സ്​കൂളിൽ കയറാനാവാതെ  ഒരു പ്രവേ​ശനോത്സവം 

പാലാട്ട്​ യു.പിയിലെ കുട്ടികൾക്ക്​ ഹൈകോടതിയുടെ ഉത്തരവി​െൻ തുടർന്ന്​ സ്​കൂളിനുള്ളിൽ കയറാനായില്ലകോഴിക്കോട്​: പ്രവേശനോത്സവ ദിനത്തിൽ തിരുവണ്ണൂർ പാലാട്ട്​ യു.പി സ്​കൂളിലെ കുരുന്നുകൾ വല്ലാത്തൊരു ഗതികേടിലായിരുന്നു. സർക്കാർ ഏറ്റെടുത്തിട്ടും കെട്ടിടത്തിൽ കയറാനാവാത്ത നിസ്സഹായാവസ്​ഥയിലായിരുന്നു അഞ്ചു മുതൽ ഏഴുവരെ ക്ലാസുകളിലെ 13 കുട്ടികൾ. എസ്​.എസ്​.എയുടെ തിരുവണ്ണൂർ ​ബ്ലോക്​ റിസോഴ്​സ്​ സ​​െൻററിലായിരുന്നു ഇവരുടെ പ്രവേശനോത്സവം. 

സ്​കൂൾ മാനേജറ​ുടെ ഹരജിയിൽ ക​ഴിഞ്ഞ അധ്യയന വർഷം ഹൈകോടതിയുടെ ഇടക്കാല ഉത്തരവുള്ളതിനാലായിരുന്നു കുട്ടികൾക്ക്​ സ്വന്തം സ്​കൂളിൽ കയറാനാവാ​െത പോയത്​. ഉത്തരവ്​ നിലനിൽക്കുന്നതിനി​െട സർക്കാറി​​​െൻറ അപ്പീലിൽ ഹൈകോടതിയിൽ കേസിലെ വാദം പ്രവേശനോത്സവ ദിനവും തുടരുകയായിരുന്നു. ഏറ്റെടുത്ത സ്​കൂളിൽ പഠനം നടത്താൻ കുട്ടികൾക്ക്​ അവകാശമുണ്ടെന്നാണ്​ സർക്കാർ വാദം. വ്യാഴാഴ്​ച അഡ്വക്കറ്റ്​ ജനറൽ സി.പി സുധാകര പ്രസാദ്​ തന്നെയാണ്​ കേസിൽ ഹാജരായത്​. 

വിദ്യാഭ്യാസത്തിനുള്ള അവകാശം കുട്ടികൾക്കു​ണ്ടെന്ന  വാദം അഡ്വക്കറ്റ്​ ജനറൽ കോടതിയുടെ ശ്രദ്ധയിൽപ്പെടുത്തി. എതിർവാദമുന്നയിക്കാൻ അവസരം നൽകണ​െമന്ന്​ സ്​കൂൾ മാനേജറുടെ  അഭിഭാഷകൻ ആവശ്യപ്പെട്ടതിനാൽ കേസ്​ ഇന്നും തുടരും. ജസ്​റ്റിസുമാരായ സുരേന്ദ്രമോഹനും മേരി ജോസഫുമടങ്ങുന്ന ബെഞ്ചാണ്​ കേസ്​ കേൾക്കുന്നത്​. 

കൊച്ചിയിൽ നിയമപ്പോരാട്ടം നടക്കു​േമ്പാഴും സ്​കൂളിൽ പ്രവേശനോത്സവം ഗംഭീരമായി നടന്നു. അധ്യാപകരും രക്ഷിതാക്കളും നാട്ടുകാരും പ്രവേശനോത്സവത്തിനെത്തി​െയങ്കിലും വിദ്യാഭ്യാസ വകുപ്പ്​ അധികൃതരും  ചില ജനപ്രതിനിധികളും ഇങ്ങോട്ട്​ തിരിഞ്ഞുനോക്കിയി​ല്ലെന്ന സങ്കടം നാട്ടുകാർക്കുണ്ട്​.  13 കുട്ടികൾ മാ​ത്രമാണ്​ ഇത്തവണയുള്ളത്​. അഞ്ചാം ക്ലാസിൽ രണ്ട്​ കുട്ടികൾ ചേർന്നു. ആറിൽ നാലും ഏഴിൽ ഏഴും കുട്ടികളുമുണ്ട്​. നിയമപോരാട്ടത്തിൽ വിജയം കണ്ട്​ പുതിയൊരു പ്രഭാതം കാത്തിരിക്കുകയാണ്​ ഇൗ കുരുന്നുകൾ.