കെ.എസ്.ഇ.ബിയിൽ സാമ്പത്തിക പ്രതിസന്ധി രൂക്ഷം; കുടിശ്ശിക വരുത്തിയ എച്ച്.ടി കണക്ഷനുകൾ വിഛേദിക്കാൻ നിർദേശം

പാലക്കാട്: ഗുരുതര സാമ്പത്തിക പ്രതിസന്ധിയെത്തുടർന്ന് കുടിശ്ശികയായ എച്ച്.ടി ഉപയോക്താക്കളുടെ വൈദ്യുതി കണക്ഷൻ വി​ഛേദിക്കാൻ കെ.എസ്.ഇ.ബി ഉത്തരവ്. ബുധനാഴ്ച വൈകീട്ടാണ് സെ്കഷൻ ഓഫിസുകളിലെ അസി. എഞ്ചിനീയർമാർക്ക് വാട്സ് ആപ്പ് മെ​സേജായി മേലധികാരികളിൽ നിന്ന് നിർദേശമെത്തിയത്.

സ്വകാര്യ ആശുപത്രികൾ, സർക്കാർ ലാബുകൾ, മെഡിക്കൽ കോളജ് ഓഫിസുകൾ ഉൾപ്പെടെ കുടിശ്ശികയുള്ള സ്ഥാപനങ്ങളിൽ വിട്ടുവീഴ്ച വേണ്ടെന്ന് സന്ദേശത്തിൽ പറയുന്നു. ഉടൻ വിവരം ഉപയോക്താക്കൾക്ക് കൈമാറാനും നിർദേശിച്ചിട്ടുണ്ട്.

വൈദ്യൂതി ആവശ്യകത കൂടുതലുള്ള എച്ച്.ടി ഉപയോക്താക്കളെയാണ് കുടിശ്ശിക മുന്നറിയിപ്പ് അറിയിക്കാൻ നിർദേശിച്ചിട്ടുള്ളത്. ഫെബ്രുവരി 24,25 തിയതി വരെയാണ് വൈദ്യുതി വിഛേദിക്കാനുള്ള സമയപരിധി.