പാലങ്ങളുടെ പുനരുദ്ധാരണത്തിന്​ ധനവകുപ്പ്​ പണം നൽകുന്നില്ല -ജി. സുധാകരൻ

തിരുവനന്തപുരം: പാലങ്ങളുടെ പുനരുദ്ധാരണത്തിനും അറകുറ്റ പണികൾക്കുമായി ഒറ്റ പൈസ പോലും ബഡ്​ജറ്റിൽ നീക്കിയിരിപ ്പില്ലെന്ന്​ മന്ത്രി ജി. സുധാകരൻ. പുതുതായി നിർമിക്കാനുള്ള പാലമുണ്ടെങ്കിൽ അതിനുള്ള പണമല്ലാതെ നിലവിലുള്ള ആസ്​ത ികൾ സംരക്ഷിക്കാൻ ഇത്രയും കാലമായിട്ടും ബഡ്​ജറ്റിൽ നീക്കിയിരിപ്പില്ലെങ്കിൽ അത്​ഭുതമാണെന്നും അദ്ദേഹം പറഞ്ഞു. മീഡിയ വൺ ചാനലിൻെറ ‘വ്യൂ പോയിൻറി’ലാണ് ജി സുധാകരൻ ധനവകുപ്പിനെതിരെ പ്രതികരിച്ചത്​.

ചെലവഴിക്കുന്ന പണത്തിൻെറ മൂല്യം സംരക്ഷിക്കാനുള്ള നടപടികളെ കുറിച്ച്​ ധനകാര്യ വകുപ്പ്​ ശ്രദ്ധിക്കുന്നില്ല. ഓരോ സമയങ്ങളിൽ പാലത്തിന്​ പണം അനുവദിക്കുന്നതല്ലാതെ പിന്നെ അതിന്​ എന്ത്​ സംഭവിക്കുന്നുവെന്ന്​ അവർ ചിന്തിക്കുന്നില്ലെന്നും ജി. സുധാകരൻ പറഞ്ഞു. സംസ്ഥാനത്ത്​ നാലായിരത്തിലേറെ പാലങ്ങളുണ്ട്​. അതിൽ 600ലേറെ പാലങ്ങൾ പൊളിച്ചു പണിയേണ്ടവയാണ്​. 1500ഓളം പാലങ്ങൾക്ക്​ അറ്റകുറ്റ പണികൾ നടത്തിയാൽ മതി. മറ്റുള്ളവ മികച്ചവയാണ്​. നൂറ്​ വർഷം പഴക്കമുണ്ടെങ്കിലും യാതൊരു കേടുമില്ലാത്ത പത്തു പാലമുണ്ട്​. അറ്റകുറ്റ പണികൾ നടത്താൻ​ പണമില്ല.

ഇതു സംബന്ധിച്ച്​ ആസൂത്രണ ബോർഡിന്​ മുന്നിൽ നിർദേശം വെച്ചിരുന്നു. ബഡ്​ജറ്റിൽ പ്രത്യേകം പണം വകയിരുത്താതെ തന്നെ കേടുപാട്​ പറ്റിയ പാലത്തിൻെറ ഡി.പി.ആർ വരുന്ന മുറക്ക്​ അ​പ്പപ്പോൾ പണം നൽകുമെന്ന്​ 2017-18 കാലത്ത്​ ധനകാര്യ​ മന്ത്രി സഭയിൽ പ്രഖ്യാപിച്ചിരുന്നു. മുപ്പതോളം പാലങ്ങളുടെ ഡി.പി.ആർ കൊടുത്തിട്ടുണ്ടെങ്കിലും അനുവാദമൊന്നും കിട്ടിയിട്ടില്ലെന്നും അദ്ദേഹം പറഞ്ഞു.

പാലങ്ങൾ പുനരുദ്ധീകരിക്കുന്നതിനും അറ്റകുറ്റ പണികൾക്കുമായി 500 കോടി രൂപയെങ്കിലും ബഡ്​ജറ്റിൽ വകയിരുത്തിയാൽ ഈ പ്രശ്​നങ്ങൾ പരിഹരിക്കാവുന്നതേയുള്ളൂ. ധനകാര്യ ചട്ടങ്ങളിലും കാഴ്​ചപ്പാടിലും സമൂലമായ മാറ്റം അനിവാര്യമാണെന്നും ധനകാര്യ ഉ​േദ്യാഗസ്ഥർ തന്നെ അതിന്​ മുൻകൈയെടുക്കണമെന്നും അദ്ദേഹം പറഞ്ഞു.