വ്യാജ സർട്ടിഫിക്കറ്റ്: കെ. വിദ്യക്കെതിരെ അട്ടപ്പാടി കോളജ് പ്രിൻസിപ്പൽ പരാതി നൽകി

പാലക്കാട്: വ്യാജ സർട്ടിഫിക്കറ്റ് ആരോപണത്തിൽ എസ്.എഫ്.ഐ നേതാവ് കെ. വിദ്യക്കെതിരെ അട്ടപ്പാടി കോളജ് പ്രിൻസിപ്പൽ പൊലീസിൽ പരാതി നൽകി. ഇന്നലെ രാത്രിയാണ് അഗളി പൊലീസിൽ പ്രിൻസിപ്പൽ പരാതി നൽകിയത്. വിദ്യ വ്യാജ സർട്ടിഫിക്കറ്റുകൾ ഹാജരാക്കിയെന്ന് പരാതിയിൽ പറയുന്നു.

ഏറെ അ​നി​ശ്ചി​ത​ത്വ​ത്തി​നൊ​ടു​വി​ലാണ് വി​ദ്യ വി​ജ​യ​ന്‍ എ​ന്ന കെ. ​വി​ദ്യ പ്ര​തി​യാ​യ വ്യാ​ജ​രേ​ഖ​ക്കേ​സ് അ​ഗ​ളി ​പൊ​ലീ​സി​ന്​ കൈ​മാ​റാ​ൻ സി​റ്റി പൊ​ലീ​സ്​ ക​മീ​ഷ​ണ​ർ തീ​രു​മാ​നിച്ചത്. സി​റ്റി അ​സി. ക​മീ​ഷ​ണ​റു​​ടെ മേ​ൽ​നോ​ട്ട​ത്തി​ൽ എ​റ​ണാ​കു​ളം സെ​ൻ​ട്ര​ൽ ​പൊ​ലീ​സ്​ ഇ​ൻ​സ്​​പെ​ക്​​ട​റാണ് കേസ് അ​ന്വേ​ഷി​ക്കുക.

മ​ഹാ​രാ​ജാ​സ് കോ​ള​ജി​ല്‍ ഗെ​സ്റ്റ് ലെ​ക്ച​റ​റാ​യി ജോ​ലി ചെ​യ്തു​വെ​ന്ന സ​ര്‍ട്ടി​ഫി​ക്ക​റ്റാ​ണ് അ​ട്ട​പ്പാ​ടി കോ​ള​ജി​ലെ ഗെ​സ്റ്റ് ലെ​ക്ച​റ​ർ നി​യ​മ​ന​ത്തി​ന്​ വി​ദ്യ ഹാ​ജ​രാ​ക്കി​യ​ത്. ഇ​ത് വ്യാ​ജ​മാ​ണെ​ന്ന് കണ്ടെത്തിയ​തോ​ടെ​യാ​ണ്​ കേ​സും രാ​ഷ്ടീ​യ വി​വാ​ദ​വും ഉ​ട​ലെ​ടു​ത്ത​ത്.

അതേസമയം, ഗെ​സ്റ്റ്​ ലെ​ക്​​ച​റ​റാ​കാ​ൻ ഉ​ണ്ടാ​ക്കി​യെ​ന്ന്​ പ​റ​യു​ന്ന വ്യാ​ജ​രേ​ഖ കാ​ണു​ന്ന​ത് മാ​ധ്യ​മ​ങ്ങ​ളി​ലൂ​ടെ​യാ​ണെ​ന്നും അ​ങ്ങ​നെ​യൊ​ന്ന് ത​ന്‍റെ കൈ​യി​ല്‍ ഇ​ല്ലെ​ന്നും കേ​സി​ൽ പ്ര​തി​യാ​യ കെ. ​വി​ദ്യ പറയുന്നത്. വിവാദത്തിന് പിന്നാലെ വി​ദ്യ ഒ​ളി​വി​ലാണ്.

അതിനിടെ, വ്യാ​ജ സ​ർ​ട്ടി​ഫി​ക്ക​റ്റ് നി​ർ​മി​ച്ച് അ​ധ്യാ​പ​ന​ത്തി​ന് ശ്ര​മി​ച്ച കാ​ല​ടി സം​സ്കൃ​ത സ​ർ​വ​ക​ലാ​ശാ​ല​യി​ലെ പി​എ​ച്ച്.​ഡി വി​ദ്യാ​ർ​ഥി​നി​യും എ​സ്.​എ​ഫ്.​ഐ മു​ൻ നേ​താ​വു​മാ​യ കെ.​വി​ദ്യ​യെ സ​ർ​വ​ക​ലാ​ശാ​ല​യി​ൽ​ നി​ന്ന് പു​റ​ത്താ​ക്കി​യേ​ക്കു​മെ​ന്ന് സൂ​ച​ന. സി​ൻ​ഡി​ക്കേ​റ്റ് അം​ഗ​വും മ​ല​യാ​ളം വി​ഭാ​ഗം അ​ധ്യാ​പി​ക​യു​മാ​യ ഡോ.​ ബി​ച്ചു എ​ക്സ്. മ​ല​യി​ലി​ന് കീ​ഴി​ലാ​ണ് കെ.​ വി​ദ്യ ഗ​വേ​ഷ​ണം ന​ട​ത്തു​ന്ന​ത്.

റി​സ​ർ​ച് ഗൈ​ഡ് സ്ഥാ​ന​ത്തു​നി​ന്ന് പി​ന്മാ​റു​ക​യാണെ​ന്ന് കാ​ണി​ച്ച് അ​ധ്യാ​പി​ക മ​ല​യാ​ള വി​ഭാ​ഗം മേ​ധാ​വി എ​സ്. പ്രി​യ​ക്ക് ക​ഴി​ഞ്ഞ ​ദി​വ​സം ക​ത്ത് ന​ൽ​കി​യി​രു​ന്നു. വി​ദ്യാ​ർ​ഥി​യെ സ​ർ​വ​ക​ലാ​ശാ​ല​യി​ൽ​നി​ന്ന് പു​റ​ത്ത് ആ​ക്ക​ണ​മെ​ങ്കി​ൽ സി​ൻ​ഡി​ക്കേ​റ്റി​ന്‍റെ അ​നു​മ​തി വേ​ണം. അ​ടു​ത്ത​ദി​വ​സം ചേ​രു​ന്ന സി​ൻ​ഡി​ക്കേ​റ്റ്​ ഇ​ക്കാ​ര്യം ച​ർ​ച്ച ചെ​യ്യും.