ഫസൽ വധം: മൊഴി നിഷേധിച്ച്​ സുബീഷ്​

കണ്ണൂർ: ഫസൽ വധത്തിൽ പൊലീസിനു നൽകിയ ​െമാഴി തിരുത്തി ആർ.എസ്​.എസ്​ പ്രവർത്തകൻ സുബീഷ്​. പൊലീസ്​ മർദിച്ച്​ സമ്മതിപ്പിച്ച മൊഴിയാണെന്നും ജീവനിൽ ഭയന്നാണ്​ പൊലീസ്​ എഴുതി തയാറാക്കിയ മൊഴി ആവർത്തിച്ചതെന്നും സുബീഷ്​ മാധ്യമങ്ങളോട്​ പറഞ്ഞു. ആർ.എസ്​.എസ്​. നേതാവുമായി കൊലപാതകത്തെ കുറിച്ച്​ സംസാരിക്കുന്നുവെന്ന തരത്തിൽ പ്രചരിക്കുന്ന ശബ്​ദരേഖ ത​േൻറതല്ല. താൻ ഒരു കുറ്റവും ചെയ്​തിട്ടില്ല. ആരോടും ഇങ്ങനെ സംസാരിച്ചിട്ടില്ലെന്നും സുബീഷ്​ വാർത്താസമ്മേളനത്തിൽ പറഞ്ഞു. 

പൊലീസ്​ ക്രൂരമായി മർദിച്ചു. അവർ തയാറാക്കിയ മൊഴി വായിക്കണമെന്ന്​ ആവശ്യ​െപ്പട്ടു. ഇല്ലെങ്കിൽ ജീവിതത്തി​െലാരിക്കലും ജയിലിൽ നിന്ന്​ പുറത്തിറങ്ങാൻ സാധിക്കില്ലെന്നും കുടംബത്തിന്​ സമാധാനത്തോ​െട കഴിയാൻ സാധിക്കില്ലെന്നും ഭീഷണി​െപ്പടുത്തി. മൂന്നു ദിവസം തുടർച്ചയായി മർദിച്ചതിനാലാണ്​ ​െപാലീസ്​ പറഞ്ഞ പ്രകാരം മൊഴി നൽകിയത്​. മൊഴി ശരിയായില്ലെന്ന്​ പറഞ്ഞ്​ പല തവണ ആവർത്തിക്കാനും ആവശ്യ​െപ്പട്ടു. മജിസ്​ട്രേറ്റിനു മുന്നിൽ ഹാജരാക്കിയപ്പോൾ ഇക്കാര്യം പറഞ്ഞിട്ടുണ്ടെന്നും സുബീഷ്​ പറഞ്ഞു. 

ഫസലിനെ തനിക്ക്​ അറിയില്ല. ഫസൽ വധത്തി​​​​​െൻറ വാർത്തകൾ വായിച്ചാണ്​ ഇങ്ങനെ ഒരാളെ കുറിച്ച്​ താൻ അറിഞ്ഞത്​. മോഹനൻ കേസിലാണ്​ തന്നെ അറസ്​റ്റ്​ ചെയ്​തതെന്ന്​ കോടതിയിൽ നിന്നാണ്​ അറിയുന്നത്​. എന്നാൽ, അതിനെ കുറിച്ച്​ ഒന്നും തന്നോട്​ ചോദിച്ചിട്ടില്ല. മാത്രമല്ല, ഫസൽ വധം ഏറ്റെടുത്താൽ  പണവും ഭാര്യക്ക്​ ജോലിയും വാഗ്​ദാനം ചെയ്​തു. ഇത്തരം ഒരു കുറ്റത്തിലും താൻ ഉൾപ്പെട്ടിട്ടില്ല. ഏത്​ അന്വേഷണം നേരിടാനും തയാറാണെന്നും സുബീഷ്​ പറഞ്ഞു.