ധന കമീഷൻ ഡിസംബറിൽ കേരളത്തിൽ, തയാറെടുത്ത്​ സർക്കാർ

തി​രു​വ​ന​ന്ത​പു​രം: നി​കു​തി വി​ഹി​തം വീ​തം​വെ​പ്പി​ൽ പ്ര​ഹ​ര​മേ​ൽ​ക്കേ​ണ്ടി വ​ന്ന സം​സ്ഥാ​ന​ങ്ങ​ളു​ടെ അ​നു​ഭ​വ​ങ്ങ​ൾ വി​ല​യി​രു​ത്തി​യും ഗൃ​ഹ​പാ​ഠം ചെ​യ്​​തും 16 ാം ധ​ന ക​മീ​ഷ​നെ സ​മീ​പി​ക്കാ​നൊ​രു​ങ്ങി കേ​ര​ളം. ഡി​സം​ബ​റി​ൽ ക​മീ​ഷ​ൻ കേ​ര​ള​ത്തി​ലെ​ത്തു​ന്നു​ണ്ട്. ക​മി​ഷ​ന്​ വി​ശ​ദ​മാ​യി സ​മ​ർ​പ്പി​ക്കു​ന്ന മെ​മ്മോ​റാ​ണ്ട​ത്തി​ന്‍റെ ജോ​ലി ആ​രം​ഭി​ച്ചു​ ക​ഴി​ഞ്ഞു. നാ​ലു സം​സ്ഥാ​ന​ങ്ങ​ളു​ടെ കൂ​ടി പ​ങ്കാ​ളി​ത്ത​ത്തോ​ടെ ത​ല​സ്ഥാ​ന​ത്ത്​ സം​ഘ​ടി​പ്പി​ച്ച ധ​ന​മ​ന്ത്രി​മാ​രു​ടെ കോ​ൺ​ക്ലേ​വ്​ ഏ​റെ ഗു​ണ​ക​ര​മെ​ന്നാ​ണ്​ ധ​ന​വ​കു​പ്പ്​ വി​ല​യി​രു​ത്ത​ൽ. നി​കു​തി വി​ഹി​ത​ത്തി​ലെ അ​സ​ന്തു​ലി​താ​വ​സ്ഥ ഓ​രോ സം​സ്ഥാ​ന​ത്തും സൃ​ഷ്ടി​ക്കു​ന്ന പ്ര​തി​സ​ന്ധി മ​ന​സ്സി​ലാ​ക്കാ​ൻ ക​ഴി​ഞ്ഞ സാ​ഹ​ച​ര്യ​ത്തി​ൽ ധ​ന ക​മീ​ഷ​ന്​ മു​ന്നി​ൽ കൂ​ടു​ത​ൽ കാ​ര്യ​ക്ഷ​മ​മാ​യി വി​ഷ​യ​ങ്ങ​ൾ ഉ​ന്ന​യി​ക്കാ​നാ​ണ്​ കേ​ര​ള​ത്തി​ന്‍റെ ശ്ര​മം. സാ​മ്പ​ത്തി​ക അ​സ​ന്തു​ലി​താ​വ​സ്ഥ ഏ​റ്റ​വും കൂ​ടു​ത​ൽ ബാ​ധി​ച്ച സം​സ്ഥാ​ന​ങ്ങ​ളി​ൽ ഒ​ന്നാ​ണ് കേ​ര​ളം. 10ാം ധ​ന ക​മീ​ഷ​ൻ ശി​പാ​ർ​ശ പ്ര​കാ​രം കേ​ര​ള​ത്തി​ന്​ 3.8 ശ​ത​മാ​നം നി​കു​തി വി​ഹി​ത​മു​ണ്ടാ​യി​രു​ന്ന​ത്​ 15ാം ക​മീ​ഷ​ൻ ശി​പാ​ർ​ശ​​ക​ളോ​ടെ 1.9 ശ​ത​മാ​ന​മാ​യി ​ കു​ത്ത​നെ ഇ​ടി​ഞ്ഞു. 28 സം​സ്ഥാ​ന​ങ്ങ​ളു​ടെ പ​ട്ടി​ക​യി​ൽ നി​കു​തി വി​ഹി​തം കി​ട്ടു​ന്ന കാ​ര്യ​ത്തി​ൽ 15 ാം സ്ഥാ​ന​ത്താ​ണ്​ കേ​ര​ളം. നി​ല​വി​ലെ 15ാം ധ​ന ക​മീ​ഷ​ൻ തീ​ർ​പ്പ്​ പ്ര​കാ​രം ​ആ​കെ നി​കു​തി വി​ഹി​ത​ത്തി​ന്‍റെ 59 ശ​ത​മാ​നം കേ​ന്ദ്ര സ​ർ​ക്കാ​റി​നാ​ണ്. ബാ​ക്കി 41 ശ​ത​മാ​ന​മാ​ണ്​ ബാ​ക്കി എ​ല്ലാ സം​സ്ഥാ​ന​ങ്ങ​ൾ​ക്കും കൂ​ടി​യു​ള്ള​ത്.

വി​ക​സ​നം, ക്ഷേ​മം, വി​ദ്യാ​ഭ്യാ​സം, ആ​രോ​ഗ്യം, ക്ര​മ​സ​മാ​ധാ​ന​പാ​ല​നം തു​ട​ങ്ങി ഭാ​രി​ച്ച ചെ​ല​വു​ക​ളേ​റെ​യും സം​സ്ഥാ​ന സ​ർ​ക്കാ​റു​ക​ളു​ടെ ചു​മ​ലി​ലാ​ണ്. 2018-2019ലെ ​വ​ര​വും ചെ​ല​വു​ക​ളും വി​ശ​ക​ല​നം ചെ​യ്ത്​ ധ​ന ക​മീ​ഷ​ൻ ത​ന്നെ ത​യാ​റാ​ക്കി​യ റി​പ്പോ​ർ​ട്ട്​ ​ പ്ര​കാ​രം ആ​കെ വ​രു​മാ​ന​ത്തി​ൽ 62.7 ശ​ത​മാ​ന​വും കേ​ന്ദ്ര സ​ർ​ക്കാ​റി​നാ​ണ്. ചെ​ല​വു​ക​ളി​ൽ 62.4 ശ​ത​മാ​ന​വും സം​സ്ഥാ​ന​ങ്ങ​ളു​ടെ ചു​മ​ലി​നും. ഈ ​സാ​ഹ​ച​ര്യ​ത്തി​ൽ നി​കു​തി വി​ഹി​തം 50 ശ​ത​മാ​നം സം​സ്ഥാ​ന​ങ്ങ​ൾ​ക്കാ​യി നീ​ക്കി​വെ​ക്ക​ണ​മെ​ന്ന​താ​ണ്​ കേ​​ര​ള​ത്തി​ന്‍റെ സു​പ്ര​ധാ​ന ആ​വ​ശ്യം.

സം​സ്ഥാ​ന​ങ്ങ​ൾ​ക്ക്​ വീ​തം​വെ​ക്കേ​ണ്ട വി​ഹി​ത​ത്തെ (ഡി​വി​സി​വ്​ പൂ​ൾ)​മ​റി​ക​ട​ക്കാ​നും കേ​ന്ദ്ര വ​രു​മാ​നം ഉ​റ​പ്പി​ച്ച്​ നി​ർ​ത്താ​നും സെ​സും സ​ർ​ചാ​ർ​ജു​മാ​ണ്​ കേ​ന്ദ്രം പി​ടി​വ​ള്ളി​യാ​ക്കു​ന്ന​ത്. 2011-12 ൽ ​കേ​ന്ദ്ര സ​ർ​ക്കാ​റി​ന്റെ ആ​കെ നി​കു​തി വ​ര​വി​ന്റെ 10.4 ശ​ത​മാ​ന​മാ​യി​രു​ന്നു സെ​സും സ​ർ​ചാ​ർ​ജും. 2021-22 ൽ ​ഇ​ത്​ 28.1 ശ​ത​മാ​ന​മാ​യി കു​തി​ച്ചു​യ​ർ​ന്നു. ഫ​ല​ത്തി​ൽ ശു​ഷ്ക​മാ​കു​ന്ന​ത്​ ഡി​വി​സി​വ്​ പൂ​ളാ​ണ്. നി​ര​ന്ത​രം കൂ​ട്ടു​ന്ന ഇ​ന്ധ​ന നി​കു​തി ഡി​വി​സി​വ്​ പൂ​ളി​ൽ ഉ​ൾ​പ്പെ​ടാ​ത്ത സെ​സു​ക​ളാ​യാ​ണ് കേ​ന്ദ്രം ഈ​ടാ​ക്കു​ന്ന​ത്.

റ​വ​ന്യൂ ചെ​ല​വ്​ പ​രി​ഗ​ണി​ക്ക​ണം, പ്ര​കൃ​തി ദു​ര​ന്ത​ങ്ങ​ളും

വി​പു​ല​മാ​യ എ​യ്​​ഡ​ഡ്​ മേ​ഖ​ല​യ​ട​ക്കം ഉ​​ൾ​ക്കൊ​ള്ളു​ന്ന സം​സ്ഥാ​ന​ത്ത്​ റ​വ​ന്യൂ ചെ​ല​വ്​ വ​ള​രെ വ​ലു​താ​ണ്. സം​സ്ഥാ​ന​ങ്ങ​ൾ​ക്കു​ള്ള നി​കു​തി വി​ഹി​തം നി​ർ​ണ​യി​ക്കു​ന്ന​തി​നു​ള്ള മാ​ന​ദ​ണ്ഡ​ങ്ങ​ളി​ൽ റ​വ​ന്യൂ ചെ​ല​വു​ക​ളും പ​രി​ഗ​ണി​ക്ക​ണ​മെ​ന്ന ആ​വ​ശ്യ​വു​മു​ണ്ട്. 2015 മു​ത​ൽ പ്ര​കൃ​തി ദു​ര​ന്ത​ങ്ങ​ൾ നി​ര​ന്ത​രം പ്ര​ഹ​ര​മേ​ൽ​പ്പി​ക്കു​ക​യാ​ണ്. നി​കു​തി വി​ഹി​തം വീ​തം വെ​ക്കു​ന്ന​തി​നു​ള്ള മാ​ന​ദ​ണ്ഡ​ങ്ങ​ളി​ൽ പ്ര​കൃ​തി ദു​ര​ന്ത​ങ്ങ​ളും കാ​ലാ​വ​സ്ഥ വ്യ​തി​യാ​ന​വും ഉ​ൾ​പ്പെ​ടു​ത്ത​ണ​മെ​ന്നാ​ണ്​ കേ​ര​ള​ത്തി​ന്‍റെ അ​ട​ക്കം നി​ല​പാ​ട്.