സാമ്പത്തിക പ്രതിസന്ധിയും മന്ത്രിമാറ്റവും; പുതിയ ആർ.ആർ.ടികൾ അനിശ്ചിതത്വത്തിൽ

തി​രു​വ​ന​ന്ത​പു​രം: സാ​മ്പ​ത്തി​ക പ്ര​തി​സ​ന്ധി​ക്കൊ​പ്പം മ​ന്ത്രി​മാ​റ്റം കൂ​ടി ച​ർ​ച്ച​യാ​യ​തോ​ടെ പു​തി​യ ദ്രു​ത പ്ര​തി​ക​ര​ണ സേ​ന​ക​ൾ (ആ​ർ.​ആ​ർ.​ടി) ആ​രം​ഭി​ക്കാ​നു​ള്ള വ​നം​വ​കു​പ്പി​ന്‍റെ പ്ര​ഖ്യാ​പ​നം അ​നി​ശ്ചി​ത​ത്വ​ത്തി​ൽ. സം​സ്ഥാ​ന​ത്ത്​ വ​ന്യ​മൃ​ഗ​ശ​ല്യം രൂ​ക്ഷ​മാ​കു​ന്ന സാ​ഹ​ച​ര്യം ക​ണ​ക്കി​ലെ​ടു​ത്താ​ണ്​​ ഒ​മ്പ​ത്​ ആ​ർ.​ടി.​ടി​ക​ൾ​ക്ക്​ സ​ർ​ക്കാ​ർ അം​ഗീ​കാ​രം ന​ൽ​കി​യ​ത്.

ജൂ​ലൈ​യി​ൽ ഇ​വ നി​ല​വി​ൽ വ​രു​മെ​ന്നാ​യി​രു​ന്നു വ​നം​മ​ന്ത്രി എ.​​ക. ശ​ശീ​ന്ദ്ര​ന്‍റെ പ്ര​ഖ്യാ​പ​നം. പു​തി​യ ആ​ർ.​ആ​ർ.​ടി​ക​ൾ സ്ഥാ​പി​ക്കു​മ്പോ​ൾ ഉ​ദ്യോ​ഗ​സ്ഥ​രു​ടെ പു​ന​ർ​വി​ന്യാ​സം അ​ട​ക്കം ന​ട​പ​ടി​ക​ൾ ആ​രം​ഭി​ക്കാ​നും നി​ർ​ദേ​ശം ന​ൽ​കി. എ​ന്നാ​ൽ, ന​ട​പ​ടി​ക​ൾ ഇ​പ്പോ​ഴും ചു​വ​പ്പു​നാ​ട​യി​ലാ​ണ്. പാ​ലോ​ട് (തി​രു​വ​ന​ന്ത​പു​രം), പു​ന​ലൂ​ർ (കൊ​ല്ലം), കോ​ട്ട​യം, മാ​ങ്കു​ളം (ഇ​ടു​ക്കി), കോ​ത​മം​ഗ​ലം (എ​റ​ണാ​കു​ളം), ചാ​ല​ക്കു​ടി (തൃ​ശൂ​ർ), നെ​ന്മാ​റ (പാ​ല​ക്കാ​ട്), നി​ല​മ്പൂ​ർ സൗ​ത്ത് (മ​ല​പ്പു​റം), നോ​ർ​ത്ത് വ​യ​നാ​ട് (വ​യ​നാ​ട്) സെ​ക്​​ഷ​നു​ക​ളി​ലാ​ണ് പു​തി​യ ആ​ർ.​ആ​ർ.​ടി​ക​ൾ അ​നു​വ​ദി​ച്ച​ത്. ആ​ർ.​ആ​ർ.​ടി​ക​ളി​ൽ ഒ​ന്നു​വീ​തം സെ​ക്​​ഷ​ൻ ഫോ​റ​സ്റ്റ്​ ഓ​ഫി​സ​ർ​മാ​ർ, ഫോ​റ​സ്റ്റ് ഡ്രൈ​വ​ർ, പാ​ർ​ട്ട്​ ടൈം ​സ്വീ​പ്പ​ർ ത​സ്തി​ക​ക​ൾ ഇ​തി​ന​കം അ​നു​വ​ദി​ച്ചു. പു​ന​ർ​വി​ന്യ​സി​ക്കേ​ണ്ട സെ​ക്​​ഷ​ൻ ഫോ​റ​സ്റ്റ് ഓ​ഫി​സ​ർ, ബീ​റ്റ് ഫോ​റ​സ്റ്റ് ഓ​ഫി​സ​ർ, ഫോ​റ​സ്റ്റ് വാ​ച്ച​ർ എ​ന്നി​വ സം​ബ​ന്ധി​ച്ച വി​വ​ര​ങ്ങ​ളും വ​കു​പ്പ് ന​ൽ​കി. ഡി.​എ​ഫ്.​ഒ​മാ​രെ അ​ത​ത്​ സ്ഥ​ല​ങ്ങ​ളി​ൽ​നി​ന്ന്​ നി​യ​മി​ക്കും. മ​​നു​​ഷ്യ-​ വ​​ന്യ​​മൃ​​ഗ സം​​ഘ​​ർ​​ഷ ല​ഘൂ​ക​ര​ണ​ത്തി​നു​​ പു​റ​മെ, വ​നം കൈ​യേ​റ്റം, വ​നം കൊ​ള്ള, വ​ന്യ മൃ​ഗ​വേ​ട്ട, മ​റ്റു കൈ​യേ​റ്റ​ശ്ര​മ​ങ്ങ​ൾ തു​ട​ങ്ങി​യ​വ ക​ർ​ശ​ന​മാ​യി ത​ട​യാ​നും ആ​ർ.​ആ​ർ.​ടി​ക​ളു​ടെ പ്ര​വ​ർ​ത്ത​നം പ്ര​യോ​ജ​ന​പ്പെ​ടു​ത്തു​മെ​ന്നാ​യി​രു​ന്നു​ പ്ര​ഖ്യാ​പ​നം. തീ​രു​മാ​ന​ങ്ങ​ൾ മു​ന്നോ​ട്ട്​ പോ​യെ​ങ്കി​ലും സാ​​ങ്കേ​തി​ക​ത്വ​ങ്ങ​ളി​ൽ കു​രു​ങ്ങി ന​ട​പ​ടി​ക​ൾ നീ​ളു​ക​യാ​ണ്.

സാ​മ്പ​ത്തി​കം ത​ട​സ്സ​മ​ല്ലെ​ന്ന്​ ആ​ദ്യം പ​റ​ഞ്ഞെ​ങ്കി​ലും അ​ങ്ങ​നെ​യാ​യി​രു​ന്നി​ല്ല കാ​ര്യ​ങ്ങ​ൾ. ഇ​തി​നു​ പി​ന്നാ​ലെ വ​നം​മ​ന്ത്രി എ.​കെ. ശ​ശീ​ന്ദ്ര​നെ മാ​റ്റി പ​ക​രം തോ​മ​സ്​ കെ. ​തോ​മ​സി​നെ മ​ന്ത്രി​യാ​ക്കാ​ൻ എ​ൻ.​സി.​പി​യി​ൽ ച​ർ​ച്ച​ക​ൾ സ​ജീ​വ​മാ​യ​തും വ​കു​പ്പി​നെ അ​നി​ശ്ചി​ത​ത്വ​ത്തി​ലാ​ക്കി​യി​രി​ക്കു​ക​യാ​ണ്​.