മഴ: നെടുമ്പാശ്ശേരിയിൽ വിമാനം റൺവേയിൽ നിന്ന്​ തെന്നിമാറി

കൊച്ചി: നെടുമ്പാശ്ശേരി അന്താരാഷ്​ട്ര വിമാനത്താവളത്തിൽ കനത്ത മഴയെ തുടർന്ന്​ വിമാനം റൺവേയിൽ നിന്ന് തെന്നി മാറി. പുലർച്ചെ 2.18 ന് നെടുമ്പാശ്ശേരിയിൽ ഇറങ്ങിയ ഖത്തർ എയർവേയ്സ് വിമാനമാണ് റൺവേയിൽ നിന്നും അൽപ്പം തെന്നിമാറിയത്. പൈലറ്റിന്റെ ജാഗ്രത മൂലം അനിഷ്ട സംഭവങ്ങൾ ഒഴിവായി. യാത്രക്കാർക്ക്​ പരിക്കില്ല. 

സംഭവത്തെത്തുടർന്ന് ഖത്തറിലേക്ക് 3.30ന് മടങ്ങേണ്ടിയിരുന്ന വിമാനത്തിന്​ പുറപ്പെടാനായില്ല. ഈ വിമാനത്തിൽ പോകേണ്ടവരെ 10.30നുള്ള മറ്റൊരു വിമാനത്തിൽ യാത്രയാക്കും