ഭക്ഷ്യ വിഷബാധയേറ്റ് നഴ്​സിന്‍റെ മരണം: ഹോട്ടല്‍ ഉടമ അറസ്റ്റിൽ

കോ​ട്ട​യം: ഭ​ക്ഷ്യ വി​ഷ​ബാ​ധ​യേ​റ്റ് കോ​ട്ട​യം മെ​ഡി​ക്ക​ൽ കോ​ള​ജി​ലെ സ്റ്റാ​ഫ്​ ന​ഴ്​​സ്​ മ​രി​ച്ച സം​ഭ​വ​ത്തി​ൽ ഹോ​ട്ട​ൽ ഉ​ട​മ അ​റ​സ്റ്റി​ൽ. സം​ക്രാ​ന്തി​യി​ലെ ഹോ​ട്ട​ൽ പാ​ർ​ക്കി​ന്‍റെ ഉ​ട​മ കാ​സ​ർ​കോ​ട്​​ കോ​യി​പ്പ​ടി കൊ​ടി​യ​മ്മ കോ​ള​റ​ങ്ങ​ള വീ​ട്ടി​ൽ ല​ത്തീ​ഫി​നെ​യാ​ണ്​ (37) ഗാ​ന്ധി​ന​ഗ​ർ പൊ​ലീ​സ്​ ക​ർ​ണാ​ട​ക ക​മ്മ​ന​ഹ​ള്ളി​യി​ൽ​നി​ന്ന്​ പി​ടി​കൂ​ടി​യ​ത്.

മെ​ഡി​ക്ക​ൽ കോ​ള​ജി​ലെ അ​സ്ഥി​രോ​ഗ വി​ഭാ​ഗം ന​ഴ്സി​ങ്​ ഓ​ഫി​സ​റും കോ​ട്ട​യം തി​രു​വാ​ർ​പ്പ് പ​ത്തി​ത്ത​റ രാ​ജു​വി​ന്‍റെ മ​ക​ളു​മാ​യ ര​ശ്മി രാ​ജ്​ (33) ക​ഴി​ഞ്ഞ ര​ണ്ടി​നാ​ണ്​ മ​രി​ച്ച​ത്. ഭ​ക്ഷ്യ വി​ഷ​ബാ​ധ​യെ തു​ട​ർ​ന്ന്​ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലി​രി​ക്കെ​യാ​യി​രു​ന്നു അ​ന്ത്യം.

ഇ​വ​രു​ടെ മ​ര​ണ​ത്തി​നു പി​ന്നാ​ലെ കേ​സ് ര​ജി​സ്റ്റ​ർ ചെ​യ്ത ഗാ​ന്ധി​ന​ഗ​ർ പൊ​ലീ​സ്, നേ​ര​ത്തേ ഹോ​ട്ട​ലി​ലെ ചീ​ഫ് കു​ക്കി​നെ അ​റ​സ്റ്റ്​ ചെ​യ്തി​രു​ന്നു. ഇ​തോ​ടെ ഒ​ളി​വി​ൽ പോ​യ ഹോ​ട്ട​ൽ ഉ​ട​മ​ക​ൾ​ക്ക് വേ​ണ്ടി ജി​ല്ല പൊ​ലീ​സ് മേ​ധാ​വി കെ. ​കാ​ർ​ത്തി​ക്കി​ന്‍റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പ​വ​ത്​​ക​രി​ച്ച് തി​ര​ച്ചി​ൽ ശ​ക്ത​മാ​ക്കി​യി​രു​ന്നു. ഇ​തി​നി​ടെ​യാ​ണ്​ ബം​ഗ​ളൂ​രു​വി​ന് അ​ടു​ത്ത് ക​മ്മ​ന​ഹ​ള്ളി​യി​ൽ​നി​ന്ന്​ ല​ത്തീ​ഫി​നെ പി​ടി​കൂ​ടി​യ​ത്. ഗാ​ന്ധി​ന​ഗ​ർ എ​സ്.​എ​ച്ച്.​ഒ കെ. ​ഷി​ജി, എ​സ്.​ഐ എം.​സി. പ​വ​ന​ൻ, സി.​പി.​ഒ​മാ​രാ​യ പ്ര​വി​നോ, സു​നി​ൽ, വി​ജ​യ​ലാ​ൽ, രാ​ഗേ​ഷ് എ​ന്നി​വ​രും അ​ന്വേ​ഷ​ണ​സം​ഘ​ത്തി​ലു​ണ്ടാ​യി. പ്ര​തി​യെ കോ​ട​തി​യി​ൽ ഹാ​ജ​രാ​ക്കി. മ​റ്റ്​ പ്ര​തി​ക​ൾ​ക്കാ​യി അ​ന്വേ​ഷ​ണം ന​ട​ത്തി​വ​രു​ക​യാ​ണെ​ന്നും പൊ​ലീ​സ് പ​റ​ഞ്ഞു.

ഭ​ക്ഷ്യ വി​ഷ​ബാ​ധ മൂ​ല​മാ​ണ്​ ര​ശ്മി രാ​ജി​ന്‍റെ മ​ര​ണ​മെ​ന്ന്​ ​രാ​സ​പ​രി​ശോ​ധ​ന ഫ​ല​ത്തി​ൽ സ്ഥി​രീ​ക​രി​ച്ചി​രു​ന്നു.