‘മന്ത്രി മുഖ്യന്‍റെ’ ഓർമക്ക്​ ഇന്ന്​ അറുപതാണ്ട്​

കോ​ട്ട​യം: മു​ൻ മ​ന്ത്രി​യും കോ​ൺ​ഗ്ര​സ്​ നേ​താ​വു​മാ​യി​രു​ന്ന പി.​ടി. ചാ​ക്കോ അ​ന്ത​രി​ച്ചി​ട്ട്​ ആ​ഗ​സ്റ്റ്​ ഒ​ന്നി​ന്​ അ​റു​പ​തു​വ​ർ​ഷം. രാ​വി​ലെ കോ​ട്ട​യം ന​ഗ​ര​ത്തി​ലെ ചാ​ക്കോ​യു​ടെ പ്ര​തി​മ​യി​ൽ പു​ഷ്പാ​ർ​ച്ച​ന ഉ​ൾ​പ്പെ​ടെ ച​ട​ങ്ങു​ക​ൾ ന​ട​ക്കും. കോ​ട്ട​യ​ത്തു​കാ​ർ​ക്ക്​ ഒ​രി​ക്ക​ലും മ​റ​ക്കാ​നാ​കാ​ത്ത ജ​ന​കീ​യ നേ​താ​വാ​യി​രു​ന്നു മാ​ധ്യ​മ​ങ്ങ​ൾ പ​ല​പ്പോ​ഴും ‘മ​ന്ത്രി മു​ഖ്യ​ൻ’ എ​ന്ന്​ വി​ശേ​ഷി​പ്പി​ച്ചി​രു​ന്ന പി.​ടി. ചാ​ക്കോ. 1915 ഏ​പ്രി​ൽ ഒ​മ്പ​തി​ന്​ വാ​ഴൂ​രി​ൽ ജ​നി​ച്ച അ​ദ്ദേ​ഹം ക്വി​റ്റ് ഇ​ന്ത്യ സ​മ​ര​ത്തി​ൽ പ​​ങ്കെ​ടു​ത്ത​തി​ന്​ അ​റ​സ്റ്റി​ലാ​വു​ക​യും 14 മാ​സം ജ​യി​ലി​ൽ ക​ഴി​യു​ക​യും ചെ​യ്തു. ദി​വാ​ൻ സ​ർ സി.​പി. രാ​മ​സ്വാ​മി അ​യ്യ​രു​ടെ വി​ദ്യാ​ഭ്യാ​സ ന​യ​ത്തി​നെ​തി​രെ പ്ര​തി​ക​രി​ച്ച​തി​ന്​ ആ​റു​മാ​സം ത​ട​വി​ലാ​വു​ക​യും ചെ​യ്തു.

1964 ഫെ​ബ്രു​വ​രി​യി​ൽ കോ​ൺ​ഗ്ര​സി​ലു​ണ്ടാ​യ ചി​ല അ​ഭി​പ്രാ​യ വ്യ​ത്യാ​സ​ങ്ങ​ളെ​ത്തു​ട​ർ​ന്ന്​ മ​ന്ത്രി​സ്ഥാ​നം രാ​ജി​വെ​ച്ച ചാ​ക്കോ അ​ഭി​ഭാ​ഷ​ക​വൃ​ത്തി​യി​ൽ ശ്ര​ദ്ധ​കേ​ന്ദ്രീ​ക​രി​ക്കു​ന്ന​തി​നി​ടെ കോ​ഴി​ക്കോ​ട് കു​റ്റ്യാ​ടി​ക്ക് സ​മീ​പം ഒ​രു കൊ​ല​ക്കേ​സി​ന്റെ സ്ഥ​ലം കാ​ണാ​ൻ പോ​യ​പ്പോ​ൾ അ​വി​ടെ വ​ച്ച് മ​ര​ണ​മ​ട​യു​ക​യാ​യി​രു​ന്നു. 49ാം വ​യ​സ്സി​ൽ മ​ര​ണ​മ​ട​യു​മ്പോ​ഴും മൂ​ന്ന്​ ദ​ശാ​ബ്ദം നീ​ണ്ട രാ​ഷ്ട്രീ​യ പ്ര​വ​ർ​ത്ത​ന​ത്തി​ൽ ത​ന്‍റേ​താ​യ പേ​ര്​ ച​രി​ത്ര​ത്തി​ൽ രേ​ഖ​പ്പെ​ടു​ത്തി​യാ​ണ്​ അ​ദ്ദേ​ഹം മ​ട​ങ്ങി​യ​ത്. ഇ​ന്നും കോ​ട്ട​യ​ത്തി​ന്‍റെ അ​ട​യാ​ള​മാ​യി പി.​ടി. ചാ​ക്കോ​യു​ടെ പ്ര​തി​മ ശേ​ഷി​ക്കു​ന്നു​ണ്ടെ​ങ്കി​ൽ അ​ത്​ ജ​ന​മ​ന​സ്സി​ൽ അ​ദ്ദേ​ഹം നേ​ടി​യ സ്ഥാ​നം വ്യ​ക്ത​മാ​ക്കു​ന്നു. സ്റ്റേ​റ്റ് കോ​ൺ​ഗ്ര​സി​ൽ അം​ഗ​മാ​യി ത​ന്‍റെ രാ​ഷ്ട്രീ​യ ജീ​വി​തം തു​ട​ങ്ങി​യ ചാ​ക്കോ കോ​ട്ട​യം ഡി.​സി.​സി പ്ര​സി​ഡ​ന്‍റ്, തി​രു​വി​താം​കൂ​ർ അ​സം​ബ്ലി, ഇ​ന്ത്യ​ൻ ഭ​ര​ണ​ഘ​ട​ന നി​ർ​മാ​ണ സ​മി​തി, ഒ​ന്നാം ലോ​ക്സ​ഭ അം​ഗം എ​ന്നീ നി​ല​ക​ളി​ൽ പ്ര​വ​ർ​ത്തി​ച്ചു.

ഇ.​എം.​എ​സ്. ന​മ്പൂ​തി​രി​പ്പാ​ടി​ന്‍റെ നേ​തൃ​ത്വ​ത്തി​ൽ ആ​ദ്യ​ത്തെ ക​മ്യൂ​ണി​സ്റ്റ്​ മ​ന്ത്രി​സ​ഭ അ​ധി​കാ​ര​ത്തി​ൽ വ​രു​മ്പോ​ൾ പ്ര​തി​പ​ക്ഷ നേ​താ​വു​മാ​യി​രു​ന്നു അ​ദ്ദേ​ഹം. വി​മോ​ച​ന​സ​മ​രം ആ​സൂ​ത്ര​ണം ചെ​യ്യു​ന്ന​തി​ലും ന​ട​പ്പാ​ക്കു​ന്ന​തി​ലും നേ​തൃ​ത്വം ന​ൽ​കി. 1960ൽ ​പ​ട്ടം താ​ണു​പി​ള്ള​യു​ടെ നേ​തൃ​ത്വ​ത്തി​ൽ കൂ​ട്ടു​മ​ന്ത്രി​സ​ഭ അ​ധി​കാ​ര​ത്തി​​ലെ​ത്തി​യ​പ്പോ​ൾ ആ​ഭ്യ​ന്ത​ര മ​ന്ത്രി​യാ​യി. എ​ന്നാ​ൽ, 1964 ഫെ​ബ്രു​വ​രി​യി​ൽ അ​ദ്ദേ​ഹം രാ​ജി​വെ​ച്ചു.

ജ​ന​ങ്ങ​ളു​ടെ ആ​വ​ശ്യ​ങ്ങ​ൾ ക​ണ്ട​റി​ഞ്ഞ് അ​വ​ർ​ക്കു​വേ​ണ്ടി പ്ര​വ​ർ​ത്തി​ക്കു​ക എ​ന്ന​താ​യി​രു​ന്നു പി.​ടി. ചാ​ക്കോ​യു​ടെ പ്ര​വ​ർ​ത്ത​ന​രീ​തി​യെ​ന്ന്​ മ​ക​നും മു​ൻ എം.​പി​യു​മാ​യ പി.​സി. തോ​മ​സ്​ അ​നു​സ്മ​രി​ച്ചു. ത​ന്‍റെ പാ​ർ​ട്ടി​യി​ൽ​പെ​ട്ട​വ​രും അ​ല്ലാ​ത്ത​വ​രു​മാ​യി വ​ലി​യൊ​രു ജ​ന​വി​ഭാ​ഗം അ​ദ്ദേ​ഹ​ത്തെ താ​ൽ​പ​ര്യ​ത്തോ​ടെ​യാ​ണ് ക​ണ്ട​ത്. ഒ​രു​പ​ക്ഷേ കൂ​ടു​ത​ൽ നാ​ൾ അ​ദ്ദേ​ഹം ജീ​വി​ച്ചി​രു​ന്നെ​ങ്കി​ൽ കേ​ര​ള​ത്തി​നും രാ​ഷ്ട്ര​ത്തി​നും ഏ​റെ ഗു​ണ​ക​ര​മാ​യി​രു​ന്നു എ​ന്ന് പ​ല​രും ത​ന്നോ​ട്​ പ​റ​ഞ്ഞി​ട്ടു​ണ്ടെ​ന്നും അ​​ദ്ദേ​ഹം കൂ​ട്ടി​ച്ചേ​ർ​ത്തു.