പൊലീസ് സേവനങ്ങളുടെ ഫീസുകൾ കൂട്ടി
text_fieldsകോഴിക്കോട്: വിവിധ പൊലീസ് സേവനങ്ങൾക്കുള്ള ഫീസ് നിരക്ക് സർക്കാർ കൂട്ടി. ഇതുസംബന്ധിച്ച ഡി.ജി.പിയുടെ ശിപാർശ അംഗീകരിച്ച് ഉത്തരവായി. പൊലീസ് വാഹനങ്ങൾക്കും ഫോറൻസിക് സയൻസ് ലാബിനും ഉൾപ്പെടെയുള്ള സേവനങ്ങളുടെ ഫീസും പുതുക്കിയതിൽപെടും. സ്വകാര്യ ചടങ്ങുകൾക്കും മറ്റ് ആവശ്യങ്ങൾക്കും പൊലീസ് സേവനം തേടിയാൽ സി.െഎ റാങ്കിലുള്ള ഉദ്യോഗസ്ഥന് പകൽ നാല് മണിക്കൂറിന് 2750 രൂപയും രാത്രി 3600 രൂപയും നൽകണം. എസ്.െഎക്ക് യഥാക്രമം 1850, 2250, എ.എസ്.െഎ 1350, 1600, സീനിയർ സി.പി.ഒ 900, 1150, സി.പി.ഒ 500, 750 എന്നിങ്ങനെയാണ് പുതിയ നിരക്ക്. പൊലീസ് നായയുടെ സേവനം ആവശ്യമാണെങ്കിൽ ദിവസത്തിന് 6000 രൂപയും വയർലെസ് സെറ്റ് ഉപയോഗത്തിന് ദിവസം 2000 രൂപയും നൽകണം.
ബാങ്കുകൾ, േപാസ്റ്റ് ഒാഫിസുകൾ തുടങ്ങിയവയുടെ പണം കൊണ്ടുപോകുന്നതിന് പൊലീസ് അകമ്പടിക്കുള്ള ഫീസ് നിലവിലെ നിരക്കിെൻറ രണ്ട് ഇരട്ടിയോളം വർധിച്ചിട്ടുണ്ട്. സ്വകാര്യ വ്യക്തികൾക്കും സ്ഥാപനങ്ങൾക്കും വിരലടയാളം താരതമ്യം ചെയ്ത് പരിശോധിക്കാനും വിദഗ്ധ അഭിപ്രായത്തിനും വിരലടയാള വിദഗ്ധെൻറ സേവനത്തിന് 5000 രൂപ നൽകണം. വിരലടയാള കോപ്പി ലഭിക്കാൻ ഒാരോ കോപ്പിക്കും 100 രൂപ അടക്കണം. ഇമിഗ്രേഷൻ ആവശ്യത്തിന് വിരലടയാളം സാക്ഷ്യപ്പെടുത്താൻ 1000 രൂപ നൽകണം. സ്വകാര്യ വ്യക്തികൾക്ക് കോടതിയിൽ വിരലടയാള വിദഗ്ധെൻറ സേവനം ആവശ്യമായി വരുേമ്പാൾ അദ്ദേഹത്തിെൻറ ഒരുദിവസത്തെ ശമ്പളവും 100 രൂപയും അടക്കേണ്ടിവരും.
സർക്കാർ കക്ഷിയല്ലാത്ത സിവിൽ കേസുകളിൽ ഫോറൻസിക് സയൻസ് ലാബിലെ രേഖകൾ പരിശോധിക്കുന്നതിന് ഒാരോ കേസിനും 7500 രൂപയും ക്രിമിനൽ കേസുകളിൽ 10000 രൂപയും അടക്കണം. സർക്കാർ കക്ഷിയല്ലാത്ത കേസുകളിൽ അന്വേഷണ ഏജൻസികൾക്ക് ഡി.എൻ.എ പരിശോധ ആവശ്യമാണെങ്കിൽ മൂന്ന് സാമ്പിളുകൾക്ക് 20,000 രൂപയും അധികമായി വരുന്ന ഒാരോ സാമ്പിളിനും 5000 രൂപ വീതവും നൽകണം. ആയുധ പരിശോധനക്കാണെങ്കിൽ മൂന്ന് ആയുധങ്ങൾക്ക് 3000 രൂപയും അധികം വരുന്ന ഒാരോ ആയുധത്തിനും 1000 രൂപയും അടക്കണം. നാർകോട്ടിക് പരിശോധനക്ക് മൂന്ന് സാമ്പിളുകൾക്ക് 5000 രൂപയും പിന്നീട് വരുന്ന ഒാരോ സാമ്പിളിനും1000 രൂപയും നൽകണം.
ഹാർഡ് ഡിസ്ക്, ലാപ്ടോപ് എന്നിവയുടെ സൈബർ ഫോറൻസിക് പരിശോധനക്ക് 10000 രൂപയും മൊബൈൽ ഫോൺ, മെമ്മറി കാർഡ്, സി.ഡി. പെൻഡ്രൈവ്, സിം എന്നിവയുടെ പരിശോധനക്ക് 5000 രൂപയും വിഡിയോ പരിശോധനക്ക് ഒാരോ സാമ്പിളിനും 5000 രൂപയും ഒരു വ്യക്തിയുടെ ഒാഡിയോ സാമ്പിളിന് 10,000 രൂപയും നൽകണം. പൊലീസ് വാഹനങ്ങളുടെ വാടക നിരക്കും പുതുക്കിയിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.