അരുണി​ന്‍റെ കൊലപാതകം ദുരഭിമാനക്കൊലയാണെന്ന്​ കുടുംബം

കൊ​ല്ലം: ഇ​ര​വി​പു​രം സ്വ​ദേ​ശി അ​രു​ൺ​കു​മാ​ർ (19) കു​ത്തേ​റ്റ്​ മ​രി​ച്ച സം​ഭ​വം ദു​ര​ഭി​മാ​ന​ക്കൊ​ല​യാ​ണെ​ന്ന്​ കു​ടും​ബം. വെ​ള്ളി​യാ​ഴ്ച വൈ​കീ​ട്ട്​ പെ​ൺ​സു​ഹൃ​ത്തി​ന്‍റെ പി​താ​വ്​ പ്ര​സാ​ദാ​ണ്​ അ​രു​ണി​നെ ആ​ക്ര​മി​ച്ച​ത്. ര​ണ്ട്​ മ​ത​വി​ഭാ​ഗ​ത്തി​ൽ​പെ​ട്ട​വ​ർ ത​മ്മി​ല്‍ പ്ര​ണ​യി​ച്ച​താ​ണ്​ കൊ​ല​പാ​ത​ക​ത്തി​നു​ള്ള പ്രേ​ര​ണ​യെ​ന്ന്​ അ​രു​ണി​ന്‍റെ മാ​തൃ സ​ഹോ​ദ​രി സ​ന്ധ്യ പ​റ​ഞ്ഞു. പ്ര​സാ​ദി​ന്‍റെ മ​ക​ളു​മാ​യി അ​രു​ണ്‍ എ​ട്ടാം ക്ലാ​സി​ല്‍ തു​ട​ങ്ങി​യ പ്ര​ണ​യ​മാ​ണ്. പ്ര​സാ​ദ് ഇ​തി​നു​മു​മ്പും പ്ര​ശ്ന​ങ്ങ​ളു​ണ്ടാ​ക്കി​യി​ട്ടു​ണ്ട്. വി​വാ​ഹം ന​ട​ത്തി​ക്കൊ​ടു​ക്കാ​മെ​ന്നും പ​റ​ഞ്ഞി​ട്ടു​ണ്ട്. പി​ന്നീ​ട് വി​വാ​ഹം അ​നു​വ​ദി​ക്കി​ല്ലെ​ന്ന് പ​റ​ഞ്ഞ് ഭീ​ഷ​ണി​പ്പെ​ടു​ത്തു​ക​യും ചെ​യ്തി​രു​ന്നു. കൃ​ത്യ​മാ​യ ആ​സൂ​ത്ര​ണ​ത്തോ​ടെ​യാ​ണ് അ​രു​ണി​നെ കൊ​ല​പ്പെ​ടു​ത്തി​യ​തെ​ന്നും സ​ന്ധ്യ ആ​രോ​പി​ച്ചു.

പ്രാ​യ​പൂ​ർ​ത്തി​യാ​യ ശേ​ഷം വി​വാ​ഹം ന​ട​ത്താ​മെ​ന്ന് സ​മ്മ​തി​ച്ച പ്ര​സാ​ദ് പി​ന്നീ​ട് ബ​ന്ധ​ത്തെ എ​തി​ർ​ത്തെ​ന്നും പ​ല​ത​വ​ണ ഭീ​ഷ​ണി​പ്പെ​ടു​ത്തി​യെ​ന്നും അ​രു​ണി​ന്‍റെ പി​താ​വ്​ ബി​ജു​വും ആ​രോ​പി​ച്ചു. കൊ​ല​പ്പെ​ടു​ത്ത​ണ​മെ​ന്ന ഉ​ദ്ദേ​ശ​ത്തോ​ടെ പ്ര​തി​യാ​ണ് ബ​ന്ധു​വീ​ട്ടി​ലേ​ക്ക് അ​രു​ണി​നെ വി​ളി​ച്ചു​വ​രു​ത്തി​യ​തെ​ന്നും പി​താ​വ്​ പ​റ​ഞ്ഞു.

അ​തേ​സ​മ​യം, പെ​ണ്‍കു​ട്ടി​യു​ടെ മു​ന്നി​ൽ​വെ​ച്ചാ​ണ് പ്ര​സാ​ദ് അ​രു​ണി​നെ കു​ത്തി​യ​തെ​ന്ന് സം​ഭ​വം ന​ട​ക്കു​മ്പോ​ള്‍ സ്ഥ​ല​ത്തു​ണ്ടാ​യി​രു​ന്ന അ​രു​ണി​ന്‍റെ സു​ഹൃ​ത്ത്​ ആ​ല്‍ഡ്രി​ൻ വി​നോ​ജ് പ​റ​ഞ്ഞു. ആ​ല്‍ഡ്രി​നൊ​പ്പ​മാ​ണ് അ​രു​ണ്‍ പെ​ണ്‍കു​ട്ടി താ​മ​സി​ക്കു​ന്ന ഇ​ര​ട്ട​ക്ക​ട​യി​ലെ ബ​ന്ധു​വീ​ട്ടി​ലെ​ത്തി​യ​ത്. പി​ന്നാ​ലെ പ്ര​സാ​ദും എ​ത്തി. അ​രു​ണും പെ​ണ്‍കു​ട്ടി​യും ത​മ്മി​ലു​ള്ള ബ​ന്ധ​ത്തെ ചൊ​ല്ലി ഇ​രു​വ​രും ത​മ്മി​ല്‍ ത​ർ​ക്ക​മു​ണ്ടാ​യി. തു​ട​ർ​ന്നാ​ണ്​​ പ്ര​സാ​ദ്​​ ക​ത്തി​യെ​ടു​ത്ത്​ ആ​ക്ര​മി​ച്ച​ത്. കൊ​ല​പാ​ത​ക​ശേ​ഷം പ്ര​തി പ്ര​സാ​ദ് പൊ​ലീ​സ് സ്റ്റേ​ഷ​നി​ല്‍ കീ​ഴ​ട​ങ്ങി.