പെരുന്തല്ലൂരിൽ തീപിടുത്തം രണ്ട് കടകൾ കത്തി നശിച്ചു

ചമ്രവട്ടം: പെരുന്തല്ലൂർ റോഡിൽ ഉണ്ടായ തീപിടുത്തത്തിൽ സ്പ്രെ പെയിൻറ്​ കടയും ആക്രിക്കടയും കത്തിനശിച്ചു. ബുധനാഴ ്ച രാവിലെ ഒമ്പതു മണിയോടെയാണ് സംഭവം. അപകടത്തിൽ കടകൾ പൂർണമായും കത്തിയമർന്നു.

സ്‌പ്രേ പെയിൻറ്​ കടയിൽ സൂക്ഷിച്ചിരുന്ന ഗ്യാസ് സിലിണ്ടറുകൾ പൊട്ടാതിരുന്നതിനാൽ വൻ അപകടം ഒഴിവായി. അപകടമുണ്ടായ കട നടത്തുന്നത് തമിഴ്‌നാട് സ്വദേശികളാണ്. രണ്ട് കടകളിൽ നിന്നുമായി രണ്ടര ലക്ഷത്തോളം രൂപയുടെ നഷ്ടമുണ്ടായിട്ടുണ്ട്. അപകട കാരണം വ്യക്തമല്ല.

തിരൂരിൽ നിന്നും പൊന്നാനിയിൽ നിന്നും എത്തിയ അ​ഗ്നിശമന സേനയുടെ മൂന്ന് യൂനിറ്റുകൾ ചേർന്ന് ഒന്നര മണിക്കൂറോളം പ്രയത്നിച്ചാണ് തീയണച്ചത്. അനധികൃതമായാണ് കടകൾ പ്രവർത്തിച്ചിരുന്നതെന്നാണ് വിവരം.