നെല്ലിന് മരുന്ന് തളിക്കുന്നതിനിടെ അസ്വസ്ഥത; രണ്ടു പേർ മരിച്ചു

തിരുവല്ല: കീടങ്ങളെ തുരത്താനുള്ള കൊടുംവിഷം തളിച്ച രണ്ടുപേർക്ക്​ ജീവൻ നഷ്​ടമായി. അപകടനില തരണംചെയ്യാതെ മൂന്ന ് പേർ ആശുപത്രിയില്‍. നെൽപാടത്ത് കീടനാശിനി തളിക്കുന്നതിനിടെ, ദേഹാസ്വാസ്ഥ്യം അനുഭവപ്പെട്ട്​ ചികിത്സയിലിരുന്ന വരാണ്​ മരിച്ചത്​. വേങ്ങൽ കഴുപ്പിൽ കോളനിയിൽ സനൽ കുമാർ(45), വേങ്ങൽ മാങ്കളത്തിൽ മത്തായി ഇശോ(68) എന്നിവരാണ് മരിച്ചത്. മൂന്ന് പേർ ചങ്ങനാശ്ശേരി താലൂക്ക് ആശുപത്രിയിലാണ്​.

വ്യാഴാഴ്ചയാണ് സംഭവം. പെരിങ്ങര ഇരുകര പാടത്ത് നെല്ലിന് കീടനാശിനി തളിക്കുന്നതിനിടെയാണ് ഇവർക്ക്​ അസ്വസ്ഥത അനുഭവപ്പെട്ടത്. മരുന്ന് തളി കാണാൻ എത്തിയതായിരുന്നു മത്തായി ഈശോ. കൃഷി വകുപ്പ്​ അംഗീകരിച്ച കീടനാശിനിയാണ് തളിച്ചത്. 20 മില്ലീലിറ്റർ ഉപയോഗിക്കേണ്ടിടത്ത്​ 50 മില്ലീലിറ്റർ ഉപയോഗിച്ചതാണ് മരണ കാരണമെന്നാണ് സൂചന.

കൃഷി ഓഫിസറുടെ കുറിപ്പില്ലാതെയാണ് കീടനാശിനി വാങ്ങിയത്​. കീടനാശിനി തളിക്കുന്നവർ നാല് മണിക്കൂർ മാത്രമേ പാടത്ത് നിൽക്കാവൂ. അതിൽ കൂടുതൽ സമയം ഇവർ പാടത്ത്​ തങ്ങിയതും ദേഹാസ്വാസ്ഥ്യത്തിന് കാരണമായി. തുടർന്ന്​, സംസ്ഥാനത്തെ മുഴുവൻ വളം-കീടനാശിനി ഡിപ്പോകളും പരിശോധിച്ച് റിപ്പോർട്ട് നൽകാൻ കൃഷി മന്ത്രി വി.എസ്. സുനിൽകുമാർ നിർദേശം നൽകി.

കീടനാശിനിയുടെ അംശം ഇരുവരുടെയും ഉള്ളിൽ ചെന്നതായി പോസ്​റ്റ്​മോർട്ടത്തിൽ വ്യക്തമായതായി പൊലീസ് പറഞ്ഞു. ലാവണ്യയാണ് സനലി​​​​െൻറ ഭാര്യ. മക്കൾ: സേതു, ദേവിക, ഗീതു. സംസ്കാരം ഞായറാഴ്​​ച 10ന് കഴുപ്പിൽ പട്ടികജാതി ശ്മശാനത്തിൽ. അച്ചാമ്മയാണ് മത്തായി ഈശോയുടെ ഭാര്യ. മക്കൾ: ഷെയ്ക് സൺ, ഷിൻസി, ഷൈജു. സംസ്കാരം ഞായറാഴ്​ച രണ്ടിന് വേങ്ങൽ ഓർത്തഡോക്സ് പള്ളി ​സെമിത്തേരിയിൽ.