കരിപ്പൂർ വിമാനദുരന്തത്തിന് നാലാണ്ട്; റൺവേയിൽ കയറാതെ സഹായധന പ്രഖ്യാപനം

കൊ​ണ്ടോ​ട്ടി: കോ​വി​ഡ് കാ​ല​ത്ത് നാ​ടി​നെ ന​ടു​ക്കി ക​രി​പ്പൂ​ർ വി​മാ​ന​ത്താ​വ​ള​ത്തി​ലു​ണ്ടാ​യ ദു​ര​ന്ത​ത്തി​ന് നാ​ല് വ​ര്‍ഷ​മാ​കു​മ്പോ​ഴും കേ​ന്ദ്ര സ​ര്‍ക്കാ​ര്‍ പ്ര​ഖ്യാ​പി​ച്ച സ​ഹാ​യം പൂ​ർ​ണാ​ര്‍ഥ​ത്തി​ല്‍ ല​ഭ്യ​മാ​കാ​തെ മ​രി​ച്ച​വ​രു​ടെ ആ​ശ്രി​ത​രും പ​രി​ക്കേ​റ്റ​വ​രും.

നി​യ​ന്ത്ര​ണം ന​ഷ്ട​മാ​യ എ​യ​ര്‍ ഇ​ന്ത്യ എ​ക്‌​സ്പ്ര​സ് വി​മാ​നം റ​ൺ​വേ​യി​ല്‍നി​ന്ന് താ​ഴേ​ക്ക് പ​തി​ച്ചു​ണ്ടാ​യ ദു​ര​ന്ത​ത്തി​ല്‍ 21 പേ​ര്‍ മ​രി​ക്കു​ക​യും 169 പേ​ര്‍ക്ക് പ​രി​ക്കേ​ല്‍ക്കു​ക​യും ചെ​യ്തി​രു​ന്നു. ഇ​വ​ര്‍ക്ക് കേ​ന്ദ്ര​സ​ര്‍ക്കാ​ര്‍ പ്ര​ഖ്യാ​പി​ച്ച ധ​ന​സ​ഹാ​യം വി​മാ​ന​ക്ക​മ്പ​നി ന​ല്‍കി​യ ന​ഷ്ട​പ​രി​ഹാ​ര​ത്തി​ല്‍ മു​ങ്ങി​പ്പോ​യെ​ന്ന പ​രാ​തി പ​രി​ഹാ​ര​മി​ല്ലാ​തെ തു​ട​രു​ക​യാ​ണ്.

2020 ആ​ഗ​സ്റ്റ് ഏ​ഴി​നാ​യി​രു​ന്നു ദു​ര​ന്തം. കോ​വി​ഡ് കാ​ല​ത്ത് കേ​ന്ദ്ര സ​ര്‍ക്കാ​ര്‍ പ്ര​ഖ്യാ​പി​ച്ച വ​ന്ദേ ഭാ​ര​ത് മി​ഷ​ന്റെ ഭാ​ഗ​മാ​യി ജീ​വ​ന​ക്കാ​രു​ള്‍പ്പെ​ടെ 190 പേ​രു​മാ​യി ദു​ബൈ​യി​ല്‍നി​ന്നെ​ത്തി​യ വി​മാ​നം ലാ​ന്‍ഡി​ങ്ങി​നി​ടെ 100 മീ​റ്റ​റോ​ളം താ​ഴേ​ക്ക് പ​തി​ക്കു​ക​യാ​യി​രു​ന്നു.

ര​ണ്ടു പൈ​ല​റ്റു​മാ​രും 19 യാ​ത്ര​ക്കാ​രു​മാ​ണ് മ​രി​ച്ച​ത്. കോ​വി​ഡ് ഭീ​ഷ​ണി വ​ക​വെ​ക്കാ​തെ സ്ഥ​ല​ത്തെ​ത്തി​യ നാ​ട്ടു​കാ​രു​ടെ നേ​തൃ​ത്വ​ത്തി​ല്‍ ന​ട​ത്തി​യ ര​ക്ഷാ​പ്ര​വ​ര്‍ത്ത​ന​ങ്ങ​ളാ​ണ് മ​ര​ണ​സം​ഖ്യ കു​റ​ച്ച​ത്.

മ​രി​ച്ച​വ​രു​ടെ ആ​ശ്രി​ത​ര്‍ക്ക് 10 ല​ക്ഷം രൂ​പ​യും മാ​ര​ക പ​രി​ക്കു​ള്ള​വ​ര്‍ക്ക് ര​ണ്ട് ല​ക്ഷം രൂ​പ​യും മ​റ്റ് പ​രി​ക്കു​ക​ളു​ള്ള​വ​ര്‍ക്ക് 50,000 രൂ​പ​യു​മാ​ണ് അ​പ​ക​ട​മു​ണ്ടാ​യ ഉ​ട​ന്‍ കേ​ന്ദ്ര സ​ര്‍ക്കാ​ര്‍ പ്ര​ഖ്യാ​പി​ച്ച​ത്. ഈ ​വി​ഭാ​ഗ​ത്തി​ലു​ള്ള​വ​ര്‍ക്ക് വി​മാ​ന​ക്ക​മ്പ​നി​ത​ന്നെ ആ​ദ്യ ഘ​ട്ട​ത്തി​ല്‍ സ​ഹാ​യ​ധ​നം ന​ല്‍കി​യി​രു​ന്നു. ആ​ദ്യ​ഘ​ട്ട​മാ​യി ന​ല്‍കി​യ തു​ക കു​റ​ച്ചാ​ണ് പി​ന്നീ​ട് വി​മാ​ന​ക്ക​മ്പ​നി ഓ​രോ​രു​ത്ത​ര്‍ക്കു​മു​ള്ള ന​ഷ്ട​പ​രി​ഹാ​ര​ത്തു​ക ക​ണ​ക്കാ​ക്കി​യ​ത്. ഇ​തോ​ടെ കേ​ന്ദ്രം പ്ര​ഖ്യാ​പി​ച്ച സ​ഹാ​യ​ധ​നം ല​ഭി​ച്ചി​ല്ല.

ന​ട്ടെ​ല്ലി​ന് പ​രി​ക്കേ​റ്റ് അ​ര​ക്കു താ​ഴെ ത​ള​ര്‍ന്ന സ്ത്രീ​ക​ളു​ള്‍പ്പെ​ടെ​യു​ള്ള​വ​ര്‍ ദു​ര​ന്ത​ത്തി​ന്റെ ജീ​വി​ക്കു​ന്ന ര​ക്ത​സാ​ക്ഷി​ക​ളാ​യി ചി​കി​ത്സ​യി​ല്‍ തു​ട​രു​ക​യാ​ണ്. വി​മാ​ന​ക്ക​മ്പ​നി ന​ല്‍കി​യ ന​ഷ്ട​പ​രി​ഹാ​ര​ത്തു​ക ഉ​പ​യോ​ഗി​ച്ചും സ്വ​ന്തം ചെ​ല​വി​ലു​മാ​ണ് പ​ല​രും ചി​കി​ത്സ തു​ട​രു​ന്ന​ത്.

പു​ന​രാ​രം​ഭി​ക്കാ​തെ വ​ലി​യ സ​ർ​വി​സു​ക​ള്‍

കൊ​ണ്ടോ​ട്ടി: വി​മാ​ന​ദു​ര​ന്ത​ശേ​ഷം നി​ർ​ത്തി​യ ക​രി​പ്പൂ​ർ വ​ഴി​യു​ള്ള വ​ലി​യ വി​മാ​ന സ​ർ​വി​സു​ക​ള്‍ ഇ​നി​യും പു​ന​രാ​രം​ഭി​ച്ചി​ല്ല. ടേ​ബ്ള്‍ ടോ​പ് മാ​തൃ​ക​യി​ലു​ള്ള റ​ൺ​വേ​യു​ടെ സു​ര​ക്ഷ വ​ര്‍ധി​പ്പി​ക്കാ​നു​ള്ള പ്ര​വൃ​ത്തി​ക​ള്‍ നീ​ളു​ന്ന​താ​ണ് തി​രി​ച്ച​ടി​യാ​കു​ന്ന​ത്.

2015ല്‍ ​റ​ണ്‍വേ റീ​കാ​ർ​പ​റ്റി​ങ്ങി​ന്റെ ഭാ​ഗ​മാ​യി റ​ദ്ദാ​ക്കി​യ വ​ലി​യ വി​മാ​ന സ​ർ​വീ​സ് പു​ന​രാ​രം​ഭി​ക്കാ​നി​രി​ക്കെ​യാ​യി​രു​ന്നു 2020 ആ​ഗ​സ്റ്റ് ഏ​ഴി​ന് ദു​ര​ന്ത​മു​ണ്ടാ​യ​ത്. ഇ​തോ​ടെ കേ​ന്ദ്ര വ്യോ​മ​യാ​ന മ​ന്ത്രാ​ല​യം അ​നു​മ​തി റ​ദ്ദാ​ക്കി. പൈ​ല​റ്റി​നു സം​ഭ​വി​ച്ച വീ​ഴ്ച​യാ​ണ് ദു​ര​ന്ത​കാ​ര​ണ​മാ​യി ക​ണ്ടെ​ത്തി​യി​രു​ന്ന​ത്. റ​ണ്‍വേ സം​ബ​ന്ധി​ച്ചു​ള്ള പ്ര​ശ്ന​ങ്ങ​ളൊ​ന്നും റി​പ്പോ​ര്‍ട്ടി​ല്‍ പ​രാ​മ​ര്‍ശി​ച്ചി​രു​ന്നി​ല്ല. എ​ന്നാ​ല്‍, പി​ന്നീ​ട് രൂ​പ​വ​ത്ക​രി​ച്ച വി​ദ​ഗ്ധ സ​മി​തി റ​ണ്‍വേ​യി​ല്‍ കൂ​ടു​ത​ല്‍ സു​ര​ക്ഷാ​ക്ര​മീ​ക​ര​ണ​ങ്ങ​ള്‍ ഒ​രു​ക്കാ​ന്‍ ശി​പാ​ര്‍ശ ചെ​യ്യു​ക​യാ​യി​രു​ന്നു.

റ​ൺ​വേ​യു​ടെ ഇ​രു ഭാ​ഗ​ങ്ങ​ളി​ലു​മു​ള്ള സു​ര​ക്ഷാ​മേ​ഖ​ല (റെ​സ) 90 മീ​റ്റ​റി​ല്‍നി​ന്ന് 240 മീ​റ്റ​റാ​യി ഉ​യ​ര്‍ത്താ​നാ​യി​രു​ന്നു നി​ർ​ദേ​ശം. ഇ​തി​നാ​യി 12.506 ഏ​ക്ക​ര്‍ ഭൂ​മി പ​ള്ളി​ക്ക​ല്‍, നെ​ടി​യി​രു​പ്പ് വി​ല്ലേ​ജു​ക​ളി​ല്‍നി​ന്നാ​യി ഏ​റ്റെ​ടു​ത്ത് സം​സ്ഥാ​ന സ​ര്‍ക്കാ​ര്‍ ക​ഴി​ഞ്ഞ ഒ​ക്ടോ​ബ​ര്‍ 19ന് ​വി​മാ​ന​ത്താ​വ​ള അ​തോ​റി​റ്റി​ക്ക് കൈ​മാ​റി​യി​രു​ന്നു. ഭൂ​മി ല​ഭ്യ​മാ​ക്കി ഒ​രു വ​ര്‍ഷം തി​ക​യാ​നി​രി​ക്കെ സ്ഥ​ല​ത്തെ കെ​ട്ടി​ട​ങ്ങ​ളും മ​ര​ങ്ങ​ളും നീ​ക്കി നി​ര​പ്പാ​ക്കു​ന്ന പ്ര​വൃ​ത്തി​ക​ളാ​ണ് പു​രോ​ഗ​മി​ക്കു​ന്ന​ത്.