കോഴിക്കോട്​ മെഡിക്കൽ കോളജിൽ പിഞ്ചുകുഞ്ഞ്​ കോവിഡ്​ ബാധിച്ച്​ മരിച്ചു

കോഴിക്കോട്​: മെഡിക്കൽ കോളജ്​ ആശുപത്രിയിൽ അഞ്ചുമാസം പ്രായമുള്ള കുഞ്ഞ്​ കോവിഡ്​ ബാധിച്ച്​ മരിച്ചു. ചാലിയം സ്വദേശി മുഹമ്മദ്​ ഷെരീഫിൻെറ മകൻ മുഹമ്മദ് റസിയാനാണ്​ മരിച്ചത്​.

പനിയെ തുടർന്ന്​ ഇന്ന് രാവിലെ ആറുമണിക്കാണ് മെഡിക്കൽ കോളേജിലെ മാതൃ-ശിശു സംരക്ഷണകേന്ദ്രത്തിൽ പ്രവേശിപ്പിച്ചത്​. എന്നാൽ 6.15ഓടെ കുഞ്ഞ്​ മരിക്കുകയായിരുന്നു.

കുഞ്ഞിന്​ അപസ്മാരവും കടുത്ത പനിയുമുണ്ടായിരുന്നു. ശേഷം നടത്തിയ ആൻറിജൻ ടെസ്റ്റിലാണ്​ കുഞ്ഞ്​ കോവിഡ്​ പോസിറ്റീവാണെന്ന്​ സ്ഥിരീകരിച്ചത്​. കുടുംബാംഗങ്ങൾക്കും പി.സി.ആർ ടെസ്​റ്റ്​ കൂടി നടത്തുമെന്ന്​ അധികൃതർ അറിയിച്ചു.