വ്യാജ രേഖ: സെൻകുമാറിനെതിരായ കേസ്​ ഹൈകോടതി റദ്ദാക്കി

​െകാച്ചി: വ്യാജ മെഡിക്കല്‍ രേഖയുണ്ടാക്കി അവധി ആനുകൂല്യങ്ങള്‍ നേടിയതുമായി ബന്ധപ്പെട്ട്​​ മുന്‍ ഡി.ജി.പി ടി.പി. സെന്‍കുമാറിനെതിരെ രജിസ്​റ്റർ ചെയ്​ത കേസ്​ ഹൈകോടതി റദ്ദാക്കി. തിരുവനന്തപുരം മ്യൂസിയം പൊലീസ് രജിസ്​റ്റര്‍ ചെയ്ത കേസ് സെന്‍കുമാറി​​​​െൻറ ഹരജി പരിഗണിച്ചാണ്​​ സിംഗിൾബെഞ്ച്​ റദ്ദാക്കിയത്​. 

കേസെടുത്ത നടപടിയിൽ ക്രിമിനല്‍ നടപടി ചട്ടത്തിലെ 154ാം വകുപ്പി​​​​െൻറ ലംഘനമുണ്ടാ​െയന്നും ഇത് നിയമവിരുദ്ധമാണെന്നും വിലയിരുത്തിയാണ്​ ഉത്തരവ്​.അവധിയിലായിരുന്ന എട്ടു മാസ കാലയളവിലെ ശമ്പളം ലഭിക്കാന്‍ മെഡിക്കല്‍ സര്‍ട്ടിഫിക്കറ്റുകളടക്കം സെൻകുമാർ വ്യാജമായി നിർമിച്ചെന്നാരോപിച്ച്​ തിരുവനന്തപുരം കോര്‍പറേഷൻ മുന്‍ കൗണ്‍സിലര്‍ എ.ജെ. സുക്കാർണോ നല്‍കിയ പരാതിയിൽ കേസ് എടുത്ത് അന്വേഷിക്കാന്‍ ചീഫ് സെക്രട്ടറി ഡി.ജി.പിക്ക് നിര്‍ദേശം നല്‍കുകയായിരുന്നു. തുടർന്നാണ്​ മ്യൂസിയം പൊലീസ്​ കേ​സ്​ ​രജിസ്​റ്റർ ചെയ്​തത്​. 

കേസ്​ നിലനിൽക്കുന്നതല്ലെന്നായിരുന്നു സെൻകുമാറി​​​​െൻറ വാദം. നിര്‍ദേശങ്ങള്‍ നല്‍കാന്‍ അധികാരമില്ലാത്ത ഉന്നതരുടെ നിര്‍ബന്ധം മൂലം സ്​റ്റേഷന്‍ ഹൗസ് ഓഫിസര്‍ (എസ്.എച്ച്​.ഒ) കേസെടുക്കുകയായിരുന്നുവെന്ന്​ കോടതി ഉത്തരവിൽ പറയുന്നു. പൊലീസ് മേധാവി വഴി ചീഫ്‌ സെക്രട്ടറി നല്‍കിയ നിര്‍ദേശം നിയമവിരുദ്ധമാണ്. പരാതി പൊലീസിന് കൈമാറുമ്പോള്‍ അതില്‍ എന്തെങ്കിലും കുറ്റകൃത്യത്തെ കുറിച്ച പരാമര്‍ശമുണ്ടായിരുന്നില്ല. ഇതെല്ലാം പരിഗണിക്കുമ്പോള്‍ കേസ് നിലനിൽക്കുന്നതല്ലെന്ന്​ വ്യക്​തമാക്കിയാണു കോടതി കേസ്​ റദ്ദാക്കിയത്​. 

സെന്‍കുമാര്‍ കേരള ട്രാന്‍സ്പോര്‍ട്ട്​​ ഡെവലപ്​മ​​​െൻറ്​ ഫിനാന്‍സ് കോര്‍പറേഷന്‍ (കെ.ടി.ഡി.എഫ്​.സി) എം.ഡിയായിരിക്കെ വായ്പ നല്‍കിയതില്‍ ക്രമക്കേടുണ്ടെന്ന സുകാർണോയുടെ പരാതിയിൽ തിരുവനന്തപുരം വിജിലന്‍സ് കോടതി പുറപ്പെടുവിച്ച അന്വേഷണ ഉത്തരവ്​ നേര​േത്ത കോടതി റദ്ദാക്കിയിരുന്നു.

സെന്‍കുമാറിന് എതിരായ ശക്​തികളുടെ കൈയിലെ ഉപകരണം മാത്രമാണ് സുകാര്‍ണോയെന്നും ഗൂഢലക്ഷ്യത്തോടെയാണ് പ്രവർത്തനമെന്നുമുള്ള കോടതിയുടെ അന്നത്തെ നിരീക്ഷണം പുതിയ ഉത്തരവിൽ ആവർത്തിച്ചിട്ടുണ്ട്​. ആദ്യ കേസിലെ വിധി ശരിവെച്ച സുപ്രീംകോടതി സുക്കാര്‍ണോക്ക് 25,000 രൂപ പിഴയിട്ട കാര്യവും ഉത്തരവിൽ പരാമർശിച്ചിട്ടുണ്ട്​.