കുളിമുറിയിൽ വീണ് പരിക്കേറ്റ് ചികിത്സയിലായിരുന്ന പാരാമെഡിക്കൽ വിദ്യാർഥിനി മരിച്ചു.

ചേർത്തല : കുളിമുറിയിൽ വീണ് പരിക്കേറ്റ് ചികിത്സയിലായിരുന്ന പാരാമെഡിക്കൽ വിദ്യാർഥിനി മരിച്ചു. ഡ്രീം ലാൻഡ്​ ട്രാവൽ ഏജൻസി ഉടമയുമായ മായിത്തറ കൃഷ്ണ വീട്ടിൽ സിറാജിൻ്റെയും, ഷൈമോളുടെയും ഏകമകൾ ദേവിക പാർവ്വതി -20 ആണ് മരിച്ചത്.

ഒരാഴ്ച മുമ്പ് കുളിമുറിയിൽ തെന്നി വീണ് വാഷ് ബെയ്സിനിൽ തലയിടിക്കുകയായിരുന്നു. എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെ കഴിഞ്ഞദിവസം രാത്രിയാണ് മരിച്ചത്.