​ച്ചി​യി​ൽ ജോ​ലി ചെ​യ്യു​ക​യാ​ണ്.