പ്രളയ ദുരന്തം: ഇടുക്കിയിൽ താളംതെറ്റി പുനരധിവാസ പദ്ധതി

ചെ​റു​തോ​ണി: ഇ​ടു​ക്കി​യി​ൽ പു​ന​ര​ധി​വാ​സ പ​ദ്ധ​തി താ​ളം തെ​റ്റി​യ നി​ല​യി​ൽ. മ​ഹാ​പ്ര​ള​യം ക​ഴി​ഞ്ഞ്​ ആ​റു വ​ർ​ഷം പി​ന്നി​ട്ടി​ട്ടും ജി​ല്ല ഭ​ര​ണ​കൂ​ട​ത്തി​ന്‍റെ മൂ​ക്കി​നു​താ​ഴെ ഇ​ര​ക​ളാ​യ 13 കു​ടും​ബ​ങ്ങ​ൾ ഇ​പ്പോ​ഴും ദു​രി​ത​ത്തി​ലാ​ണ്. മ​ന്ത്രി റോ​ഷി ആ​ഗ​സ്റ്റി​ന്‍റെ മ​ണ്ഡ​ല​ത്തി​ൽ​പ്പെ​ട്ട വാ​ഴ​ത്തോ​പ്പ് പ​ഞ്ചാ​യ​ത്തി​ലാ​ണ് ഈ ​ദു​ര​വ​സ്ഥ. സ്ഥ​ലം ന​ൽ​കി​യെ​ങ്കി​ലും അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കി​യി​ല്ല.

അ​ഞ്ചു വ​ർ​ഷ​മാ​യി വാ​ട​ക​ക്കും ബ​ന്ധു​വീ​ടു​ക​ളി​ലു​മാ​യി ക​ഴി​യു​ക​യാ​ണ് ഈ ​കു​ടും​ബ​ങ്ങ​ൾ. പ്ര​ള​യ​ത്തി​ൽ ഉ​ടു​തു​ണി​യൊ​ഴി​ച്ച് ബാ​ക്കി​യെ​ല്ലാം ന​ഷ്ട​പ്പെ​ട്ട​വ​രാ​ണി​വ​ർ. മ​ണി​യാ​റ​ൻ​കു​ടി​യി​ൽ സ്ഥ​ലം ന​ൽ​കി​യെ​ങ്കി​ലും ഇ​വ​ർ​ക്ക് വീ​ട് നി​ർ​മി​ക്കാ​ൻ ഇ​തു​വ​രെ ക​ഴി​ഞ്ഞി​ട്ടി​ല്ല. അ​ടി​സ്ഥാ​ന സൗ​ക​ര്യ​ങ്ങ​ൾ ചെ​യ്യാ​മെ​ന്ന് ക​ല​ക്ട​റു​ടെ വാ​ഗ്ദാ​ന​വും പാ​ഴ് വാ​ക്കാ​യ​താ​യി എ​ല്ലാം ന​ഷ്ട​പ്പെ​ട്ട് ക​ഴി​യു​ന്ന സ​തീ​ശ​ൻ പ​റ​ഞ്ഞു. പ്ര​ള​യ​ത്തി​ൽ ഏ​റ്റ​വും കൂ​ടു​ത​ൽ നാ​ശം വി​ത​ച്ച പെ​രി​ങ്കാ​ല, മു​ള​കു​വ​ള്ളി, ക​മ്പ​ളി​ക​ണ്ടം, പ​നം​കു​ട്ടി എ​ന്നി​വി​ട​ങ്ങ​ളി​ൽ​നി​ന്നു​ള്ള 13 കു​ടും​ബ​ങ്ങ​ളെ​യാ​ണ് മ​ണി​യാ​റ​ൻ​കു​ടി​യി​ൽ പു​ന​ര​ധി​വ​സി​പ്പി​ച്ച​ത്. ധ​ന​സ​ഹാ​യ​മാ​യി 10 ല​ക്ഷം രൂ​പ ന​ൽ​കു​മെ​ന്ന സ​ർ​ക്കാ​ർ പ്ര​ഖ്യാ​പ​ന​ത്തി​ലാ​യി​രു​ന്നു ഇ​വ​രു​ടെ പ്ര​തീ​ക്ഷ​ക​ള​ത്ര​യും. ആ​റ് ല​ക്ഷം രൂ​പ സ്ഥ​ല​ത്തി​നും നാ​ല് ല​ക്ഷം രൂ​പ വീ​ട് പ​ണി​യു​ന്ന​തി​നു​മാ​യി​രു​ന്നു ഇ​ത്. സ്ഥ​ലം സൗ​ജ​ന്യ​മാ​യി ല​ഭി​ച്ച​തി​നാ​ൽ നാ​ല് ല​ക്ഷം രൂ​പ മാ​ത്ര​മാ​ണ് ഇ​വ​ർ​ക്ക് ന​ൽ​കി​യ​ത്. വെ​ള്ള​വും വ​ഴി​യും വൈ​ദ്യു​തി​യു​മെ​ത്താ​ത്ത മ​ല​ഞ്ചെ​രു​വി​ൽ ക​ടം വാ​ങ്ങി​യും ഉ​ള്ള​തെ​ല്ലാം വി​റ്റ് പ​റ​ക്കി​യും വീ​ടൊ​രു​ക്കാ​ൻ ക​ഴി​ഞ്ഞ​ത് മൂ​ന്ന് പേ​ർ​ക്ക് മാ​ത്രം. ബാ​ക്കി വീ​ടു​ക​ളെ​ല്ലാം നി​ർ​മാ​ണം പാ​തി​വ​ഴി​യി​ൽ നി​ല​ച്ച് കാ​ട് ക​യ​റി​ക്കി​ട​ക്കു​ന്നു.

പ്ര​ള​യ​ത്തി​ൽ വീ​ട് ന​ഷ്ട​പ്പെ​ട്ട സെ​ബാ​സ്റ്റ്യ​ൻ വ​ലി​യ പ്ര​തീ​ക്ഷ​യോ​ടെ​യാ​ണ് വീ​ട് പ​ണി​യാ​രം​ഭി​ച്ച​ത്. പ​ക്ഷെ നി​ർ​മ്മാ​ണം എ​ങ്ങു​മെ​ത്തി​യി​ല്ല. സ​ർ​ക്കാ​ർ ന​ൽ​കി​യ​ത്​ കൂ​ടാ​തെ ക​ടം വാ​ങ്ങി​യും പ​ലി​ശ​ക്കു​വാ​ങ്ങി​യും വീ​ടി​ന്‍റെ പ​ണി ഭി​ത്തി​യി​ലെ​ത്തി​ച്ചു. ഇ​പ്പോ​ൾ ക​ട​ക്കാ​ര​നു​മാ​യി. അ​ഞ്ച് സെ​ന്റ് സ്ഥ​ല​ത്ത് 430 ച​തു​ര​ശ്ര​അ​ടി വീ​ടി​നാ​യി​രു​ന്നു അ​നു​മ​തി. കു​ടി​വെ​ള്ള​മ​ട​ക്കം വി​ല​കൊ​ടു​ത്ത്​ വാ​ങ്ങേ​ണ്ട അ​വ​സ്ഥ വ​ന്ന​തോ​ടെ പ​ല​രും വീ​ടെ​ന്ന സ്വ​പ്നം ഉ​പേ​ക്ഷി​ച്ചു. പൊ​തു​കു​ള​ത്തി​ന് പ​ഞ്ചാ​യ​ത്ത് സ്ഥ​ലം ക​ണ്ടെ​ത്തി​യെ​ങ്കി​ലും തു​ട​ർ ന​ട​പ​ടി​യു​ണ്ടാ​യി​ല്ല. ഫ​ണ്ട് വ​ക​യി​രു​ത്തി​യി​ട്ടു​ണ്ടെ​ന്ന് പ​ഞ്ചാ​യ​ത്തും പ്ര​ശ്ന പ​രി​ഹാ​ര​മു​ണ്ടാ​ക്കു​മെ​ന്ന് ജി​ല്ല ക​ല​ക്ട​റും പ​ല​ത​വ​ണ പ​റ​ഞ്ഞു. പ​ക്ഷെ പ​രി​ഹാ​രം മാ​ത്രം ഇ​ല്ല.