മുഖ്യമന്ത്രിയെ ഭീഷണിപ്പെടുത്തിയ യുവാവ് അറസ്റ്റില്‍         

പന്തളം: മുഖ്യമന്ത്രിയെ അധിക്ഷേപിച്ചും ഭീഷണിപ്പെടുത്തിയും ഫേസ്ബുക്ക് പോസ്റ്റിട്ട യുവാവിനെ പന്തളം പൊലീസ് അറസ്റ്റ് ചെയ്തു. കുളനട ഞെട്ടൂര്‍ മാളു ഭവനില്‍ മണികുട്ടന്‍ എന്നു വിളിക്കുന്ന മിഥുന്‍ (19) ആണ് അറസ്റ്റിലായത്. നാലു മാസം മുമ്പാണ് അറസ്റ്റിന് കാരണമായ പോസ്റ്റിട്ടത്. 

കുളനട സി.പി.എം ലോക്കല്‍ സെക്രട്ടറിയുടെ പരാതിയെ തുടര്‍ന്നുള്ള അന്വേഷണത്തില്‍ വീട്ടിൽ നിന്നാണ് പ്രതിയെ പിടികൂടിയത്. എസ്‌.ഐ ബി. സജീഷ് കുമാറിന്‍റെ നേതൃത്വത്തിലുള്ള സംഘമാണ് തിരച്ചിൽ നടത്തിയത്.