പരുമലയിൽ വസ്ത്രശാലയിൽ വൻതീപിടിത്തം VIDEO

തിരുവല്ല: പരുമലയിൽ വസ്ത്ര വ്യാപാരശാലയിൽ വൻ അഗ്നിബാധ. പരുമലക്കടവിന് സമീപം പ്രവർത്തിക്കുന്ന മെട്രോ സിൽക്ക്സ് എന്ന സ്ഥാപനത്തിലാണ് തീപിടിത്തം.

ഇന്ന് പുലർച്ചെ ആറോടെ കെട്ടിടത്തിന്റെ മൂന്നാം നിലയിൽനിന്നും തീ ഉയരുന്നത് കണ്ട സമീപവാസികൾ അഗ്നി ശമന സേനയെ വിവരമറിയിക്കുകയായിരുന്നു.

തിരുവല്ല, ചെങ്ങന്നൂർ, മാവേലിക്കര എന്നിവിടങ്ങളിൽ നിന്നുള്ള ആറ് യൂനിറ്റ് അഗ്നി ശമന സേനയെത്തി ഏഴരയോടെയാണ് തീ നിയന്ത്രണ വിധേയമാക്കിയത്.

ഷോർട്ട് സർക്യൂട്ടാണ് തീപിടിത്തത്തിന് ഇടയാക്കിയതെന്നാണ് പ്രാഥമിക നിഗമനം. ലക്ഷക്കണക്കിന് രൂപയുടെ നാശനഷ്ടം സംഭവിച്ചതായാണ് കണക്കാക്കപ്പെടുന്നത്.