മ​ത്സ്യ​ത്തൊ​ഴി​ലാ​ളി​ക​ളു​ടെ വി​ക​സ​നവും തീരദേശ സംരക്ഷണവും: ടിസ് റിപ്പോർട്ടിനോട് കണ്ണടച്ച് സർക്കാർ

കൊ​ച്ചി: കേ​ര​ള​ത്തി​ലെ ഒാ​ഖി​ബാ​ധി​ത മ​ത്സ്യ​ത്തൊ​ഴി​ലാ​ളി​ക​ളു​ടെ വി​ക​സ​ന​ത്തി​നും തീ​ര​ദേ​ശ സം​ര​ക്ഷ​ണ​ത്തി​നു​മാ​യി പാ​ക്കേ​ജ് ത​യാ​റാ​ക്കു​ന്ന​തി​ന് മും​ബൈ ടാ​റ്റ ഇ​ൻ​സ്​​റ്റി​റ്റ്യൂ​ട്ട് ഓ​ഫ് സോ​ഷ്യ​ൽ സ​യ​ൻ​സ് (ടി​സ്) ന​ൽ​കി​യ റി​പ്പോ​ർ​ട്ടി​നോ​ട് ക​ണ്ണ​ട​ച്ച് സ​ർ​ക്കാ​ർ. ക​ട​ൽ​ത്തീ​രം കാ​ർ​ന്നു​തി​ന്നു​ന്ന​തി​നെ പ്ര​തി​രോ​ധി​ക്കാ​ൻ തീ​ര​പ്ര​ദേ​ശ​ത്തെ നി​ർ​മാ​ണ​പ്ര​വ​ർ​ത്ത​ങ്ങ​ളും ഖ​ന​ന​വും നി​യ​ന്ത്രി​ക്ക​ണ​മെ​ന്നാ​യി​രു​ന്നു റി​പ്പോ​ർ​ട്ടി​ലെ പ്ര​ധാ​ന ശി​പാ​ർ​ശ. അ​ശാ​സ്ത്രീ​യ പു​ലി​മു​ട്ട് നി​ർ​മാ​ണ​വും ഹാ​ർ​ബ​റു​ക​ളും ക​ട​ൽ​ത്തീ​രം ത​ക​ർ​ക്കു​ക​യാ​ണെ​ന്നും റി​പ്പോ​ർ​ട്ടി​ൽ ചൂ​ണ്ടി​ക്കാ​ണി​ച്ചി​രു​ന്നു.

നേ​ര​േ​ത്ത ക​ട​ൽ​ക​യ​റ്റ​ത്തി​ൽ തീ​ര​ന​ഷ്​​ടം ഉ​ണ്ടാ​യി​രു​ന്നി​ല്ല. എ​ന്നാ​ൽ, ഹാ​ർ​ബ​റു​ക​ളു​ടെ​യും പു​ലി​മു​ട്ടു​ക​ളു​ടെ​യും നി​ർ​മാ​ണ​ത്തോ​ടെ തീ​ര​ന​ഷ്​​ടം വ​ർ​ധി​ച്ചു. അ​ശാ​സ്ത്രീ​യ പു​ലി​മു​ട്ട് ക​ട​ല്‍ത്തീ​ര​ത്തെ നാ​മാ​വ​ശേ​ഷ​മാ​ക്കി. പു​ലി​മു​ട്ട് കാ​ര​ണം ക​ട​പ്പു​റം ഇ​ല്ലാ​താ​വു​ക​യും ക​ട​ല്‍ഭി​ത്തി താ​ഴു​ക​യും ചെ​യ്യു​ന്നു. ഇ​ത് ഗു​രു​ത​ര പ​രി​സ്ഥി​തി​പ്ര​ശ്‌​ന​ങ്ങ​ൾ​ക്ക്​ വ​ഴി​വെ​ച്ചു. പ​ണ്ട് 250 മീ​റ്റ​ര്‍ ക​ട​പ്പു​റം ഉ​ണ്ടാ​യി​രു​ന്ന പ​ല​യി​ട​ത്തും ഇ​പ്പോ​ള്‍ 10 മീ​റ്റ​ര്‍ മാ​ത്ര​മാ​യി. പു​ലി​മു​ട്ടി​െൻറ നീ​ളം കൂ​ടു​ന്തോ​റും ക​ട​ൽ​ക്ഷോ​ഭ​ത്തി​െൻറ തോ​തും വ​ധി​ക്കു​ക​യാ​ണ്.

പ്ര​കൃ​തി​ക്കു​ണ്ടാ​യേ​ക്കാ​വു​ന്ന ആ​ഘാ​ത​ങ്ങ​ള്‍ വ്യ​ക്ത​മാ​യി പ​ഠി​ച്ച് ന​ട​പ്പാ​ക്കു​ന്ന ശാ​സ്ത്രീ​യ നി​ര്‍മാ​ണ​ങ്ങ​ളാ​ണ് തീ​ര​ദേ​ശ​ത്ത് വേ​ണ്ട​ത്. ക​ട​ല്‍പോ​ലെ ജൈ​വ​സ​മ്പ​ന്ന​മാ​യ ആ​വാ​സ​വ്യ​വ​സ്ഥ​യെ കൈ​കാ​ര്യം ചെ​യ്യു​മ്പോ​ള്‍ പ്ര​ത്യേ​കി​ച്ച്​ ശാ​സ്ത്രീ​യ​ത​ക്കും സാ​ങ്കേ​തി​ക​മി​ക​വി​നും മു​ന്‍ഗ​ണ​ന ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടു. മ​ത്സ്യ​ഗ്രാ​മ​ങ്ങ​ളി​ലെ ഡ്രെ​യി​നേ​ജു​ക​ളു​ടെ അ​ശാ​സ്ത്രീ​യ നി​ർ​മാ​ണം തീ​ര​ദേ​ശ​മേ​ഖ​ല​യി​ലെ ആ​രോ​ഗ്യ​സം​ബ​ന്ധ​മാ​യ പ്ര​ശ്ന​ങ്ങ​ൾ സ​ങ്കീ​ർ​ണ​മാ​ക്കു​ന്നു. ക​ഴി​ഞ്ഞ 32 വ​ർ​ഷ​മാ​യി സു​ര​ക്ഷി​ത കു​ടി​വെ​ള്ളം ല​ഭി​ക്കാ​നു​ള്ള അ​വ​കാ​ശ​ത്തി​ന്​ വി​ഴി​ഞ്ഞം തീ​ര​ദേ​ശ​വാ​സി​ക​ൾ പോ​രാ​ടു​ക​യാ​ണ്. ഭൂ​രി​ഭാ​ഗം വീ​ടു​ക​ളും ആ​ഴ്ച​യി​ൽ ര​ണ്ടു​ത​വ​ണ വി​ത​ര​ണം ചെ​യ്യു​ന്ന വാ​ട്ട​ർ അ​തോ​റി​റ്റി കു​ടി​വെ​ള്ള പ​ദ്ധ​തി​യെ ആ​ശ്ര​യി​ച്ചി​രി​ക്കു​ന്നു.

തീ​ര​ദേ​ശ​ത്തെ ദു​ര​ന്ത​ങ്ങ​ൾ, ഉ​പ​ജീ​വ​ന ന​ഷ്​​ടം എ​ന്നി​വ പ​രി​ഹ​രി​ക്കു​ന്ന​തി​ന് സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി സ​ഹാ​യി​ക്ക​ണ​മെ​ന്നും റി​പ്പോ​ർ​ട്ട് ആ​വ​ശ്യ​പ്പെ​ട്ടി​രു​ന്നു. പ്ര​ഫ. പി.​കെ. ഷാ​ജ​ഹാ​ൻ, പ്ര​ഫ. കെ. ​അ​നി​ൽ കു​മാ​ർ, ഡോ. ​എ​സ്. മു​ഹ​മ്മ​ദ് ഇ​ർ​ഷാ​ദ് തു​ട​ങ്ങി​യ​വ​ര​ട​ങ്ങി​യ സം​ഘ​മാ​ണ് റി​പ്പോ​ർ​ട്ട് ത​യാ​റാ​ക്കി​യ​ത്.