കു​വൈ​ത്തി​ലെ തീപിടിത്തം; നാലംഗ കുടുംബത്തിന്‍റെ ‘യാത്രപറച്ചിൽ’ അവസാനവാക്കായി

ആ​ല​പ്പു​ഴ: ഒ​രു​മാ​സ​ത്തെ അ​വ​ധി​ക്കു​ശേ​ഷം ബ​ന്ധു​ക്ക​ളോ​ടും സു​ഹൃ​ത്തു​ക്ക​ളോ​ടും സ​മ​യം ക​ണ്ടെ​ത്തി സ​ല്ല​പി​ച്ചു​ള്ള ജി​ജോ​യു​ടെ​യും കു​ടും​ബ​ത്തി​ന്‍റെ​യും യാ​ത്ര​പ​റ​ച്ചി​ൽ അ​വ​സാ​ന യാ​ത്ര​യാ​കു​മെ​ന്ന്​ ആ​രും ക​രു​തി​യി​ല്ല. ആ ​ഞെ​ട്ട​ലി​ലാ​ണ്​ ബ​ന്ധു​ക്ക​ളും നാ​ട്ടു​കാ​രും. ആ​ല​പ്പു​ഴ ത​ല​വ​ടി പ​ഞ്ചാ​യ​ത്ത്​ ആ​റാം​വാ​ർ​ഡ്​ നീ​രേ​റ്റു​പു​റം ടി.​എം.​സി സ്കൂ​ളി​ന്​ സ​മീ​പം മു​ള​യ്ക്ക​ലി​ൽ മാ​ത്യു വി. ​മു​ള​യ്ക്ക​ൽ (ജി​ജോ-40), ഭാ​ര്യ ലി​നി എ​ബ്ര​ഹാം (35), മ​ക്ക​ളാ​യ ഐ​റി​ൻ (14), ഐ​സ​ക് (ഒ​മ്പ​ത്) എ​ന്നി​വ​രു​ടെ വേ​ർ​പാ​ട്​ നാ​ടി​ന്‍റെ ഉ​ള്ളു​ല​ച്ചു.

ര​ണ്ടു വ​ർ​ഷം​മു​മ്പ്​ പ​ണി​ത സ്വ​ന്തം വീ​ട്ടി​ൽ​നി​ന്ന്​ വെ​ള്ളി​യാ​ഴ്ച പു​ല​ർ​ച്ച​യാ​ണ്​ കു​വൈ​ത്തി​ലേ​ക്ക്​ തി​രി​ച്ച​ത്. അ​വി​ടെ സു​ര​ക്ഷി​ത​മാ​യി എ​ത്തി​യെ​ന്ന​റി​യി​ക്കാ​ൻ​​ മാ​താ​വ്​ പൊ​ന്ന​മ്മ​യെ ഫോ​ൺ വി​ളി​ച്ച​ശേ​ഷം ഉ​റ​ങ്ങാ​ൻ കി​ട​ന്ന നാ​ലം​ഗ​സം​ഘ​ത്തി​ന്‍റെ മ​ര​ണ​വാ​ർ​ത്ത​യെ​ത്തി​യ​ത്​ മ​ണി​ക്കൂ​റു​ക​ളു​ടെ വ്യ​ത്യാ​സ​ത്തി​ലാ​ണ്. കു​വൈ​ത്തി​ലു​ള്ള ജി​ജോ​യു​ടെ സ​ഹോ​ദ​രി ഷീ​ജ​യാ​ണ്​ ഇ​ക്കാ​ര്യം ആ​ദ്യ​മു​റ​പ്പി​ച്ച​ത്.

പി​ന്നീ​ട്​ ബ​ന്ധു​ക്ക​ളെ വി​വ​ര​മ​റി​യി​ക്കു​ക​യാ​യി​രു​ന്നു. വി​മാ​ന​ത്താ​വ​ള​ത്തി​ൽ ഇ​റ​ങ്ങി​യ​ശേ​ഷം ഭ​ക്ഷ​ണം ക​ഴി​ച്ച്, യാ​ത്രാ​ക്ഷീ​ണ​ത്തി​ൽ അ​ബ്ബാ​സി​യ​യി​ലെ താ​മ​സ​സ്ഥ​ല​ത്ത്​ കി​ട​ന്നു​റ​ങ്ങ​വേ എ.​സി​ക്ക്​ തീ​പി​ടി​ച്ച്​ ശ്വാ​സം​മു​ട്ടി​യാ​ണ്​ നാ​ലു​പേ​രും മ​രി​ച്ച​തെ​ന്നാ​ണ്​ ല​ഭി​ച്ച വി​വ​രം. പു​തി​യ വീ​ട്ടി​ൽ മാ​താ​വ്​ പൊ​ന്ന​മ്മ മാ​ത്ര​മാ​ണ്​ താ​മ​സി​ക്കു​ന്ന​ത്. സ​മീ​പ​ത്താ​യി മ​റ്റൊ​രു സ​ഹോ​ദ​രി ഷീ​ബ​യും കു​ടും​ബ​വു​മു​ണ്ട്.

ഇ​തി​നോ​ട്​ ചേ​ർ​ന്നാ​ണ് മ​റ്റ്​​ ബ​ന്ധു​ക്ക​ളു​ടെ വീ​ട്. നാ​ട്ടി​ലെ​ത്തി​യാ​ൽ എ​ല്ലാ​യി​ട​ത്തും പോ​കു​ന്ന​താ​ണ്​ ശീ​ലം. നാ​ടു​മാ​യും വീ​ടു​മാ​യും ന​ല്ല ബ​ന്ധ​മാ​യി​രു​ന്നു. ജോ​ലി ഉ​പേ​ക്ഷി​ച്ച്​ സ്ഥി​ര​താ​മ​സ​മാ​ക്കു​ന്ന​തി​നാ​ണ്​ നീ​രേ​റ്റു​പു​റ​ത്ത്​ വീ​ട്​ പ​ണി​ത​ത്. ഡി​സം​ബ​റി​ൽ വി​വാ​ഹ​വാ​ർ​ഷി​ക​ത്തി​ന്​ എ​ത്തു​മെ​ന്ന്​ പ​റ​ഞ്ഞാ​യി​രു​ന്നു മ​ട​ക്കം. ജി​ജോ​ക്കും ഭാ​ര്യ​ക്കും ന​ല്ല ശ​മ്പ​വും ജോ​ലി​യു​മു​ള്ള​തി​നാ​ൽ ആ​ളു​ക​ളെ സ​ഹാ​യി​ക്കു​മാ​യി​രു​ന്നു. പ​രേ​ത​നാ​യ രാ​ജു-​റെ​യ്​​ച്ച​ൽ വ​ർ​ഗീ​സ്​ (പൊ​ന്ന​മ്മ) ദ​മ്പ​തി​ക​ളു​​ടെ മ​ക​നാ​ണ്.

15 വ​ർ​ഷ​മാ​യി കു​വൈ​ത്തി​ൽ ജോ​ലി​യു​ള്ള ജി​ജോ റോ​യി​ട്ടേ​ഴ്‌​സ് ​ക​മ്പ​നി​യി​ലെ ടെ​ക്നി​ക്ക​ൽ എ​ൻ​ജി​നീ​യ​റാ​യി​രു​ന്നു. ത​ല​വ​ടി അ​ർ​ത്തി​ശ്ശേ​രി പു​ത്ത​ൻ​പ​റ​മ്പ് കു​ടും​ബാം​ഗ​മാ​യ ലി​നി കു​വൈ​ത്ത്​ ആ​രോ​ഗ്യ​മ​​​ന്ത്രാ​ല​യ​ത്തി​ന്​ കീ​ഴി​ലു​ള്ള ആ​ശു​പ​ത്രി​യി​ലെ സ്​​​റ്റാ​ഫ്​ ന​ഴ്​​സാ​ണ്. മ​ക്ക​ളാ​യ ഐ​റി​ൻ കു​വൈ​ത്തി​​ലെ ഭ​വ​ൻ​സ്​ സ്കൂ​ളി​ൽ ഒ​മ്പ​താം ക്ലാ​സി​ലും ​ഐ​സ​ക്​ നാ​ലാം ക്ലാ​സി​ലും പ​ഠി​ക്കു​ന്നു. സ​ഹോ​ദ​ര​ങ്ങ​ൾ: ജീ​മോ​ൻ (ചെ​ന്നൈ), ഷീ​ബ, ഷീ​ജ (കു​വൈ​ത്ത്). മൃ​ത​ദേ​ഹം നാ​ട്ടി​ലെ​ത്തി​ക്കാ​ൻ ന​ട​പ​ടി​ പു​രോ​ഗ​മി​ക്കു​ക​യാ​ണ്.