കോ​ഴി​ക്കോ​ട് നഗരത്തിൽ ഗോഡൗണിന്​ തീപിടിച്ചു; ഒമ്പതു​ പേരെ രക്ഷിച്ചു

കോ​ഴി​ക്കോ​ട്​: ന​ഗ​ര​ത്തി​ൽ പ​രി​ഭ്രാ​ന്തി പ​ര​ത്തി പാ​ള​യം എം.​പി റോ​ഡി​ൽ ചെ​രി​പ്പ്​ ഗോ​ഡൗ​ണി​ന്​ തീ​പി​ടി​ച്ചു. ഫ​യ​ർ​ഫോ​ഴ്​​സി​‍െൻറ​യും ക​ട ഉ​ട​മ​ക​ളു​ടെ​യും തൊ​ഴി​ലാ​ളി​ക​ളു​ടെ​യും ജാ​ഗ്ര​ത കാ​ര​ണം ആ​ർ​ക്കും പ​രി​ക്കി​ല്ല.

പാ​ള​യ​ത്തു​നി​ന്ന്​ മി​ഠാ​യി​തെ​രു​വി​ലേ​ക്കു​ള്ള റോ​ഡി​ൽ വി.​കെ.​എം ബി​ൽ​ഡി​ങ്ങി​ലെ മു​ക​ൾ​നി​ല​യി​ൽ ഹം​ന ഫൂ​ട്​​വെ​യ​റി​‍െൻറ ഗോ​ഡൗ​ണി​നാ​ണ്​ വെ​ള്ളി​യാ​ഴ​്​​ച ഉ​ച്ച​ക്ക്​ 2.15ഓ​ടെ തീ​പി​ടി​ച്ച​ത്. ബീ​ച്ച്, മീ​ഞ്ച​ന്ത, വെ​ള്ളി​മാ​ട്​​കു​ന്ന്​ ഫ​യ​ർ സ്​​റ്റേ​ഷ​നു​ക​ളി​ലെ ഏ​ഴു​ യൂ​നി​റ്റ്​ സം​ഘ​മെ​ത്തി അ​ര​മ​ണി​ക്കൂ​റി​ന​കം തീ​യ​ണ​ച്ചു. ഒ​രു സ്​​ത്രീ​യ​ട​ക്കം ഒ​മ്പ​തു​ പേ​രെ ഫ​യ​ർ​ഫോ​ഴ്​​സ്​ ര​ക്ഷ​പ്പെ​ടു​ത്തി. നാ​ലു​ ല​ക്ഷ​ത്തോ​ളം രൂ​പ​യു​ടെ ന​ഷ്​​ട​മു​ണ്ടാ​യ​താ​യി ക​ണ​ക്കാ​ക്കു​ന്നു. മാ​നാ​ഞ്ചി​റ​യി​ൽ​നി​ന്ന്​ പാ​ള​യ​ത്തേ​ക്കു​ള്ള റോ​ഡി​ൽ മു​ക്കാ​ൽ മ​ണി​ക്കൂ​ർ ഗ​താ​ഗ​തം ത​ട​സ്സ​പ്പെ​ട്ടു. തീ​പി​ടി​ത്ത​ത്തി​‍െൻറ കാ​ര​ണം വ്യ​ക്ത​മ​ല്ല. വൈ​ദ്യു​തി​ബ​ന്ധ​മി​ല്ലാ​ത്ത ക​ട​യി​ൽ മെ​ഴു​കു​തി​രി ക​ത്തി​ച്ചു​െ​വ​ച്ച​തോ ഷോ​ർ​ട്ട്​​ സ​ർ​ക്യൂ​​ട്ടോ ആ​കാം അ​പ​ക​ട​കാ​ര​ണ​മെ​ന്നാ​ണ്​ നി​ഗ​മ​നം. കൂ​ടു​ത​ൽ പ​രി​ശോ​ധ​ന​ക​ൾ ശ​നി​യാ​ഴ്​​ച ന​ട​ക്കും.

ബി​ൽ​ഡി​ങ്ങി​ലെ ​ക​ട​ക​ളി​ലെ തൊ​ഴ​ി​ലാ​ളി​ക​ളി​ൽ പ​ല​രും ഉ​ച്ച​ഭ​ക്ഷ​ണ​ത്തി​നു​ പോ​യ സ​മ​യ​ത്താ​യി​രു​ന്നു തീ​പി​ടി​ത്തം. പു​ക ഉ​യ​രു​ന്ന​ത്​ താ​ഴെ എ​തി​ർ​വ​ശ​ത്തു​ള്ള ക​ട​ക​ളി​ലു​ള്ള​വ​രും ചു​മ​ട്ടു​തൊ​ഴ​ി​ലാ​ളി​ക​ളു​മാ​ണ്​ ആ​ദ്യം ക​ണ്ട​ത്. സ​മീ​പ​ത്തെ ക​ട​ക​ളി​ൽ സൂ​ക്ഷി​ച്ച അ​ഗ്​​നി​ശ​മ​നി കു​റ്റി​ക​ൾ ഉ​പ​യോ​ഗി​ച്ച്​ തീ​കെ​ടു​ത്താ​നാ​യി​രു​ന്നു ആ​ദ്യ​ശ്ര​മം. വി​വ​ര​മ​റി​യി​ച്ച്​ മൂ​ന്നു​ മി​നി​റ്റി​ന​കം ബീ​ച്ച്​ ഫ​യ​ർ​ഫോ​ഴ്​​സ്​ സം​ഘ​മെ​ത്തി. സ​മീ​പ​ത്തെ ഫി​ഫ സ്​​പോ​ർ​ട്​​സ്​ എ​ന്ന സ്​​ഥാ​പ​ന​ത്തി​ലെ ജീ​വ​ന​ക്കാ​രി​യെ ഫ​യ​ർ​ഫോ​ഴ്​​സി​‍െൻറ കൂ​റ്റ​ൻ കോ​ണി വ​ഴി സു​ര​ക്ഷി​ത​മാ​യി താ​ഴെ​യെ​ത്തി​ച്ചു.

ര​ണ്ട​കാ​ൽ ല​ക്ഷം രൂ​പ​യു​ടെ ​ചെ​രി​പ്പ്​ ക​ത്തി​ന​ശി​ച്ചി​ട്ടു​ണ്ട്. കെ​ട്ടി​ട​ത്തി​ന്​ ഒ​ന്ന​ര ല​ക്ഷം രൂ​പ​യു​െ​ട ന​ഷ്​​ട​മു​ണ്ടെ​ന്നും ഫ​യ​ർ​ഫോ​ഴ്​​സ്​ അ​റി​യി​ച്ചു. ക​രി​ക്കാം​കു​ളം സ്വ​ദേ​ശി ഹ​നീ​ഫ​യു​ടേ​താ​ണ്​ ചെ​രി​പ്പ്​ ഗോ​ഡൗ​ൺ. മു​ഹ​മ്മ​ദ്​ ത​ബ്​​സീ​റാ​ണ്​ വി.​കെ.​എം ബി​ൽ​ഡി​ങ്ങി​‍െൻറ ഉ​ട​മ. റീ​ജ​ന​ൽ ഫ​യ​ർ ഓ​ഫി​സ​ർ ടി. ​ര​ജീ​ഷ്, ബീ​ച്ച്​ ഫ​യ​ർ സ്​​റ്റേ​ഷ​ൻ ഓ​ഫി​സ​ർ ടി. ​സ​തീ​ശ്, മീ​ഞ്ച​ന്ത ഫ​യ​ർ സ്​​റ്റേ​ഷ​ൻ ഓ​ഫി​സ​ർ റോ​ബി വ​ർ​ഗീ​സ്, അ​സി. ഫ​യ​ർ ഒാ​ഫി​സ​ർ​മാ​രാ​യ വി.​കെ. ബി​ജു, പി.​കെ. ബ​ഷീ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ തീ​യ​ണ​ച്ച​ത്. പൊ​തു​മ​രാ​മ​ത്ത്​ മ​ന്ത്രി പി.​എ. മു​ഹ​മ്മ​ദ്​ റി​യാ​സ്, ഡെ​പ്യൂ​ട്ടി മേ​യ​ർ സി.​പി. മു​സാ​ഫ​ർ അ​ഹ​മ്മ​ദ്, സ​ബ്​ ക​ല​ക്​​ട​ർ ചെ​ൽ​സാ​സി​നി, കോ​ർ​പ​റേ​ഷ​ൻ സെ​ക്ര​ട്ട​റി കെ.​യു. ബി​നി, കോ​ർ​പ​റേ​ഷ​ൻ ​ക്ഷേ​മ​കാ​ര്യ സ്​​ഥി​രം സ​മി​തി ​ ചെ​യ​ർ​മാ​ൻ പി. ​ദി​വാ​ക​ര​ൻ, കൗ​ൺ​സി​ല​ർ​മാ​രാ​യ എ​സ്.​കെ അ​ബൂ​ബ​ക്ക​ർ, കെ. ​മൊ​യ്​​തീ​ൻ കോ​യ, ഡി.​സി.​സി പ്ര​സി​ഡ​ൻ​റ്​​​ കെ. ​പ്ര​വീ​ൺ​കു​മാ​ർ, സി​റ്റി പൊ​ലീ​സ്​ മേ​ധാ​വി എ.​വി. ജോ​ർ​ജ്​ തു​ട​ങ്ങി​യ​വ​ർ സ്​​ഥ​ലം സ​ന്ദ​ർ​ശി​ച്ചു.

മി​ഠാ​യി​തെ​രു​വി​ൽ ഇ​ട​ക്കി​ടെ തീ​പി​ടി​ക്കു​ന്ന​തി​ന്​ ശാ​ശ്വ​ത പ​രി​ഹാ​രം കാ​ണു​െ​മ​ന്ന്​ മ​ന്ത്രി മുഹമ്മദ്​ റി​യാ​സ്​ പ​റ​ഞ്ഞു. അ​ശാ​സ്​​ത്രീ​യ​മാ​യും നി​യ​മ​വി​രു​ദ്ധ​മാ​യും ​െക​ട്ടി​ട​ങ്ങ​ളും മ​റ്റു​മു​ണ്ടോ​യെ​ന്ന്​ പ​രി​ശോ​ധി​ക്ക​ു​മെ​ന്നും അ​ദ്ദേ​ഹം പ​റ​ഞ്ഞു.

തീപിടിത്ത അനുഭവ പാഠം തുണയായി; ഒഴിവായത്​​ വൻ ദുരന്തം

കോ​ഴി​ക്കോ​ട്​: മി​ഠാ​യി തെ​രു​വി​ലും മൊ​യ്​​തീ​ൻ പ​ള്ളി റോ​ഡി​ലും മു​മ്പു പ​ല​ത​വ​ണ​യു​ണ്ടാ​യ തീ​പി​ടി​ത്ത​ങ്ങ​ളി​ൽ​നി​ന്നു​ൾ​ക്കൊ​ണ്ട പാ​ഠം തു​ണ​യാ​വു​ന്ന​താ​ണ്​ വെ​ള്ളി​യാ​ഴ്​​ച ക​ണ്ട​ത്.2000 ത്തോ​ളം ക​ട​ക​ളു​ള്ള തെ​രു​വി​ലെ ചെ​റി​യ തീ ​പോ​ലും വ​ൻ അ​പ​ക​ട​മാ​യി മാ​റും. വെ​ള്ളി​യാ​ഴ്​​ച ഉ​ച്ച​ക്ക്​ 2.15നു​ണ്ടാ​യ തീ​പി​ടി​ത്ത​ത്തി​ൽ ആ​ദ്യം പ​രി​ഭ്രാ​ന്ത​രാ​യെ​ങ്കി​ലും മി​നി​റ്റു​ക​ൾ​ക്ക​കം പ​തി​വു​പേ​ലെ ന​ഗ​ര​മൊ​ന്നാ​യി ര​ക്ഷാ​പ്ര​വ​ർ​ത്ത​ന​ത്തി​നി​റ​ങ്ങി.

ക​ട​ക​ളി​ലെ​ല്ലാം ചു​രു​ങ്ങി​യ​ത്​ ര​ണ്ട്​ അ​ഗ്​​നി​ശ​മ​ന കു​റ്റി​ക​ൾ വെ​ക്ക​ണ​മെ​ന്ന്​ ഫ​യ​ർ​ഫോ​ഴ്​​സ്​ ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. തീ​പി​ടി​ച്ച ഉ​ട​ൻ മു​പ്പ​തോ​ളം ക​ട​ക​ളി​ൽ​നി​ന്നു​ള്ള അ​ഗ്​​നി​ശ​മ​ന കു​റ്റി​ക​ൾ വ്യാ​പാ​രി​ക​ളും തൊ​ഴി​ലാ​ളി​ക​ളും ചേ​ർ​ന്ന്​ ഉ​പ​യോ​ഗി​ച്ച​തോ​ടെ ആ​ളി​പ്പ​ട​രു​ന്ന​ത്​ ത​ട​യാ​നാ​യി. 2.24ന്​ ​സ​ന്ദേ​ശം കി​ട്ടി​യ​യു​ട​ൻ കു​തി​ച്ചെ​ത്തി​യ ഫ​യ​ർ​ഫോ​ഴ്​​സി​‍െൻറ മി​ക​ച്ച ഇ​ട​പെ​ട​ലും തു​ണ​യാ​യി. ഇ​ടു​ങ്ങി​യ റോ​ഡി​ൽ കു​തി​ച്ചെ​ത്താ​ൻ ബു​ദ്ധി​മു​ട്ടി​യ ഫ​യ​ർ എ​ൻ​ജി​നു​ക​ൾ​ക്ക്​ ചു​മ​ട്ടു​തൊ​ഴി​ലാ​ളി​ക​ളും വ്യാ​പാ​രി​ക​ളും ചേ​ർ​ന്ന്​ വ​ഴി​യൊ​രു​ക്കി.

പ​ട്ടാ​ള​പ്പ​ള്ളി​ക്കും പാ​ള​യം ജ​ങ്​​​ഷ​നു​മി​ട​യി​ൽ ജി.​എ​ച്ച്​ റോ​ഡ​ട​ച്ച്​ പൊ​ലീ​സും തി​ര​ക്ക്​ നി​യ​ന്ത്രി​ച്ചു. മി​ഠാ​യി തെ​രു​വി​ൽ 2007ൽ ​തീ​പി​ടി​ത്ത​ത്തി​ൽ എ​ട്ടു​പേ​ർ മ​രി​ച്ച​തി​നെ തു​ട​ർ​ന്ന്​ വ്യാ​പാ​രി​ക​ളും അ​ധി​കൃ​ത​രും കൈ​ക്കൊ​ണ്ട സു​ര​ക്ഷാ ക്ര​മീ​ക​ര​ണ​ങ്ങ​ൾ നി​ര​വ​ധി​യാ​ണ്. എ​ല്ലാ വ​ർ​ഷ​വും തെ​രു​വി​ൽ ഫ​യ​ർ​ഫോ​ഴ്​​സ്​ പ​രി​ശോ​ധ​ന ന​ട​ത്തി വേ​ണ്ട നി​ർ​ദേ​ശ​ങ്ങ​ൾ ന​ൽ​കു​ന്നു.​

എം.​പി റോ​ഡ്​ മ​ർ​ച്ച​ൻ​റ്​​സ്​ അ​സോ​സി​യേ​ഷ​ൻ ആ​ഭി​മു​ഖ്യ​ത്തി​ൽ തൊ​ഴി​ലാ​ളി​ക​ള​ട​ക്ക​മു​ള്ള 30 ഓ​ളം യു​വാ​ക്ക​ളു​ടെ സം​ഘ​മാ​ണ്​ അ​ഗ്​​നി​ശ​മ​ന കു​റ്റി​ക​ളു​മാ​യി ആ​ദ്യ​മി​റ​ങ്ങി​യ​തെ​ന്ന്​ അ​സോ​സി​യേ​ഷ​ൻ പ്ര​സി​ഡ​ൻ​റ്​ അ​ബ്​​ദു​ൽ ഗ​ഫൂ​ർ കാ​തി​യേ​ട​ത്ത്​ പ​റ​ഞ്ഞു. പൊ​ലീ​സ്​ സീ​ൽ ചെ​യ്​​ത ക​ട ശ​നി​യാ​ഴ്​​ച ഫോ​റ​ൻ​സി​ക്​ വി​ഭാ​ഗം പ​രി​ശോ​ധി​ക്കും.

പേ​ടി​ക്കാ​തെ നി​ന്നു; ഒ​ടു​വി​ൽ ഫ​യ​ർ​ഫോ​ഴ്​​സ്​ ര​ക്ഷക്കെത്തി

കോ​ഴി​ക്കോ​ട്​: ഉ​ച്ച​ഭ​ക്ഷ​ണം ക​ഴി​ഞ്ഞി​രി​ക്കു​േ​മ്പാ​ഴാ​ണ്​ വി.​കെ.​എം ബി​ൽ​ഡി​ങ്ങി​ലെ മൂ​ന്നാ​മ​ത്തെ നി​ല​യി​ൽ ഫി​ഫ സ്​​പോ​ർ​ട്​​സ്​ എ​ന്ന സ്​​ഥാ​പ​ന​ത്തി​ലെ ജീ​വ​ന​ക്കാ​രി​യാ​യ ബി​ന്ദു പു​റ​ത്തു​​നി​ന്ന്​ ആ​ളു​ക​ളു​ടെ ശ​ബ്​​ദം കേ​ട്ട​ത്. പു​റ​േ​ത്ത​ക്കു​ നോ​ക്കി​യ​പ്പോ​ൾ​ താ​ഴെ റോ​ഡി​ൽ​നി​ന്ന് നി​ര​വ​ധി പേ​ർ ര​ക്ഷ​പ്പെ​ടാ​ൻ വി​ളി​ച്ചു​പ​റ​ഞ്ഞു. എ​ന്നാ​ൽ, താ​ഴേ​ക്കു​ള്ള വ​ഴി​യി​ൽ പു​ക ഉ​യ​രു​ന്ന​തി​നാ​ൽ ആ ​വ​ഴി പോ​കാ​നാ​യി​ല്ല. മൂ​ന്നാം നി​ല​യി​ൽ​നി​ന്ന്​ താ​ഴേ​ക്കു​ ചാ​ടാ​നും പ​റ്റാ​ത്ത അ​വ​സ്​​ഥ. ഇ​തി​നി​ടെ കു​റ​ച്ചു പേ​ർ ര​ക്ഷ​പ്പെ​ട്ടി​രു​​ന്നു. എ​ന്നാ​ൽ, ഫി​ഫ സ്​​പോ​ർ​ട്​​സി​ലേ​ക്ക്​ തീ​പ​ട​ർ​ന്നി​രു​ന്നി​ല്ല. പേ​ടി​ക്കേ​ണ്ട​തി​ല്ലെ​ന്നും ഫ​യ​ർ​ഫോ​ഴ്​​സ്​ ഉ​ട​ൻ എ​ത്തു​മെ​ന്നും ​താ​ഴെ​യു​ള്ള​വ​ർ പ​റ​ഞ്ഞ​തി​നാ​ൽ പേ​ടി തോ​ന്നി​യി​രു​ന്നി​ല്ലെ​ന്ന്​ ബി​ന്ദു പ​റ​ഞ്ഞു. പി​ന്നീ​ട്​ ഫ​യ​ർ​ഫോ​ഴ്​​സി​‍െൻറ നീ​ള​ൻ​കോ​ണി വ​ഴി ബി​ന്ദു​വി​നെ താ​ഴെ എ​ത്തി​ക്കു​ക​യാ​യി​രു​ന്നു. കാ​യി​ക ഉ​പ​ക​ര​ണ​ങ്ങ​ൾ വി​ൽ​ക്കു​ന്ന ഈ ​ക​ട​യി​ൽ ര​ണ്ടു​ വ​ർ​ഷ​മാ​യി ജോ​ലി ചെ​യ്യു​ക​യാ​ണ്​ പ​റ​മ്പി​ൽ ബ​സാ​ർ സ്വ​ദേ​ശി​നി​യാ​യ ബി​ന്ദു.