തിരുവനന്തപുരത്ത്​ അഞ്ചു വലിയ ക്ലസ്​റ്ററുകൾ; സമീപ പ്രദേശങ്ങളിലേക്ക്​ പടരുന്നതിൽ ആശങ്ക 

തിരുവനന്തപുരം: ജില്ലയിൽ സമ്പർക്കത്തിലൂടെ രോഗം സ്​ഥിരീകരിക്കുന്നവരുടെ എണ്ണം കുറയാത്തത്​ ആശങ്ക സൃഷ്​ടിക്കുന്നു. രോഗവ്യാപനം രൂക്ഷമായ അഞ്ചു പ്രധാന ക്ലസ്​റ്ററുകളിൽ നിയന്ത്രണം ശക്തമാക്കി. 

പൂന്തുറ, പുല്ലുവിള, പുതുക്കുറുച്ചി, അഞ്ചുതെങ്ങ്​, ബീമാപള്ളി എന്നിവയാണ്​ വലിയ ക്ലസ്​റ്ററുകൾ. ഇവിടങ്ങളി​ൽ രോഗവ്യാപന തോത്​ കുറയാത്തതും സമീ​പപ്രദേശങ്ങളിലേക്ക്​ രോഗം പടരുന്നതും ആശങ്ക ഉയർത്തുന്നു. 

തിരുവനന്തപുരത്ത്​ വെള്ളിയാഴ്​ച 167 പേർക്കാണ്​ പുതുതായി കോവിഡ്​ സ്​ഥിരീകരിച്ചത്​. ജില്ലയിൽ 17 എഫ്.എൽ.ടി.സികളിലായി 2103 കിടക്കകൾ സജ്ജമായിട്ടുണ്ട്. 18 എഫ്.എൽ.ടി.സികൾ ഉടൻ സജ്ജമാക്കും. പുല്ലുവിളയിൽ 10 ദിവസത്തിനിടെ 671 പരിശോധന നടത്തിയതിൽ 288 എണ്ണവും പോസിറ്റീവ് ആണ്. 42.92 ശതമാനമാണിതെന്നും മുഖ്യമന്ത്രി അറിയിച്ചു.