ചിന്നക്കനാലില്‍ അഞ്ചര​േയക്കര്‍ തിരിച്ചുപിടിച്ചു

നെ​ടു​ങ്ക​ണ്ടം: ചി​ന്ന​ക്ക​നാ​ലി​ൽ കു​ത്ത​ക​പ്പാ​ട്ട ഭൂ​മി​യു​ടെ മ​റ​വി​ൽ സ്വ​കാ​ര്യ വ്യ​ക്തി കൈ​യേ​റി​യ കെ.​എ​സ്.​ഇ.​ബി വ​ക അ​ഞ്ച​ര ഏ​ക്ക​ർ ഭൂ​മി റ​വ​ന്യൂ​വ​കു​പ്പ് തി​രി​ച്ചു​പി​ടി​ച്ച്​ കൈ​മാ​റി. ആ​ന​യി​റ​ങ്ക​ൽ ജ​ലാ​ശ​യ​ത്തി​ന്​ ചേ​ർ​ന്നു​കി​ട​ക്കു​ന്ന ചി​ന്ന​ക്ക​നാ​ൽ താ​വ​ള​ത്തി​ൽ സ​ർ​വേ 48, 49, 12/1 എ, ​എ​ന്നി​വ​യി​ൽ​പെ​ട്ട വൈ​ദ്യു​തി ബോ​ർ​ഡ്​ വ​ക ഭൂ​മി​യും സ​ർ​വേ 20/1ൽ​പെ​ട്ട സ​ർ​ക്കാ​ർ പു​റ​മ്പോ​ക്കു​മാ​ണ് സ്വ​കാ​ര്യ വ്യ​ക്തി കൈ​യേ​റി​യ​ത്.

ചി​ന്ന​ക്ക​നാ​ൽ മു​ട്ട​കാ​ട് താ​വ​ള​ത്തി​ലെ സ​ർ​വേ 120/29, 120/34 എ​ന്നി​വ​യി​ൽ​പെ​ട്ട ഏ​ഴ്​ ഏ​ക്ക​ർ 11 സെൻറ് സ്ഥ​ല​ത്തി​ന് അ​നു​വ​ദി​ച്ച കു​ത്ത​ക​പ്പാ​ട്ട ഭൂ​മി​യു​ടെ മ​റ​വി​ലാ​യി​രു​ന്നു കൈ​യേ​റ്റം. വി​ഷ​യം ജി​ല്ല ക​ല​ക്​​ട​റു​ടെ ശ്ര​ദ്ധ​യി​ൽ കൊ​ണ്ടു​വ​ന്ന​തി​നെ​ത്തു​ട​ർ​ന്ന് ക​ക്ഷി​യു​ടെ പേ​രി​ൽ അ​ന​ധി​കൃ​ത​മാ​യി അ​നു​വ​ദി​ച്ച കു​ത്ത​ക​പ്പാ​ട്ടം ജി​ല്ല ക​ല​ക്​​ട​ർ റ​ദ്ദ് ചെ​യ്യു​ക​യും കൈ​യേ​റ്റ ഭൂ​മി തി​രി​ച്ചു​പി​ടി​ക്കാ​ൻ ഉ​ത്ത​ര​വി​ടു​ക​യു​മാ​യി​രു​ന്നു.

സ​മീ​പ​ത്താ​യി മ​റ്റൊ​രു സ്വ​കാ​ര്യ വ്യ​ക്തി കൈ​യേ​റി​യ 21 ഏ​ക്ക​ർ 2020 ആ​ഗ​സ്​​റ്റ് 22ന് ​ജി​ല്ല ക​ല​ക്​​ട​ർ നേ​രി​ട്ടെ​ത്തി സ​ർ​ക്കാ​റി​ൽ നി​ക്ഷി​പ്​​ത​മാ​ക്കി. ഭൂ​മി കൈ​വ​ശ​പ്പെ​ടു​ത്തി​യ തോ​മ​സ് കു​രു​വി​ള ഹൈ​കോ​ട​തി​യെ സ​മീ​പി​ച്ചു. എ​ന്നാ​ല്‍, റ​വ​ന്യൂ​വ​കു​പ്പി​െൻറ ക​ണ്ടെ​ത്ത​ല്‍ ഹൈ​കോ​ട​തി ശ​രി​വെ​ക്കു​ക​യാ​യി​രു​ന്നു.

അ​ന​ധി​കൃ​ത​മാ​യി ഭൂ​മി കൈ​വ​ശ​പ്പെ​ടു​ത്തി​യ തോ​മ​സ് കു​രു​വി​ള​യ്​​ക്ക്​ 50,000 രൂ​പ പി​ഴ ചു​മ​ത്തു​ക​യും ചെ​യ്​​തു. തു​ട​ര്‍ന​ട​പ​ടി​ക​ളു​ടെ ഭാ​ഗ​മാ​യാ​ണ് എ​ല്‍.​ആ​ര്‍ ത​ഹ​സി​ല്‍ദാ​ര്‍ കെ.​എ​സ്. ജോ​സ​ഫി​െൻറ നേ​തൃ​ത്വ​ത്തി​ലെ റ​വ​ന്യൂ​സം​ഘം നേ​രി​ട്ട് ഭൂ​മി ഏ​റ്റെ​ടു​ത്ത് കെ.​എ​സ്.​ഇ.​ബി​ക്ക് കൈ​മാ​റി​യ​ത്.