വി​വാ​ഹ​വാ​ഗ്ദാ​നം ന​ൽ​കി പീ​ഡി​പ്പി​ച്ചെ​ന്ന് പ​രാ​തി: ലി​ജു കൃ​ഷ്ണ​യു​ടെ അം​ഗ​ത്വം ഫെ​ഫ്ക റദ്ദാക്കി

കൊ​ച്ചി: വി​വാ​ഹ​വാ​ഗ്ദാ​നം ന​ൽ​കി പീ​ഡി​പ്പി​ച്ചെ​ന്ന യു​വ​തി​യു​ടെ പ​രാ​തി​യെ തു​ട​ർ​ന്ന് സം​വി​ധാ​യ​ക​ൻ ലി​ജു കൃ​ഷ്ണ​യു​ടെ അം​ഗ​ത്വം റ​ദ്ദ് ചെ​യ്ത​താ​യി ഫെ​ഫ്ക. പ​ട​വെ​ട്ട് എ​ന്ന സി​നി​മ​യു​മാ​യി ബ​ന്ധ​പ്പെ​ട്ട് ലി​ജു എ​ടു​ത്ത താ​ത്കാ​ലി​ക അം​ഗ​ത്വം റ​ദ്ദ് ചെ​യ്ത​താ​യി ഫെ​ഫ്‍​ക ഡ​യ​റ​ക്‌​ടേ​ഴ്‌​സ് യൂ​ണി​യ​ൻ പ്ര​സി​ഡ​ന്‍റ് ര​ൺ​ജി പ​ണി​ക്ക​റും സെ​ക്ര​ട്ട​റി ജി.​എ​സ്. വി​ജ​യ​നും വാ​ർ​ത്താ​ക്കു​റി​പ്പി​ലൂ​ടെ അ​റി​യി​ച്ചു.

'ഷൂട്ടിങ്ങ് നടന്നു കൊണ്ടിരിക്കുന്ന പടവെട്ട് എന്ന സിനിമയുടെ സംവിധായകൻ ലിജു കൃഷ്ണക്കെതിരെ ഉണ്ടായ ലൈംഗിക പീഡനക്കേസിൽ ഫെഫ്ക അതിജീവിതയോടൊപ്പം ഉറച്ചു നിൽക്കുന്നു. പ്രസ്തുത സിനിമയുമായി ബന്ധപ്പെട്ട് ലിജു കൃഷ്ണ എടുത്ത താത്ക്കാലിക അംഗത്വം റദ്ദ് ചെയ്തതായി ഫെഫ്ക ഡയറക്‌ടേഴ്‌സ് യൂണിയൻ ഇതിനാൽ അറിയിക്കുന്നു.' പ്രസ്താവനയിൽ ഫെഫ്ക പറയുന്നു.

അതേസമയം, യു​വ​തി​ക്ക് പി​ന്തു​ണ​യു​മാ​യി സി​നി​മ​യി​ലെ വ​നി​ത പ്ര​വ​ർ​ത്ത​ക​രു​ടെ കൂ​ട്ടാ​യ്മ​യാ​യ ഡ​ബ്ല്യൂ​.സി​.സി​യും രം​ഗ​ത്തെ​ത്തി. മലയാളം സിനിമാ നിര്‍മ്മാണങ്ങളില്‍ പോഷ് നിയമം ഉടനടി നടപ്പാക്കണമെന്നും ഇന്‍ഡസ്ട്രിയിലുടനീളമുള്ള ലൈംഗികപീഡനങ്ങളോട് ഒരു സീറോ ടോളറന്‍സ് നയം സ്വീകരിക്കണമെന്നും ഡബ്ല്യു.സി.സി ആ​വ​ശ്യ​പ്പെ​ട്ടു. കേ​സ് തീ​ർ​പ്പാ​കുന്ന​തു​വ​രെ ലി​ജു​വി​നെ സി​നി​മ മേ​ഖ​ല​യി​ൽ വി​ല​ക്കേ​ർ​പ്പെ​ടു​ത്ത​ണ​മെ​ന്നും സിനിമാ മേഖലയിലെ സംഘടനകളിലെ അം​ഗ​ത്വം റ​ദ്ദാ​ക്ക​ണ​മെ​ന്നും ഡ​ബ്ല്യൂ.​സി.​സി ആ​വ​ശ്യ​പ്പെ​ട്ടു.

ലി​ജു ആ​ദ്യ​മാ​യി സം​വി​ധാ​നം ചെ​യ്യു​ന്ന ചി​ത്ര​മാ​ണ് പ​ട​വെ​ട്ട്. നി​വി​ൻ പോ​ളി, മ​ഞ്ജു വാ​ര്യ​ർ എ​ന്നി​വ​ർ കേ​ന്ദ്ര​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്ന ചി​ത്രം ന​ട​ൻ സ​ണ്ണി വെ​യി​നാ​ണ് നി​ർ​മി​ക്കു​ന്ന​ത്. ലി​ജു അ​റ​സ്റ്റി​ലാ​യതോടെ സി​നി​മ​യു​ടെ ഷൂട്ടിങ് നി​ർ​ത്തി​വ​ച്ചി​രു​ന്നു.