സിൽവർ ലൈനിൽ പ്രളയസാധ്യതാ പ്രദേശങ്ങൾ 164

തി​​രു​​വ​​ന​​ന്ത​​പു​​രം: സി​​ൽ​​വ​​ർ ലൈ​​ൻ പ​​ദ്ധ​​തി ക​​ട​​ന്നു​​പോ​​കു​​ന്ന​​ത് 164 പ്ര​​ള​​യ​​സാ​​ധ്യ​​താ പ്ര​​ദേ​​ശ​​ങ്ങ​​ളി​​ലൂ​​ടെ​​യെ​​ന്ന് വി​​ശ​​ദ​​പ​​ദ്ധ​​തി രേ​​ഖ (ഡി.​​പി.​​ആ​​ർ). ഇ​​തി​​ൽ മു​​രു​​ക്കും​​പു​​ഴ, മ​​രു​​തൂ​​ർ, തോ​​ട്ടു​​വ, വാ​​ക​​ത്താ​​നം, ഇ​​ട​​യ​​ത്തൂ​​ർ, തി​​രു​​നാ​​വാ​​യ തു​​ട​​ങ്ങി 25 പ്ര​​ദേ​​ശ​​ങ്ങ​​ൾ അ​​തി​​പ്ര​​ശ്ന​​സാ​​ധ്യ​​ത​​യു​​ള്ള​​താ​​ണെ​​ന്നും ഇ​​വി​​ട​​ങ്ങ​​ളി​​ൽ പ്ര​​ള​​യ സാ​​ധ്യ​​ത ഒ​​ഴി​​വാ​​ക്കാ​​നാ​​യി തോ​​ട് വ​​ഴി​​തി​​രി​​ച്ചു​​വി​​ടു​​ക​​യോ പാ​​ല​​മോ ക​​ലു​​ങ്കു​​ക​​ളോ പ​​ണി​​യു​​ക​​യോ ചെ​​യ്യ​​ണ​​മെ​​ന്നും റി​​പ്പോ​​ർ​​ട്ടി​​ൽ ചൂ​​ണ്ടി​​ക്കാ​​ണി​​ക്കു​​ന്നു.

വെ​​ള്ള​​പ്പൊ​​ക്ക സ​​മ​​ത​​ല​​മാ​​യ​​തി​​നാ​​ൽ തി​​രു​​വ​​ന​​ന്ത​​പു​​രം, കൊ​​ല്ലം, ചെ​​ങ്ങ​​ന്നൂ​​ർ, കോ​​ട്ട​​യം, എ​​റ​​ണാ​​കു​​ളം സ്റ്റേ​​ഷ​​നു​​ക​​ളും കൊ​​ല്ലം കാ​​സ​​ർ​​കോ​​ട് യാ​​ഡു​​ക​​ളും വെ​​ള്ള​​പ്പൊ​​ക്ക ഭീ​​ഷ​​ണി​​യി​​ലാ​​ണ്. കൊ​​ല്ലം സ്റ്റേ​​ഷ​​ൻ യാ​​ഡി​​ലും എ​​റ​​ണാ​​കു​​ള​​ത്തും കാ​​സ​​ർ​​കോ​​ട് യാ​​ഡി​​നെ സം​​ബ​​ന്ധി​​ച്ചും കൂ​​ടു​​ത​​ൽ പ​​ഠ​​നം ആ​​വ​​ശ്യ​​മാ​​ണെ​​ന്നും ഡി.​​പി.​​ആ​​റി​​ൽ പ​​റ​​യു​​ന്നു. തീ​​ര​​ദേ​​ശ മേ​​ഖ​​ല​​യി​​ലൂ​​ടെ സി​​ൽ​​വ​​ർ ലൈ​​ൻ ക​​ട​​ന്നു​​പോ​​കു​​ന്നു​​ണ്ടെ​​ങ്കി​​ലും സൂ​​നാ​​മി സാ​​ധ്യ​​ത​​യെ​​യും വ​​ലി​​യ തി​​ര​​മാ​​ല​​ക​​ളെ​​യും കു​​റി​​ച്ച് കാ​​ര്യ​​മാ​​യ പ​​ഠ​​നം ന​​ട​​ത്തി​​യി​​ട്ടി​​ല്ലെ​​ന്നും റി​​പ്പോ​​ർ​​ട്ടി​​ലു​​ണ്ട്.

നി​​ർ​​മാ​​ണ പ്ര​​വ​​ർ​​ത്ത​​ന​​ങ്ങ​​ൾ വ​​ൻ​​തോ​​തി​​ൽ പാ​​രി​​സ്ഥി​​തി​​കാ​​ഘാ​​ത​​ത്തി​​ന് വ​​ഴി​​വെ​​ക്കു​​മെ​​ന്ന് റി​​പ്പോ​​ർ​​ട്ടി​​ൽ അ​​ക്ക​​മി​​ട്ട് നി​​ര​​ത്തു​​ന്നു​​ണ്ട്. നി​​ർ​​മാ​​ണ പ്ര​​വ​​ർ​​ത്ത​​ന​​ങ്ങ​​ൾ​​ക്കാ​​യി വ​​ൻ​​തോ​​തി​​ലു​​ള്ള ക​​രി​​ങ്ക​​ല്ലാ​​ണ് വേ​​ണ്ടി​​വ​​രി​​ക. ഇ​​തി​​നാ​​യി പു​​തി​​യ ക്വാ​​റി​​ക​​ൾ തു​​റ​​ക്കേ​​ണ്ടി​​വ​​രും. ആ​​ഘാ​​തം പ്ര​​വ​​ചി​​ക്കാ​​ൻ ക​​ഴി​​യി​​ല്ല. ക്വാ​​റി​​ക​​ളു​​ടെ പ്ര​​വ​​ർ​​ത്ത​​നം ജ​​ല​​പ​​രി​​സ്ഥി​​തി​​യെ ബാ​​ധി​​ക്കും. പ​​ദ്ധ​​തി​​യു​​ടെ തു​​ട​​ക്ക​​ത്തി​​ൽ ന​​ട​​ത്തു​​ന്ന മ​​ണ്ണു​​പ​​ണി​​ക​​ൾ വെ​​ള്ള​​പ്പൊ​​ക്ക​​ത്തി​​ന് കാ​​ര​​ണ​​മാ​​കും. കാ​​യ​​ലു​​ക​​ളി​​ൽ ച​​ളി​​യു​​ടെ ഒ​​ഴു​​ക്ക് വ​​ർ​​ധി​​ക്കും. അ​​തി​​ന്‍റെ ഫ​​ല​​മാ​​യി ഉ​​പ​​രി​​ത​​ല പ്ര​​വാ​​ഹം വ​​ർ​​ധി​​ച്ച്​ പ​​ദ്ധ​​തി പ്ര​​ദേ​​ശ​​ങ്ങ​​ളി​​ൽ വെ​​ള്ള​​പ്പൊ​​ക്ക​​മു​​ണ്ടാ​​കും. ഡ്രെ​​യി​​നേ​​ജ് സം​​വി​​ധാ​​ന​​ങ്ങ​​ൾ അ​​ട​​യ​​പ്പെ​​ട്ടാ​​ൽ ഉ​​രു​​ൾ​​പൊ​​ട്ട​​ൽ പോ​​ലു​​ള്ള ദു​​ര​​ന്ത​​ത്തി​​ന് കേ​​ര​​ളം സാ​​ക്ഷി​​യാ​​കേ​​ണ്ടി​​വ​​രു​​മെ​​ന്നും പ​​ദ്ധ​​തി​​രേ​​ഖ​​യി​​ൽ അ​​ടി​​വ​​ര​​യി​​ടു​​ന്നു​​ണ്ട്.

പ്ര​​കൃ​​തി ന​​ശീ​​ക​​ര​​ണം ദീ​​ർ​​ഘ​​കാ​​ലാ​​ടി​​സ്ഥാ​​ന​​ത്തി​​ൽ പ്രാ​​ദേ​​ശി​​ക അ​​ന്ത​​രീ​​ക്ഷ താ​​പ​​നി​​ല​​യി​​ൽ വ​​ർ​​ധ​​ന​​ക്ക്​ കാ​​ര​​ണ​​മാ​​കും. ട്രെ​​യി​​നു​​ക​​ൾ ഓ​​ടി​​ത്തു​​ട​​ങ്ങു​​ന്ന​​തോ​​ടെ എ​​യ​​ർ ക​​ണ്ടീ​​ഷ​​നി​​ങ് സം​​വി​​ധാ​​ന​​ത്തി​​ലൂ​​ടെ​​യും സ്റ്റേ​​ഷ​​നു​​ക​​ളി​​ലെ ഡീ​​സ​​ൽ ജ​​ന​​റ​​റേ​​റ്റു​​ക​​ളി​​ൽ നി​​ന്നും ഹ​​രി​​ത​​വാ​​ത​​ക ബ​​ഹി​​ർ​​ഗ​​മ​​ന​​മു​​ണ്ടാ​​കും. ച​​ല​​ന​​വും കു​​ലു​​ക്ക​​വും മൂ​​ലം നി​​ർ​​ദി​​ഷ്ട അ​​ലൈ​​ൻ​​മെ​ൻ​റി​​നോ​​ട് ചേ​​ർ​​ന്നു​​ള്ള താ​​മ​​സ​​ക്കാ​​രു​​ടെ ഉ​​റ​​ക്ക​​ത്തി​​നും മാ​​ന​​സി​​ക അ​​സ്ഥി​​ര​​ത​​ക്കും ഇ​​ട​​യാ​​ക്കും. പ്ര​​ത്യേ​​കി​​ച്ച്, അം​​ഗ​​ൻ​​വാ​​ടി​​ക​​ളും ആ​​ശു​​പ​​ത്രി​​ക​​ളും. ക​​ന്നു​​കാ​​ലി​​ക​​ൾ ഉ​​ൾ​​പ്പെ​​ടെ​​യു​​ള്ള ജ​​ന്തു​​ജാ​​ല​​ങ്ങ​​ൾ​​ക്ക് രാ​​ത്രി​​കാ​​ല​​ങ്ങ​​ളി​​ൽ ബു​​ദ്ധി​​മു​​ട്ട് സൃ​​ഷ്ടി​​ച്ചേ​​ക്കാ​​മെ​​ന്നും റി​​പ്പോ​​ർ​​ട്ടി​​ലു​​ണ്ട്.

ഒമ്പത്​ ആരാധനാലയങ്ങളും പൊളിക്കേണ്ടിവരും •കേരളത്തെ വിഭജിക്കില്ലെന്ന്​ അവകാശവാദം

തി​രു​വ​ന​ന്ത​പു​രം: സി​ൽ​വ​ർ ലൈ​ൻ അ​ർ​ധ അ​തി​വേ​ഗ റെ​യി​ൽ പാ​ത​ക്കാ​യി പൊ​ളി​ക്കേ​ണ്ടി വ​രു​ക​ 9314 കെ​ട്ടി​ട​ങ്ങ​ൾ. ഇ​തി​ൽ ഒ​മ്പ​ത്​ ആ​രാ​ധ​നാ​ല​യ​ങ്ങ​ളു​ണ്ട്. 10,347 കെ​ട്ടി​ട​ങ്ങ​ളാ​ണ്​ പാ​ത​യി​ൽ വ​രു​ന്ന​തെ​ങ്കി​ലും 10​ ശ​ത​മാ​നം സം​ര​ക്ഷ​ണ ഭി​ത്തി കെ​ട്ടി നി​ല​നി​ർ​ത്താ​നാ​കു​മെ​ന്നാ​ണ്​ വി​ല​യി​രു​ത്ത​ൽ.

പ​ര​മാ​വ​ധി ആ​രാ​ധ​നാ​കേ​ന്ദ്ര​ങ്ങ​ൾ ഒ​ഴി​വാ​ക്കാ​ൻ ശ്ര​മി​​ച്ചു. അ​ഞ്ച്​ മു​സ്​​ലിം പ​ള്ളി​ക​ൾ, ഒ​രു ക്രി​സ്ത്യ​ൻ പ​ള്ളി, മൂ​ന്നു​ ക്ഷേ​ത്ര​ങ്ങ​ൾ എ​ന്നി​വ​യാ​ണ്​ പൊ​ളി​ക്കേ​ണ്ടി വ​രു​ക. ഇ​വ മാ​റ്റി സ്ഥാ​പി​ക്കും. ശ്രീ​ഉ​ജ്ജ​യി​നി മ​ഹാ​കാ​ളി അ​മ്മ​ൻ ക്ഷേ​ത്രം, അ​ർ​പ​ന്തോ​ട്​ ശ്രീ ​അ​ര​യാ​ൽ​ത്ത​റ മു​ത്ത​പ്പ​ൻ​കാ​വ്, ശ്രീ​സു​ബ്ര​ഹ്​​മ​ണ്യ​ൻ കോ​വി​ൽ, പ​ള്ളി​ക്ക​ര നീ​ലേ​ശ്വ​രം, പെ​ന്ത​കോ​സ്റ്റ്​ മി​ഷ​ൻ ച​ർ​ച്ച്, ടൗ​ൺ മ​സ്​​ജി​ദ്​​ ക​ണി​യാ​പു​രം, വെ​ങ്ങാ​ല്ലൂ​ർ ജു​മാ മ​സ്​​ജി​ദ്​, വെ​ങ്ങാ​ലൂ​ർ സു​ന്നി ജു​മാ മ​സ്​​ജി​ദ്​, പാ​വ​ങ്ങാ​ട്​ വെ​ങ്ങാ​ലി മ​സ്​​ജി​ദ്, ആ​ന​യി​ടു​ക്ക്​ ജു​മാ മ​സ്​​ജി​ദ്, കാ​സ​ർ​കോ​ട്​ സ്​​റ്റേ​ഷ​ന്​ സ​മീ​പ​ത്തെ ഇ​സ്​​ലാ​മി​യ​ത്ത്​ മ​സ്​​ജി​ദ്​ എ​ന്നി​വ​യാ​ണി​ത്.

യാ​ത്ര​ക്കാ​രു​ടെ ബാ​ഹു​ല്യ​മി​ല്ലാ​ത്ത​തി​നാ​ൽ തി​രു​വ​ന​ന്ത​പു​രം വി​മാ​ന​ത്താ​വ​ള​വു​മാ​യി ബ​ന്ധി​പ്പി​ക്കു​ന്നി​ല്ല. കോ​ഴി​ക്കോ​ട്​ വി​മാ​ന​ത്താ​വ​വ​ള​വു​മാ​യും ബ​ന്ധി​പ്പി​ക്കി​ല്ല. ആ​ദ്യ​ഘ​ട്ട​ത്തി​ൽ ത​ന്നെ നെ​ടു​മ്പാ​ശ്ശേ​രി​യു​മാ​യി ബ​ന്ധി​പ്പി​ക്കും. കൊ​ച്ചി മെ​ട്രോ​യു​ടെ അ​ടു​ത്ത ഘ​ട്ടം വ​രു​ന്ന കാ​ക്ക​നാ​ടാ​ണ്​ സ്​​റ്റേ​ഷ​ൻ.

അ​ലൈ​ൻ​മെ​ന്‍റ്​ സം​സ്ഥാ​ന​ത്തെ ര​ണ്ടാ​യി വി​ഭ​ജി​ക്കി​ല്ല. പാ​ത ​മു​റി​ച്ചു ക​ട​ക്കാ​ൻ സം​വി​ധാ​നം വ​രും. നി​ല​വി​ലു​ള്ള​വ​ക്ക്​ പു​റ​മെ, പു​തി​യ സം​വി​ധാ​ന​ങ്ങ​ളും വ​രും. 1.435 മീ​റ്റ​റാ​കും കെ-​റെ​യി​ൽ പാ​ത​യു​ടെ വീ​തി. 2.4 മീ​റ്റ​ർ ഉ​യ​ര​ത്തി​ലാ​കും മ​തി​ൽ. ചി​ല മേ​ഖ​ല​ക​ളി​ൽ ര​ണ്ട്​ മീ​റ്റ​റി​ലും. ഇ​തു​ പ​ര​സ്യ​ങ്ങ​ൾ​ക്കും മ​റ്റു​മാ​യി ഉ​പ​യോ​ഗ​പ്പെ​ടു​ത്തും.

പാ​ത​യു​ടെ വ​ശ​ത്ത്​ 30 മീ​റ്റ​റി​ൽ നി​ർ​മാ​ണ നി​യ​ന്ത്ര​ണം (ബ​ഫ​ർ സോ​ൺ) വ​രും. സ​മീ​പ​ത്തെ നി​ർ​മാ​ണ​ത്തി​ന്​ നോ ​ഒ​ബ്​​ജ​ക്​​ഷ​ൻ സ​ർ​ട്ടി​ഫി​ക്ക​റ്റ്​ വേ​ണ്ടി വ​രും. 10 മീ​റ്റ​ർ പ​രി​ധി​യി​ൽ നി​യ​ന്ത്ര​ണം മ​തി​യെ​ന്ന്​ കെ-​റെ​യി​ൽ സ​ർ​ക്കാ​റി​ന്​ ശി​പാ​ർ​ശ ചെ​യ്ത​താ​യി അ​ധി​കൃ​ത​ർ പ​റ​യു​ന്നു. നെ​ടു​മ്പാ​ശ്ശേ​രി ഒ​ഴി​കെ 10​ സ്​​റ്റേ​ഷ​നു​ക​ളി​ലും അ​നു​ബ​ന്ധ​മാ​യി വി​ക​സ​ന സാ​ധ്യ​ത​ക​ൾ. പാ​ത​യു​ടെ നി​ർ​മാ​ണ​ത്തി​ന്​ മ​ധ്യ​കേ​ര​ള​ത്തി​ൽ നി​ർ​മാ​ണ സാ​മ​ഗ്രി​ക​ൾ ല​ഭ്യ​മാ​ണ്.

അ​ലൈ​ൻ​മെ​ന്‍റ്​ വ​ള​രെ പ്ര​തി​കൂ​ല ഭാ​ഗ​ത്തു​ കൂ​ടി ക​ട​ന്നു​പോ​കു​ന്ന​തി​നാ​ൽ നി​ർ​മാ​ണം അ​തി​ന​നു​സി​ച്ചാ​ക​ണം. പ്ര​ള​യ​ത്തി​ൽ ട്രാ​ക്​ ഇ​ടി​യാ​തി​രി​ക്കാ​ൻ ത​ക്ക നി​ർ​മാ​ണ​മാ​കും ന​ട​ത്തു​ക. ദേ​ശീ​യ​പാ​ത 544 ൽ ​കൊ​ല്ലം- തി​രു​വ​ന​ന്ത​പു​രം ഭാ​ഗ​ത്ത്​ നാ​ല്​ സ്ഥ​ല​ത്ത്​ ക്രോ​സ്​ ചെ​യ്യും. നി​ര​വ​ധി സ്ഥ​ല​ത്ത്​ നി​ല​വി​ലെ റെ​യി​ൽ​വേ ലൈ​നു​ക​ളെ​യും മ​റി​ക​ട​ക്കു​ന്നു​ണ്ട്. വ​ന്യ​ജീ​വി സ​​ങ്കേ​ത​ങ്ങ​ളെ​യും ദേ​ശീ​യ പാ​ർ​ക്കു​ക​ളെ​യും ബാ​ധി​ക്കി​ല്ല. ജ​ലാ​ശ​യ​ങ്ങ​ളി​ലും വ​ലി​യ ആ​ഘാ​ത​മു​ണ്ടാ​ക്കി​ല്ല. പ​രി​സ്ഥി​തി​ലോ​ല പ്ര​ദേ​ശ​ങ്ങ​ളെ​യും പ​ര​മാ​വ​ധി ഒ​ഴി​വാ​ക്കി.