വ്യാജ ഫേസ്ബുക്ക് അക്കൗണ്ട്; കോർപ്പ​റേഷൻ അംഗത്തിൽനിന്ന്​ പണംതട്ടി

കൊച്ചി: കോർപറേഷൻ മുൻ സ്ഥിരം സമിതി ചെയർമാൻ എ.ബി. സാബുവിെൻറ പേരിൽ വ്യാജ ഫേസ്ബുക്ക് അക്കൗണ്ട് നിർമിച്ച് പണം തട്ടിയതായി പരാതി. സുഹൃത്ത് ഉദയംപേരൂർ പഞ്ചായത്ത് അംഗം നിമിൽരാജിന് 8000 രൂപ നഷ്​ടമായെന്ന്​ എ.ബി. സാബു സൈബർ സെല്ലിൽ നൽകിയ പരാതിയിൽ പറയുന്നു.

ഫേസ്ബുക്ക് മെസഞ്ചർ വഴി വ്യാജസന്ദേശങ്ങൾ അയച്ച് പണം ആവശ്യപ്പെട്ടായിരുന്നു തട്ടിപ്പ്. പണം ആവശ്യപ്പെട്ട്​ നിരവധി സുഹൃത്തുക്കൾക്ക് സന്ദേശം ലഭിച്ചു.

ത​െൻറ പ്രൊഫൈൽ ചിത്രമുള്ള അക്കൗണ്ടിൽനിന്നായിരുന്നു സന്ദേശങ്ങൾ. ഇതുകണ്ട് തെറ്റിദ്ധരിച്ച് നിമിൽരാജ് ഗൂഗ്​ൾ പേ വഴി 8000 രൂപ നൽകുകയായിരുന്നു. 919861161871 എന്ന ഗൂഗ്​ൾ പേ നമ്പർ ഉപയോഗിച്ചാണ് തട്ടിപ്പെന്നും അദ്ദേഹം പറഞ്ഞു.