വേനൽ കടുത്തു; കൊല്ലത്ത്​ 50 ഏക്കറോളം കത്തിനശിച്ചു

വെളിയം: വേനൽ വർധിച്ചതിനെ തുടർന്ന്​ കൊല്ലത്ത്​ 50 ഏക്കറോളം തോട്ടം കത്തി നശിച്ചു. കഴിഞ്ഞ ദിവസം വെളിയം പരുത്തിയറയിലെ റബർ തോട്ടങ്ങളിൽ ഉച്ചയോടെ പടർന്ന്​ പിടിച്ച തീ വൈകിേട്ടാടെയാണ് ​നിയന്ത്രണ വിധേയമായത്​.  ഫയർ ഫോഴ്സ്​ സംഘം സ്​ഥലത്തെത്തിയെങ്കിലും വഴി സൗകര്യമില്ലാത്തതിനാൽ വെള്ളം പമ്പ്​ ചെയ്യാൻ കഴിഞ്ഞില്ല. 

എന്നാൽ പഞ്ചായത്ത് ​അധികൃതർ മുൻ കരുതലെടുക്കാത്തതും ഇതേപ്പറ്റി​ തോട്ടം തൊഴിലാളികൾക്ക്​ ബോധവൽകരണം നൽകാത്തതുമാണ് എല്ലാ വർഷവും ഇത്തരം സംഭവങ്ങൾ ആവർത്തിക്കുന്നതെന്ന് ​തോട്ടം ഉടമകളിലൊരാളായ ഉമയനല്ലൂർ സ്വദേശി റിയാസ് ​പറഞ്ഞു​.  തീപിടുത്തത്തിൽ ഇദ്ദേഹത്തിൻറെ അഞ്ച്​ ഏക്കറിലെ 500 മരങ്ങൾ കത്തി നശിച്ചിരുന്നു.