മ​നു​ഷ്യ​രാ​ശി​യെ രണ്ടു വർഷം നി​ശ്ച​ല​മാ​ക്കി​യ ആ ​വു​ഹാ​ൻ മ​ര​ണ​ത്തി​ന് അ​ഞ്ചാ​ണ്ട്

ലോ​ക​ത്തെ ലോ​ക്ഡൗ​ണി​ലാ​ക്കി​യ മ​ഹാ​മാ​രി​യാ​യി​രു​ന്നു കോ​വി​ഡ്-19. 2019 ഡി​സം​ബ​റി​ൽ ചൈ​ന​യി​ലെ വു​ഹാ​നി​ൽ ആ​ദ്യ​മാ​യി റി​​പ്പോ​ർ​ട്ട് ചെ​യ്ത കോ​വി​ഡ് ര​ണ്ടു മാ​സ​ത്തി​നു​ള്ളി​ൽ ലോ​കം മു​ഴു​വ​ൻ പ​ട​ർ​ന്നു. 2020 ജ​നു​വ​രി 11നാ​ണ് ലോ​ക​ത്തെ ആ​ദ്യ​ത്തെ കോ​വി​ഡ് മ​ര​ണം റി​​പ്പോ​ർ​ട്ട് ചെ​യ്ത​ത്. അ​തും വു​ഹാ​നി​ലാ​യി​രു​ന്നു. ആ​ദ്യ​ഘ​ട്ട​ത്തി​ൽ രോ​ഗം സ്ഥി​രീ​ക​രി​ച്ച 41 പേ​രി​ലൊ​രാ​ളാ​യ ഒ​രു 61കാ​ര​ൻ. അ​ത്യ​സാ​ധാ​ര​ണ​മാ​യ ന്യൂ​മോ​ണി​യ​യു​ടെ രൂ​പ​ത്തി​ലാ​ണ് അ​യാ​ളെ മ​ര​ണം കൊ​ണ്ടു​പോ​യ​ത്. ലോ​ക​ത്തെ ആ​ശ​ങ്ക​യു​ടെ മു​ൾ​മു​ന​യി​ലേ​ക്ക് ന​യി​ച്ച ആ ​മ​ര​ണ​ത്തി​ന് ഇ​ന്നേ​ക്ക് അ​ഞ്ചു​വ​ർ​ഷം. ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്ക​നു​സ​രി​ച്ച് അ​തി​നു​ശേ​ഷം ലോ​ക​ത്ത് കോ​വി​ഡ് ബാ​ധി​ച്ച് മ​രി​ച്ച​ത് 71 ല​ക്ഷം പേ​രാ​ണ്. ഇ​ത് വെ​റും ഔ​ദ്യോ​ഗി​ക ക​ണ​ക്ക്; യ​ഥാ​ർ​ഥ മ​ര​ണ സം​ഖ്യ ചു​രു​ങ്ങി​യ​ത് ഒ​ന്നേ​കാ​ൽ കോ​ടി​യെ​ന്നാ​ണ് പ​ല സം​ഘ​ട​ന​ക​ളും വി​ല​യി​രു​ത്തി​യി​ട്ടു​ള്ള​ത്.

ആ​കെ എ​ത്ര മ​ര​ണം?

ലോ​ക​ത്ത് 77.7 കോ​ടി ആ​ളു​ക​ൾ​ക്കാ​ണ് കോ​വി​ഡ് പി​ടി​പെ​ട്ട​ത്. അ​ഞ്ചു​വ​ർ​ഷ​ത്തി​നി​ടെ കോ​വി​ഡ് ബാ​ധി​ച്ച് മ​രി​ച്ച​ത് 70,79,587 എ​ന്നാ​ണ് ലോ​കാ​രോ​ഗ്യ സം​ഘ​ട​ന​യു​ടെ ഡാ​ഷ് ബോ​ർ​ഡ് പ്ര​കാ​ര​മു​ള്ള ക​ണ​ക്ക്. ഇ​തി​ൽ 500 എ​ണ്ണം കൂ​ടാ​നും സാ​ധ്യ​ത​യു​ണ്ട്. ഏ​റ്റ​വും കൂ​ടു​ത​ൽ മ​ര​ണം റി​പ്പോ​ർ​ട്ട് ചെ​യ്ത​ത് അ​മേ​രി​ക്ക​യി​ലാ​ണ്- 12 ല​ക്ഷം. ബ്ര​സീ​ലി​ൽ ഏ​ഴു​ല​ക്ഷ​വും ഇ​ന്ത്യ​യി​ൽ 5.34 ല​ക്ഷ​വു​മാ​ണ് മ​ര​ണ സം​ഖ്യ.

എ​ങ്ങും പോ​യി​ട്ടി​ല്ല

കോ​വി​ഡ് ഇ​പ്പോ​ഴു​മു​ണ്ട്. ലോ​കാ​രോ​ഗ്യ സം​ഘ​ട​ന​യു​ടെ ക​ണ​ക്ക​നു​സ​രി​ച്ച് 2024 ഡി​സം​ബ​ർ 22 മു​ത​ലു​ള്ള ഏ​ഴു ദി​വ​സ​ത്തി​നി​ടെ, ലോ​ക​ത്ത് 36,544 പേ​ർ​ക്ക് കോ​വി​ഡ് സ്ഥി​രീ​ക​രി​ച്ചി​ട്ടു​ണ്ട്. അ​തി​ന് തൊ​ട്ടു​മു​മ്പു​ള്ള കോ​വി​ഡ് കേ​സി​നെ​ക്കാ​ൾ 13,539 എ​ണ്ണം കു​റ​വാ​ണി​ത്. ക​ഴി​ഞ്ഞ ഒ​രു മാ​സ​ത്തി​നി​ടെ 1.88 ല​ക്ഷം ​പേ​ർ​ക്ക് കോ​വി​ഡ് പി​ടി​പെ​ട്ടി​ട്ടു​ണ്ട്. ന​വം​ബ​റി​ൽ ഇ​ത് 1.81 ല​ക്ഷം ആ​യി​രു​ന്നു. അ​ഥ​വാ, ലോ​ക​ത്ത് കോ​വി​ഡ് കേ​സു​ക​ൾ നി​ല​ച്ചി​ട്ടി​ല്ല. എ​ന്നാ​ൽ, ന​ന്നേ കു​റ​ഞ്ഞു.

2024ലെ ​അ​വ​സാ​ന ആ​ഴ്ച​യി​ൽ ലോ​ക​ത്ത് 455 പേ​ർ കോ​വി​ഡ് ബാ​ധി​ച്ചു മ​രി​ച്ചി​ട്ടു​ണ്ട്. തൊ​ട്ടു​മു​മ്പ​ത്തെ ആ​ഴ്ച​യി​ൽ അ​ത് 570 ആ​യി​രു​ന്നു. ഒ​രു മാ​സ​ത്തി​നി​ടെ 2307 പേ​രാ​ണ് കോ​വി​ഡ് ബാ​ധി​ച്ച് മ​രി​ച്ച​ത്. ന​വം​ബ​റി​ൽ 2944 ആ​ണ് കോ​വി​ഡ് മ​ര​ണം. ഇ​പ്പോ​ഴും ഏ​റ്റ​വും കൂ​ടു​ത​ൽ മ​ര​ണം റി​പ്പോ​ർ​ട്ട് ചെ​യ്യു​ന്ന​ത് അ​മേ​രി​ക്ക​യി​ലാ​ണ്. ഡി​സം​ബ​റി​ൽ അ​വി​ടെ 1700 പേ​ർ മ​രി​ച്ചു; ഇ​ന്ത്യ​യി​ൽ ഒ​രാ​ളും.