പത്തനംതിട്ട പി.എസ്.സി ഒാഫീസിൽ തീപിടിത്തം

പത്തനംതിട്ട: അബാൻ ജംഗ്ഷന് സമീപം പ്രവർത്തിക്കുന്ന ജില്ലാ പി.എസ്.സി ഒാഫീസിൽ തീപിടിത്തം. രാവിലെ 9.30 നാണ് സംഭവം. ഒാഫീസി​​െൻറ മൂന്നാം നിലയാണ് തീ പിടിത്തമുണ്ടായത്. രാവിലെ സെക്യൂരിറ്റി ജീവനക്കാരൻ എത്തി എ.സി പ്രവർത്തിപ്പിച്ച് അൽപം കഴിഞ്ഞ ശേഷം അതിൽ നിന്നും പൊട്ടിത്തെറി ഉണ്ടാകുകയായിരുന്നു.

ഷോർട്ട് സർക്യൂട്ടാണ് അപകട കാരണമെന്നാണ്​ പ്രാഥമിക നിഗമനം. എ.സി കത്തി നശിച്ചു. പി.എസ്.സി ഒാഫീസറുടെ മുറിയോട് ചേർന്ന ക്യാബിനിലായിരുന്നു എ.സി സ്ഥാപിച്ചിരുന്നത്. മുറിയിലെ കമ്പ്യൂട്ടറുകൾ കത്തി നശിച്ചു . മുറിയാെക കറുത്ത പുകകൊണ്ട് നിറഞ്ഞിട്ടുണ്ട്. മുറിയിലെ വയറിംഗും ഫർണ്ണിച്ചറുകളും ഗള്ാസ് ജനാലയും തകർന്നു. ഫയർഫോഴ്സ് എത്തിയാണ് തീ അണച്ചത്. പരിഭ്രാന്തരായ ജീവനക്കാർ ഉടൻ തന്നെ ഫയലുകൾ സുരക്ഷിത സ്ഥലങ്ങളിലേക്ക് മാറ്റുകയും ചെയ്തു.