നവകേരള സദസ്സിൽ പങ്കെടുത്ത മുൻ ഡി.സി.സി പ്രസിഡന്റ് എ.വി. ഗോപിനാഥിന് സസ്പെൻഷൻ
text_fieldsഎ.വി. ഗോപിനാഥ് മുഖ്യമന്ത്രി പിണറായി വിജയനൊപ്പം
പാലക്കാട്: നവകേരള സദസ്സിൽ പങ്കെടുത്ത പാലക്കാട് ഡി.സി.സി മുൻ പ്രസിഡന്റ് എ.വി. ഗോപിനാഥിനെ സസ്പെൻഡ് ചെയ്തു. പെരിങ്ങോട്ടുകുറിശ്ശി പഞ്ചായത്ത് അംഗവും മുൻ എം.എൽ.എയും കൂടിയാണ് എ.വി. ഗോപിനാഥ്. നവകേരള സദസ്സിൽ പങ്കെടുത്ത ഇദ്ദേഹം മുഖ്യമന്ത്രിയെയും ഇടത് സർക്കാറിനെയും പുകഴ്ത്തുകയും ചെയ്തിരുന്നു.
നവകേരള സദസ്സിനെ ബഹിഷ്കരിച്ച് നേരത്തെ യു.ഡി.എഫ് തീരുമാനമെടുത്തിരുന്നു. സദസ്സിൽ പങ്കെടുക്കുന്ന നേതാക്കൾക്കെതിരെ നടപടിയുണ്ടാകുമെന്നും വ്യക്തമാക്കിയിരുന്നു. എ.വി. ഗോപിനാഥ് സദസ്സിൽ പങ്കെടുക്കുന്നത് തടയാൻ കോൺഗ്രസ് നേതൃത്വം ശ്രമിച്ചിരുന്നെങ്കിലും ശനിയാഴ്ച പാലക്കാട് രാമനാഥപുരത്തെ ഓഡിറ്റോറിയത്തിൽ നടന്ന പ്രഭാതയോഗത്തിൽ അദ്ദേഹം പങ്കെടുക്കുകയായിരുന്നു.
ജനങ്ങളുമായി സംവദിക്കാൻ മുഖ്യമന്ത്രി കാണിച്ച ഏറ്റവും തന്റേടമുള്ള നടപടിയെന്നാണ് നവകേരള സദസ്സിനെ എ.വി. ഗോപിനാഥ് വിശേഷിപ്പിച്ചത്. മുഖ്യമന്ത്രിയുടെ വികസനപരിപാടികൾക്ക് പിന്തുണയുണ്ടെന്നും തന്റെ രാഷ്ട്രീയ നിലപാട് പാർലമെന്റ് തെരഞ്ഞെടുപ്പ് സമയത്ത് വ്യക്തമാക്കുമെന്നും ഗോപിനാഥ് പറഞ്ഞിരുന്നു.
ഏറെക്കാലമായി കോൺഗ്രസുമായി ഇടഞ്ഞുനിൽക്കുകയാണ് ഗോപിനാഥ്. 2021ലെ ഡി.സി.സി അധ്യക്ഷ നിയമനവുമായി ബന്ധപ്പെട്ടാണ് ഇദ്ദേഹം പാർട്ടിയുമായി അകന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.