​സംസ്ഥാനത്ത് ആശങ്കയായി പനി; ബുധനാഴ്ച ആറുമരണം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ആ​ശ​ങ്ക​യാ​യി പ​നി മ​ര​ണ​ങ്ങ​ൾ. ബു​ധ​നാ​ഴ്ച മാ​ത്രം പ​നി​മൂ​ലം മ​രി​ച്ച​ത്​ ആ​റു​​പേ​രാ​ണ്. ഇ​തി​ൽ ​​കൊ​ല്ലം ജി​ല്ല​യി​ലാ​ണ്​ നാ​ലെ​ണ്ണം. എ​റ​ണാ​കു​ളം, പ​ത്ത​നം​തി​ട്ട ജി​ല്ല​ക​ളി​ൽ​ ഓ​രോ​ന്നും. ആ​റി​ൽ മൂ​ന്നു​​മ​ര​ണ​വും ഡെ​ങ്കി​പ്പ​നി ബാ​ധി​ച്ചാ​ണ്. ഇ​തോ​ടെ ഈ​മാ​സം ഇ​തു​വ​രെ പ​നി അ​ട​ക്കം പ​ക​ർ​ച്ച​വ്യാ​ധി​ക​ൾ ബാ​ധി​ച്ചു​ള്ള മ​ര​ണം 38 ആ​യി. ഇ​തി​ൽ 22 മ​ര​ണ​വും ഡെ​ങ്കി​പ്പ​നി മൂ​ല​മാ​ണ്. മ​ര​ണ​ക്ക​ണ​ക്കു​ക​ൾ നെ​ഞ്ചി​ടി​​പ്പേ​റ്റു​മ്പോ​ഴും കൃ​ത്യ​മാ​യ ക​ണ​ക്കു​ക​ൾ പ്ര​സി​ദ്ധീ​ക​രി​ക്കാ​ൻ ആ​രോ​ഗ്യ​വ​കു​പ്പ്​ ത​യാ​റാ​കു​ന്നി​ല്ല. ആ​രോ​ഗ്യ​വ​കു​പ്പി​ന്‍റെ വെ​ബ്​​സൈ​റ്റ്​ വ​ഴി​യു​ള്ള ക​ണ​ക്കു​ക​ൾ അ​പൂ​ർ​ണ​മാ​ണ്. പ​ര​സ്യ പ്ര​തി​ക​ര​ണ​ങ്ങ​ൾ​ക്ക്​ ഡി.​എം.​ഒ​മാ​ർ​ക്ക്​ വി​ല​ക്കു​ള്ള​തി​നാ​ൽ​ വി​വ​ര​ങ്ങ​ൾ ല​ഭ്യ​വു​മ​ല്ല.

ക​ഴി​ഞ്ഞ ദി​വ​സ​ത്തെ ക​ണ​ക്ക​നു​സ​രി​ച്ച്​ 133 പേ​ർ​ക്കാ​ണ് ഡെ​ങ്കി​പ്പ​നി സ്ഥി​രീ​ക​രി​ച്ച​ത്. ഇ​തോ​ടെ ജൂ​ണി​ൽ മാ​ത്രം രോ​ഗം സ്ഥി​രീ​ക​രി​ച്ച​വ​ർ 1168 ആ​യി. ഈ ​വ​ർ​ഷം ഇ​തു​വ​രെ 2863ഉം. ​ക​ഴി​ഞ്ഞ ദി​വ​സം പ​നി​ബാ​ധി​ച്ച്​ ചി​കി​ത്സ തേ​ടി​യ​വ​രു​ടെ എ​ണ്ണം 12,876 ആ​ണ്. ഇ​തി​ൽ മ​ല​പ്പു​റ​ത്താ​ണ്​ ഏ​റ്റ​വും കൂ​ടു​ത​ൽ -2095 പേ​ർ. കോ​ഴി​ക്കോ​ട്​ 1529ഉം ​തി​രു​വ​ന​ന്ത​പു​ര​ത്ത്​ 1156ഉം ​ആ​ണ്​ പ​നി ബാ​ധി​ത​രു​ടെ നി​ല. ര​ണ്ടാ​ഴ്ച മു​മ്പു​വ​രെ പ്ര​തി​ദി​നം സം​സ്ഥാ​ന​ത്ത് 5,000 പേ​ർ മാ​ത്ര​മാ​ണ്​ പ​നി​ക്ക് ചി​കി​ത്സ തേ​ടി​യി​രു​ന്ന​ത്. നി​ല​വി​ൽ ഇ​ത് പ്ര​തി​ദി​നം 12,000-13,000 ആ​ണ്. ഇ​ത്​ സ​ർ​ക്കാ​ർ ആ​ശു​പ​ത്രി​ക​ളി​ലെ മാ​ത്രം ക​ണ​ക്കാ​ണ്. ഏ​ഴു​പേ​ർ​ക്ക്​ എ​ലി​പ്പ​നി​യും സ്ഥി​രീ​ക​രി​ച്ചി​ട്ടു​ണ്ട്.

ഡെ​ങ്കി​പ്പ​നി ല​ക്ഷ​ണ​ങ്ങ​ളോ​ടെ 298 പേ​രും ചി​കി​ത്സ തേ​ടി. 1,74,222 പേ​രാ​ണ് ചൊ​വ്വ വൈ​കീ​ട്ടു​വ​രെ സം​സ്ഥാ​ന​ത്തെ സ​ർ​ക്കാ​ർ ആ​ശു​പ​ത്രി​ക​ളി​ൽ പ​നി​ക്ക് ചി​കി​ത്സ തേ​ടി​യെ​ത്തി​യ​ത്. സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ തേ​ടി​യ​വ​രു​ടെ ക​ണ​ക്കു​ക​ൾ ല​ഭ്യ​മ​ല്ല. സ്വ​കാ​ര്യ ചി​കി​ത്സ കേ​ന്ദ്ര​ങ്ങ​ളി​ലെ ക​ണ​ക്ക്​ കൂ​ടി​യാ​കു​മ്പോ​ൾ ഇ​ത്​​ വീ​ണ്ടു​മു​യ​രും.

പ്ര​വ​ർ​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന​തി​നു​വേ​ണ്ടി ആ​രോ​ഗ്യ​വ​കു​പ്പ് മോ​ണി​റ്റ​റി​ങ് സെ​ൽ ആ​രം​ഭി​ച്ചി​ട്ടു​ണ്ട്. പ​നി പ്ര​തി​രോ​ധ ന​ട​പ​ടി​ക്ക് സ്വ​കാ​ര്യ മേ​ഖ​ല​യു​ടെ പ​ങ്കാ​ളി​ത്ത​വും സ​ർ​ക്കാ​ർ തേ​ടി​യി​ട്ടു​ണ്ട്.

സം​സ്ഥാ​ന​ത്ത് പ​നി കേ​സു​ക​ളി​ൽ വ​ർ​ധ​ന​യു​ണ്ടാ​യേ​ക്കാ​മെ​ന്നും അ​തി​ജാ​ഗ്ര​ത വേ​ണ​മെ​ന്നു​മാ​ണ്​ ആ​രോ​​ഗ്യ​മ​ന്ത്രി​യു​ടെ പ്ര​തി​ക​ര​ണം. വ​ർ​ധ​ന ഉ​ണ്ടാ​കു​മെ​ന്ന്​ മേ​യി​ൽ​ത​ന്നെ വി​ല​യി​രു​ത്തി​യി​രു​ന്നു.

എ​ലി​പ്പ​നി പ്ര​തി​രോ​ധ മ​രു​ന്നു​ക​ളു​ടെ കാ​ര്യ​ത്തി​ൽ വീ​ഴ്ച പാ​ടി​ല്ലെ​ന്നും മ​ന്ത്രി പ​റ​ഞ്ഞു. ഡെ​ങ്കി​പ്പ​നി കൂ​ടു​ത​ൽ വ്യാ​പി​ച്ച സ്ഥ​ല​ങ്ങ​ളി​ൽ പ്ര​ത്യേ​ക പ​രി​ശോ​ധ​ന ന​ട​ത്തും. കേ​സു​ക​ള്‍ വ​ര്‍ധി​ക്കു​ന്ന​തി​ല​ല്ല, മ​ര​ണം ഒ​ഴി​വാ​ക്കാ​നാ​ണ് പ​രി​ശ്ര​മി​ക്കു​ന്ന​ത്. എ​ല്ലാ ജി​ല്ല​ക​ളി​ലും പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ കൂ​ടു​ത​ല്‍ ശ​ക്ത​മാ​ക്കാ​ന്‍ നി​ര്‍ദേ​ശം ന​ല്‍കി​യി​ട്ടു​​ണ്ടെ​ന്നും മ​ന്ത്രി പ​റ​ഞ്ഞു.