ഓർഡിനറികൾക്കുപകരം ഫാസ്റ്റ്​ ഓടിക്കാൻ ആലോചന

തി​രു​വ​ന​ന്ത​പു​രം: കോ​വി​ഡി​നു​ശേ​ഷം സ്​​റ്റേ സ​ർ​വി​സു​ക​ള​ട​ക്കം ഓ​ർ​ഡി​ന​റി​ക​ൾ വ്യാ​പ​ക​മാ​യി വെ​ട്ടി​ക്കു​റ​ച്ച​തി​നു പി​ന്നാ​ലെ ഗ്രാ​മീ​ണ റൂ​ട്ടു​ക​ളി​ൽ​ കൂ​ടു​ത​ൽ ഫാ​സ്റ്റ്​ പാ​സ​ഞ്ച​ർ ഓ​ടി​ക്കാ​ൻ കെ.​എ​സ്.​ആ​ർ.​ടി.​സി​യി​ൽ ആ​ലോ​ച​ന.

ഓ​ർ​ഡി​ന​റി​ക​ൾ​ക്കു​ പ​ക​രം ഫാ​സ്റ്റു​ക​ളെ​ത്തു​ന്ന​തോ​ടെ യാ​ത്ര ചെ​ല​വ്​ വ​ർ​ധി​ക്കും.

ഹ്ര​സ്വ​ദൂ​ര യാ​ത്ര​ക​ൾ​ക്കും ഫാ​സ്റ്റ്​ നി​ര​ക്ക്​ ന​ൽ​കേ​ണ്ടി​വ​രും. ഓ​ര്‍ഡി​ന​റി​ക​ളി​ൽ യാ​ത്ര​ക്കാ​രി​ല്‍ 60 ശ​ത​മാ​ന​ത്തി​ല​ധി​ക​വും 10​ കി​ലോ​മീ​റ്റ​റി​നു​ള്ളി​ല്‍ യാ​ത്ര ചെ​യ്യു​ന്ന​വ​രാ​ണ്.

ഒ​രു ബ​സി​ല്‍ ഏ​റ്റ​വും കൂ​ടു​ത​ല്‍ ചെ​ല​വാ​കു​ന്ന​താ​ക​ട്ടെ മി​നി​മം ടി​ക്ക​റ്റും. ഓ​ർ​ഡി​ന​റി​ക​ളി​ൽ മാ​ത്ര​മാ​ണ്​ വി​ദ്യാ​ർ​ഥി​ക​ൾ​ക്ക്​ യാ​ത്ര ക​ൺ​സ​ഷ​നു​ള്ള​ത്. യാ​​ത്ര​​ക്ലേ​ശം രൂ​ക്ഷ​മാ​യ ഗ്രാ​മീ​ണ മേ​ഖ​ല​യി​ൽ ഓ​ർ​ഡി​ന​റി​ക​ൾ​ക്കു പ​ക​രം ഫാ​സ്റ്റു​ക​ളെ​ത്തു​ന്ന​തോ​ടെ വി​ദ്യാ​ർ​ഥി​ക​ളു​ടെ ക​ൺ​സ​ഷ​ൻ അ​വ​സ​ര​വും ന​ഷ്ട​പ്പെ​ടും.

വ​രു​മാ​ന​വ​ർ​ധ​ന​യു​ടെ ഭാ​ഗ​മാ​യാ​ണ്​ പു​തി​യ നീ​ക്കം. സൂ​പ്പ​ർ ഫാ​സ്റ്റു​ക​ളു​ടെ സ​ർ​വി​സ്​ പ​രി​ധി നാ​ല്​ ജി​ല്ല​ക​ളും ഫാ​സ്റ്റു​ക​ളു​ടേ​ത്​ പ​ര​മാ​വ​ധി ര​ണ്ട്​ ജി​ല്ല​ക​ളു​മാ​യി പ​രി​മി​ത​പ്പെ​ടു​ത്തു​ക​യാ​ണ്. ഫാ​സ്റ്റു​ക​ളു​ടെ സ​ഞ്ചാ​ര​ദൂ​രം കു​റ​യു​ന്ന​ത്​ പ​രി​ഹ​രി​ക്കാ​ൻ കൂ​ടി​യാ​ണ്​ ഓ​ർ​ഡി​ന​റി​ക​ളെ മാ​റ്റു​ന്ന​ത്.

ക്ര​മേ​ണ ന​ഷ്ട​ക്ക​ണ​ക്കി​ന്‍റെ പേ​രി​ൽ ഓ​ർ​ഡി​ന​റി​​ക​ളെ പൂ​ർ​ണ​മാ​യി ഒ​ഴി​വാ​ക്ക​ലാ​കും ഫ​ലം. ദീ​ർ​ഘ​ദൂ​ര സ​ർ​വി​സു​ക​ളെ​ല്ലാം സ്വി​ഫ്​​റ്റി​ലേ​ക്ക്​ മാ​റ്റു​ന്ന​തി​ന് മു​ന്നോ​ടി​യാ​യാ​ണ്​ കെ.​എ​സ്.​ആ​ർ.​ടി.​സി​യി​ലെ സ​ർ​വി​സ്​ പു​നഃ​സം​ഘ​ട​ന.

​ഗ്രാ​മീ​ണ മേ​ഖ​ല​ക​ളി​ൽ സാ​മൂ​ഹി​ക​പ്ര​തി​ബ​ദ്ധ​ത​യു​ടെ പേ​രി​ൽ ന​ട​ത്തി​യി​രു​ന്ന സ്​​റ്റേ സ​ർ​വി​സു​ക​ൾ ഭൂ​രി​ഭാ​ഗ​വും അ​വ​സാ​നി​പ്പി​ച്ചു. അ​തി​രാ​വി​​ലെ​യും അ​വ​സാ​ന വ​ണ്ടി​യാ​യും ഡി​പ്പോ​ക​ൾ കേ​ന്ദ്രീ​ക​രി​ച്ച്​ ന​ട​ത്തി​യി​രു​ന്ന സ്​​റ്റേ സ​ർ​വി​സു​ക​ൾ വ​ലി​യ ആ​ശ്വാ​സ​മാ​യി​രു​ന്നു.

ത​​ദ്ദേ​ശ സ്ഥാ​പ​ന​ങ്ങ​ൾ ഇ​ന്ധ​ന​ച്ചെ​ല​വ്​ വ​ഹി​ച്ചാ​ൽ ഇ​ത്ത​രം സ​ർ​വി​സ്​ പു​ന​രാ​രം​ഭി​ക്കാ​മെ​ന്ന നി​ല​പാ​ടാ​ണ്​ അ​ധി​കൃ​ത​ർ​ക്കു​ള്ള​ത്. ഇ​തി​നാ​യി ഗ്രാ​മ​വ​ണ്ടി എ​ന്ന പേ​രി​ൽ പ​ദ്ധ​തി​യും പ്ര​ഖ്യാ​പി​ച്ചി​ട്ടു​ണ്ട്.