അടച്ചിട്ട ഓട്ടോ ഗ്യാരേജിൽ തീപിടുത്തം: നാട്ടുകാർ രക്ഷകരായി

പരപ്പനങ്ങാടി: നഗരമധ്യത്തിലെ ഓട്ടോ ഗ്യാരേജിൽ പണിക്കെത്തിച്ച ട്രക്കർ പൂർണമായും അഗ്നിക്കിരയായി. പരപ്പനങ്ങാടി റെയിൽവെ സ്റ്റേഷനടുത്തെ എം.ജെ. ഓട്ടോ ഗ്യാരേജിൽ വെള്ളിയാഴ്ച്ച ഉച്ചക്ക് 2.10 നാണ് സംഭവം. കടുത്ത ചൂടിൽ സമീപത്തെ ചപ്പ് ചവറിൽ നിന്ന് തീ വർക്ക്ഷോപ്പിലെക്ക് പകരുകയായിരുന്നുവെന്നാണ്​ കരുതുന്നത്​.

നാട്ടുകാർ ഉടൻ തീ അണച്ചതിനാൽ വർക്ക് ഷോപ്പിലും റോഡരികിലുമുണ്ടായിരുന്ന മറ്റു വാഹനങ്ങളിലേക്ക് തീ പടരാതെ വൻ ദുരന്തമൊഴിവായി. കോട്ടക്കടവ് സ്വദേശി വി.കെ.മുരളിധര​േൻറതാണ് വർക്ക്​ഷോപ്. തിരൂരിൽ നിന്ന് അഗ്നിശമനസേനയും പരപ്പനങ്ങാടി പൊലീസും സ്ഥലത്തെത്തി.