നാലു വർഷ ബിരുദം: പരീക്ഷയിൽ കൂട്ടക്കുഴപ്പം

തേ​ഞ്ഞി​പ്പ​ലം: കാ​ലി​ക്ക​റ്റ് സ​ർ​വ​ക​ലാ​ശാ​ല​യി​ലെ നാ​ലു വ​ർ​ഷ ബി​രു​ദ പ​ദ്ധ​തി​യു​ടെ തു​ട​ക്ക​ത്തി​ൽ​ത​ന്നെ പ​രീ​ക്ഷ​യി​ൽ കൂ​ട്ട​ക്കു​ഴ​പ്പം. ച​രി​ത്ര​പ​ഠ​ന​ത്തി​ൽ സ​ർ​വ​ക​ലാ​ശാ​ല മ​റ്റു വി​ദ്യാ​ർ​ഥി​ക​ൾ​ക്കാ​യി മൈ​ന​റി​ൽ ല​ഭ്യ​മാ​ക്കു​ന്ന ഇ​ൻ​ട്രൊ​ഡ​ക്ഷ​ൻ ടു ​ഹി​സ്റ്റോ​റി​ക്ക​ൽ ടൂ​റി​സം, എം.​ഡി.​സി വി​ഭാ​ഗ​ത്തി​ലു​ള്ള ഹി​സ്റ്റോ​റി​ക്ക​ൽ ടൂ​റി​സം ഇ​ൻ ഇ​ന്ത്യ വി​ഷ​യ​ങ്ങ​ളി​ലു​ള്ള ആ​ദ്യ സെ​മ​സ്റ്റ​ർ പ​രീ​ക്ഷ​യി​ൽ ചോ​ദ്യ​ങ്ങ​ൾ മി​ക്ക​വ​യും വ​ന്ന​ത് സി​ല​ബ​സി​ന് പു​റ​ത്തു​നി​ന്നാ​ണെ​ന്ന് ആ​ക്ഷേ​പ​മു​യ​ർ​ന്നു. കു​റെ വി​ദ്യാ​ർ​ഥി​ക​ൾ തി​ര​ഞ്ഞെ​ടു​ത്ത വി​ഷ​യ​ങ്ങ​ളി​ലെ പ​രീ​ക്ഷ​ക​ളി​ലാ​ണി​ത്. ക​ഴി​ഞ്ഞ മാ​സം 28നാ​യി​രു​ന്നു ഇ​ൻ​ട്രൊ​ഡ​ക്ഷ​ൻ ടു ​ഹി​സ്റ്റോ​റി​ക്ക​ൽ ടൂ​റി​സം പ​രീ​ക്ഷ. ഇ​തി​ൽ ഒ​രു​പാ​ട് ചോ​ദ്യ​ങ്ങ​ൾ സി​ല​ബ​സി​ന് പു​റ​ത്തു​നി​ന്നാ​ണ് വ​ന്ന​ത്. മൈ​ന​ർ സി​ല​ബ​സ് പ്ര​കാ​ര​മു​ള്ള മ​റ്റൊ​രു പ​രീ​ക്ഷ ക​ഴി​ഞ്ഞ തി​ങ്ക​ളാ​ഴ്ച​യാ​യി​രു​ന്നു. ഇ​തി​ലും പ്ര​ധാ​ന ചോ​ദ്യ​ങ്ങ​ളെ​ല്ലാം സി​ല​ബ​സി​ന് പു​റ​ത്തു​നി​ന്നു​ള്ള​വ​യാ​യി​രു​ന്നു.

വ്യാ​ഴാ​ഴ്ച ന​ട​ന്ന എം.​ഡി.​സി പ​രീ​ക്ഷ​യി​ലും 95 ശ​ത​മാ​നം ചോ​ദ്യ​ങ്ങ​ളും വ​ന്ന​തും സി​ല​ബ​സി​ന് പു​റ​ത്തു​നി​ന്നാ​ണ്. ക​ഴി​ഞ്ഞ മാ​സം 28ന് ​ന​ട​ന്ന പ​രീ​ക്ഷ​യി​ലെ മൂ​ന്നു മാ​ർ​ക്കി​ന്റെ ഒ​ന്നു മു​ത​ൽ 10 വ​രെ​യു​ള്ള ചോ​ദ്യ​ങ്ങ​ൾ അ​തേ പ​ടി വ്യാ​ഴാ​ഴ്ച​യി​ലെ പ​രീ​ക്ഷ​യി​ലും ആ​വ​ർ​ത്തി​ച്ചു.

ഇ​തോ​ടെ വി​ദ്യാ​ർ​ഥി​ക​ളും അ​ധ്യാ​പ​ക​രും ആ​ശ​ങ്ക​യി​ലാ​യി. ഒ​രാ​ൾ ത​ന്നെ ത​യാ​റാ​ക്കി​യ ചോ​ദ്യ​ങ്ങ​ളാ​ണ് ര​ണ്ടു പ​രീ​ക്ഷ​ക​ൾ​ക്കും സ​മാ​ന രീ​തി​യി​ൽ ന​ൽ​കി​യ​തെ​ന്നാ​ണ് സം​ശ​യം. അ​ധ്യാ​പ​ക​ർ ത​യാ​റാ​ക്കി​യ ചോ​ദ്യാ​വ​ലി​യി​ൽ നി​ന്നു​ള്ള ചോ​ദ്യ​ങ്ങ​ൾ ന​ൽ​കാ​തി​രു​ന്ന​ത് പ്ര​തി​ഷേ​ധ​ത്തി​നി​ട​യാ​ക്കി​യി​ട്ടു​ണ്ട്.