മൂന്ന്​ വയസ്സുകാരന്‍റെ തലയിൽ കലം കുടുങ്ങി; രക്ഷകരായി എയർപോർട്ട്​ ഫയർഫോഴ്​സ്​​

കരിപ്പൂർ: ​തലയിൽ അലുമിനിയം കലം കുടുങ്ങിയ ബാലന്​ എയർപോർട്ട്​ ഫയർഫോഴ്​സ്​ രക്ഷകരായി. കരിപ്പൂർ വിമാനത്താവള പരിസരത്ത്​ താമസിക്കുന്ന സൈനുദ്ദീ​െൻറ മകൻ മൂന്ന്​ വയസ്സുകാര​െൻറ തലയിലാണ്​ കലം കുടുങ്ങിയത്​.

മുഖമടക്കം മൂടിയതിനാൽ കുടുംബം പരിഭ്രാന്തരായി കൊണ്ടോട്ടിയിലെ സ്വകാര്യ ആശുപത്രിയിലെത്തിച്ചെങ്കിലും കലം പുറത്തെടുക്കാനായില്ല. തുടർന്ന്​ ഡോക്​ടറുടെ നിർദേശപ്രകാരം കുട്ടിയെ കോഴിക്കോട്​ വിമാനത്താവളത്തിലെ ഫയർ ഫോഴ്​സി​െൻറ അടുത്തെത്തിച്ചു. കട്ടിങ്ങ്​ ഉപകരണങ്ങൾ ഉപയോഗിച്ച്​ കലം മുറിച്ച്​ തലയിൽ നിന്ന്​ പുറത്തെടുക്കുകയായിരുന്നു.