വ്യാജ നിയമനരേഖ; സ്കൂൾ മാനേജർക്കും അധ്യാപകർക്കും എതിരെ ക്രിമിനൽ നടപടിക്ക് ശിപാർശ

മ​ല​പ്പു​റം: ച​ട്ട​വി​രു​ദ്ധ നി​യ​മ​ന​വും വ്യാ​പ​ക ക്ര​മ​ക്കേ​ടും ക​ണ്ടെ​ത്തി​യ​തി​നെ തു​ട​ർ​ന്ന് മ​ല​പ്പു​റം ജി​ല്ല​യി​ലെ ക​രു​വാ​ര​കു​ണ്ട് ഡി.​എ​ൻ.​ഒ.​യു.​പി സ്കൂ​ൾ അ​ധ്യാ​പ​ക​ർ​ക്കും മാ​നേ​ജ​ർ​ക്കു​മെ​തി​രെ ക്രി​മി​ന​ൽ ന​ട​പ​ടി​ക്ക് വി​ദ്യാ​ഭ്യാ​സ​വ​കു​പ്പ് ശി​പാ​ർ​ശ.

മൂ​ന്ന് അ​ധ്യാ​പ​ക​രു​ടെ നി​യ​മ​ന​വു​മാ​യി ബ​ന്ധ​പ്പെ​ട്ടാ​ണ് മ​ല​പ്പു​റം വി​ദ്യാ​ഭ്യാ​സ ഉ​പ ഡ​യ​റ​ക്ട​ർ ഗു​രു​ത​ര ക്ര​മ​ക്കേ​ട് ക​ണ്ടെ​ത്തി​യ​ത്. അ​ധ്യാ​പ​ക​രാ​യ ഒ. ​സു​ലാ​ഫ, നി​ഷാ​ത്ത് സു​ൽ​ത്താ​ന, സി. ​റൈ​ഹാ​ന​ത്ത്, സ്കൂ​ൾ മാ​നേ​ജ​ർ എ​ൻ.​കെ. അ​ബ്ദു​റ​ഹ്മാ​ൻ എ​ന്നി​വ​ർ​ക്കെ​തി​രെ​യാ​ണ് അ​ന്വേ​ഷ​ണ റി​പ്പോ​ർ​ട്ട്. അ​ന​ധി​കൃ​ത നി​യ​മ​ന​ങ്ങ​ൾ​ക്ക് കൂ​ട്ടു​നി​ന്ന പ്ര​ധാ​നാ​ധ്യാ​പ​ക​നെ​തി​രെ​യും ന​ട​പ​ടി​ക്ക് ശി​പാ​ർ​ശ​യു​ണ്ട്. സ്കൂ​ളി​ൽ മു​ൻ​കാ​ല പ്രാ​ബ​ല്യ​ത്തോ​ടെ നി​യ​മ​നാം​ഗീ​കാ​രം വാ​ങ്ങു​ക​യും അ​തി​നാ​യി കൃ​ത്രി​മ​രേ​ഖ​ക​ൾ ച​മ​ക്കു​ക​യും ചെ​യ്തെ​ന്നാ​ണ് കേ​സ്. ‘ഏ​രി​യ ഇ​ന്റ​ൻ​സി​വ് പ്രോ​ഗ്രാം’ (എ.​ഐ.​പി) പ​ദ്ധ​തി പ്ര​കാ​രം അ​നു​വ​ദി​ച്ച സ്കൂ​ളാ​ണി​ത്. ഈ ​വി​ഭാ​ഗ​ത്തി​ൽ​പെ​ട്ട സ്കൂ​ളു​ക​ളി​ൽ 2003 മു​ത​ൽ ജോ​ലി​യി​ൽ പ്ര​വേ​ശി​ച്ച് നി​യ​മ​നാം​ഗീ​കാ​രം ല​ഭി​ക്കാ​തി​രു​ന്ന അ​ധ്യാ​പ​ക​ർ​ക്ക് 2015 ന​വം​ബ​ർ 11 മു​ത​ൽ സ​ർ​ക്കാ​ർ അം​ഗീ​കാ​രം ന​ൽ​കി​യി​രു​ന്നു. ഈ ​ഉ​ത്ത​ര​വ് ദു​രു​പ​യോ​ഗം ചെ​യ്തെ​ന്നാ​ണ് ക​ണ്ടെ​ത്ത​ൽ.

അം​ഗീ​കാ​രം ല​ഭി​ക്കാ​ത്ത കാ​ല​ത്ത് ജോ​ലി ചെ​യ്ത മ​റ്റ് അ​ധ്യാ​പ​ക​രു​ടെ രേ​ഖ​ക​ൾ തി​രു​ത്തി, സ്കൂ​ൾ മാ​നേ​ജ്മെ​ന്റി​ന്റെ ബ​ന്ധു​ക്ക​ൾ​ക്കു വേ​ണ്ടി മു​ൻ​കാ​ല പ്രാ​ബ​ല്യ​ത്തോ​ടെ രേ​ഖ​യു​ണ്ടാ​ക്കി ശ​മ്പ​ള​വും ആ​നു​കൂ​ല്യ​ങ്ങ​ളും ത​ട്ടി​യെ​ടു​ത്തെ​ന്നാ​ണ് അ​ന്വേ​ഷ​ണ​ത്തി​ൽ വ്യ​ക്ത​മാ​യി​രി​ക്കു​ന്ന​ത്. കു​റ്റ​ക്കാ​രാ​യ അ​ധ്യാ​പ​ക​ർ അ​ന​ധി​കൃ​ത​മാ​യി കൈ​പ്പ​റ്റി​യ ശ​മ്പ​ളം 18 ശ​ത​മാ​നം പി​ഴ​പ്പ​ലി​ശ സ​ഹി​തം ഈ​ടാ​ക്കി സ​ർ​ക്കാ​റി​ലേ​ക്ക് തി​രി​ച്ച​ട​ക്കാ​ൻ വ​ണ്ടൂ​ർ ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ർ ന​ട​പ​ടി സ്വീ​ക​രി​ക്ക​ണം.

ഒ​രു കോ​ടി​യോ​ളം രൂ​പ​യാ​ണ് ചെ​യ്യാ​ത്ത ജോ​ലി​യു​ടെ പേ​രി​ൽ എ​ട്ടു വ​ർ​ഷ​ത്തോ​ളം മൂ​ന്ന് അ​ധ്യാ​പ​ക​ർ ശ​മ്പ​ള​വും ആ​നു​കൂ​ല്യ​വു​മാ​യി കൈ​പ്പ​റ്റി​യ​തെ​ന്നാ​ണ് ക​ണ​ക്ക്. അ​ധ്യാ​പ​ക​ർ​ക്കെ​തി​രെ ക്രി​മി​ന​ൽ ന​ട​പ​ടി സ്വീ​ക​രി​ച്ച്, സ്കൂ​ൾ മാ​നേ​ജ​റു​ടെ അം​ഗീ​കാ​രം റ​ദ്ദാ​ക്കി വ​ണ്ടൂ​ർ ഉ​പ​ജി​ല്ല വി​ദ്യാ​ഭ്യാ​സ ഓ​ഫി​സ​ർ സ്കൂ​ളി​ന്റെ താ​ൽ​ക്കാ​ലി​ക ചു​മ​ത​ല ഏ​റ്റെ​ടു​ക്ക​ണം.

മാ​നേ​ജ​ർ​ക്കെ​തി​രെ​യും ക്രി​മി​ന​ൽ കേ​സി​ന് വി​ദ്യാ​ഭ്യാ​സ ഉ​പ ഡ​യ​റ​ക്ട​ർ ശി​പാ​ർ​ശ ചെ​യ്തു. പൊ​തു​വി​ദ്യാ​ഭ്യാ​സ ഡ​യ​റ​ക്ട​റു​ടെ നി​ർ​ദേ​ശ​പ്ര​കാ​ര​മാ​ണ് മ​ല​പ്പു​റം ഡി.​ഡി.​ഇ അ​​ന്വേ​ഷ​ണം ന​ട​ത്തി​യ​ത്. റി​പ്പോ​ർ​ട്ട് ഡി.​പി.​ഐ​യു​ടെ മേ​ശ​പ്പു​റ​ത്താ​ണു​ള്ള​ത്. വൈ​കാ​തെ സ​ർ​ക്കാ​റി​ന് സ​മ​ർ​പ്പി​ക്കു​മെ​ന്നാ​ണ് വി​വ​രം.

അ​​ന്വേ​ഷ​ണത്തിലെ ക​ണ്ടെ​ത്ത​ലു​ക​ൾ

• അ​ന​ധി​കൃ​ത നി​യ​മ​ന​ങ്ങ​ൾ ന​ട​ത്തി വ്യാ​ജ​നി​യ​മ​നാം​ഗീ​കാ​ര രേ​ഖ​ക​ൾ സ​ർ​ക്കാ​റി​ന് സ​മ​ർ​പ്പി​ച്ചു
• അ​ധ്യാ​പ​ക​രു​ടെ നി​യ​മ​ന തീ​യ​തി​യി​ൽ വൈ​രു​ധ്യം
• അ​ധ്യാ​പ​ക​രു​ടെ ഹാ​ജ​ർ​പ​ട്ടി​ക​യി​ൽ വ്യാ​പ​ക കൃ​ത്രി​മം
• വി​ദ്യാ​ർ​ഥി​ക​ളു​ടെ ഹാ​ജ​ർ​പ​ട്ടി​ക​യി​ലും അ​ധ്യാ​പ​ക​രു​ടെ ഒ​പ്പി​ൽ വൈ​രു​ധ്യം
• നി​യ​മ​നാം​ഗീ​കാ​ര രേ​ഖ പ്ര​കാ​രം മ​തി​യാ​യ യോ​ഗ്യ​ത​യി​ല്ല
• മ​റ്റാ​രോ ജോ​ലി ചെ​യ്ത രേ​ഖ​യി​ൽ കു​റ്റ​ക്കാ​രാ​യ അ​ധ്യാ​പ​ക​ർ ഒ​പ്പു​വെ​ച്ചു
• കു​റ്റ​ക്കാ​രാ​യ അ​ധ്യാ​പ​ക​ർ​ക്ക് വേ​ണ്ടി കൃ​ത്രി​മ ഹാ​ജ​ർ​പ​ട്ടി​ക
• കു​റ്റ​ക്കാ​രാ​യ അ​ധ്യാ​പ​ക​ർ ഇ​ര​ട്ട​ശ​മ്പ​ളം വാ​ങ്ങി