ക്ലിഫ് ഹൗസിലെ പശുതൊഴുത്തിന് 42 ലക്ഷം ചെലവഴിച്ചിട്ടില്ലെന്ന് ധനമന്ത്രി

തിരുവനന്തപുരം: മുഖ്യമന്ത്രിയുടെ ഔദ്യോഗിക വസതിയായ ക്ലിഫ്ഹൗസിൽ പശുത്തൊഴുത്തിന്​ 42 ലക്ഷം ചെലവഴിച്ചിട്ടില്ലെന്ന്​ ധനമന്ത്രി കെ.എൻ. ബാലഗോപാൽ. ക്ലിഫ് ഹൗസിലെ ചുറ്റുമതിൽ നിർമാണം ഉൾപ്പെടെ ആകെ അറ്റകുറ്റപ്പണികൾക്കാണ് 42 ലക്ഷം ചെലവായത്. സുരക്ഷ വർധിപ്പിക്കേണ്ട ഇടമായതിനാലാണ്​ അവിടെ ചുറ്റുമതിൽ കെട്ടിയത്​.

നികുതി വരു​മാനം വർധിച്ചില്ലെന്ന പ്രതിപക്ഷ പരാമർശം ശരിയല്ല. 11,000 കോടിരൂപ നികുതി ഇനത്തിൽ വരുമാനമായി വർധിച്ചു. ജി.എസ്.ടി പിരിവ് 25 ശതമാനം വർധിച്ചു. വാറ്റ് 20 ശതമാനം വർധിച്ചു. ധനക്കമ്മിയും ആകെ കടവും കുറ‍ഞ്ഞു. നികുതി പിരിവ്​ ഇനിയും വർധിക്കേണ്ടതുണ്ട്​. സ്വർണമേഖലയിൽ നിന്ന്​ പ്രതീക്ഷിച്ച നികുതി വന്നിട്ടില്ല, ഇനിയും വരുമാനം വരാനുണ്ട്.

ഐ.ജി.എസ്.ടി കലക്​ഷൻ കൃത്യമായി നമുക്കു ലഭിക്കുന്നില്ല. അതിന്റെ സാങ്കേതിക പ്രശ്നങ്ങൾ പരിഹരിക്കാൻ ശ്രമം നടക്കുന്നു. ജി.എസ്​.ടി​െയക്കാള്‍ പഴയ നികുതി സമ്പ്രദായമായ വാറ്റായിരുന്നു സംസ്ഥാനത്തിന്​ നല്ലത്. ജി.എസ്​.ടി സമ്പ്രദായം വന്നപ്പോൾ തന്നെ ഇടതുപാർട്ടികൾ അതിനെ എതിർത്തിരുന്നെന്നും മന്ത്രി കൂട്ടിച്ചേർത്തു