കെ.എസ്​.ഇ.ബിയുടെ പേരിൽ വ്യാജ സന്ദേശമയച്ച്​ തട്ടിപ്പ്​ വ്യാപകം

കൊ​ച്ചി: കെ.​എ​സ്.​ഇ.​ബി​യു​ടെ പേ​രി​ൽ വ്യാ​ജ സ​ന്ദേ​ശ​മ​യ​ച്ച്​ ത​ട്ടി​പ്പ്​ ന​ട​ത്തു​ന്ന സം​ഭ​വം വ്യാ​പ​ക​മാ​കു​ന്നു. കൊ​ച്ചി ക​ട​വ​ന്ത്ര സ്വ​ദേ​ശി​യു​ടെ 7.95 ല​ക്ഷം രൂ​പ​യാ​ണ്​ ഇ​ത്ത​ര​ത്തി​ൽ ക​ഴി​ഞ്ഞ ദി​വ​സം ന​ഷ്ട​മാ​യ​ത്. കൊ​ച്ചി സി​റ്റി സൈ​ബ​ർ ​പൊ​ലീ​സ്​ ഇ​തു​സം​ബ​ന്ധി​ച്ച്​ കേ​​സെ​ടു​ത്തു.

ഏ​പ്ര​ൽ 18ന്​ ​ഫോ​ണി​ലേ​ക്ക്​ വ്യാ​ജ സ​ന്ദേ​ശം വ​ന്ന​തോ​ടെ​യാ​ണ്​ ത​ട്ടി​പ്പി​ന്​ തു​ട​ക്കം. വൈ​ദ്യു​തി ബി​ൽ കു​ടി​ശ്ശി​ക അ​ട​ക്കാ​നു​ണ്ടെ​ന്നും വൈ​കീ​ട്ട്​ വൈ​ദ്യു​തി വി​​ച്ഛേ​ദി​ക്കു​മെ​ന്നും സ​ന്ദേ​ശം ല​ഭി​ച്ച​തി​നെ തു​ട​ർ​ന്ന്​ സ​ന്ദേ​ശ​ത്തി​ൽ പ​റ​ഞ്ഞ ന​മ്പ​റി​ലേ​ക്ക്​ ഇ​യാ​ൾ വി​ളി​ച്ചു. കെ.​എ​സ്.​ഇ.​ബി ഓ​ഫി​സ​ർ എ​ന്ന്​ പ​രി​ച​യ​പ്പെ​ടു​ത്തി​യ ത​ട്ടി​പ്പു​കാ​ര​ൻ ഉ​ട​ൻ സ്മാ​ർ​ട്ട്​ ഫോ​ണി​ൽ ക്വി​ക്​ സ​പ്പോ​ർ​ട്ട്​ സ്ക്രീ​ൻ​ ഷെ​യ​റി​ങ്​ ആ​പ്​ ഇ​ൻ​സ്റ്റാ​ൾ ചെ​യ്യാ​ൻ ആ​വ​ശ്യ​പ്പെ​ട്ടു. തു​ട​ർ​ന്ന്​ ഈ ​ആ​പ്​ വ​ഴി ഇ​ല​ക്​​ട്രി​സി​റ്റി ബി​ൽ അ​ട​ക്കാ​ൻ നി​ർ​ദേ​ശി​ച്ചു.

ഇ​ത​നു​സ​രി​ച്ച്​ ബി​ൽ അ​ട​ച്ചെ​ങ്കി​ലും തു​ട​ർ​ന്ന്​ അ​ക്കൗ​ണ്ടി​ലു​ണ്ടാ​യി​രു​ന്ന മു​ഴു​വ​ൻ തു​ക​യും ന​ഷ്ട​മാ​യെ​ന്നാ​ണ്​ പ​രാ​തി. ആ​പ്​ ഇ​ൻ​സ്റ്റാ​ൾ ചെ​യ്ത​തോ​ടെ പ​രാ​തി​ക്കാ​ര​ന്‍റെ ബാ​ങ്കി​ങ്​ വി​വ​ര​ങ്ങ​ൾ മു​ഴു​വ​ൻ ചോ​ർ​ത്തി​യാ​ണ്​ ത​ട്ടി​പ്പ്​ ന​ട​ത്തി​യ​തെ​ന്നാ​ണ്​ പൊ​ലീ​സ്​ പ​റ​യു​ന്ന​ത്. പാ​സ്​​വേ​ഡ്​ അ​ട​ക്കം സ്വ​കാ​ര്യ വി​വ​ര​ങ്ങ​ൾ ചോ​ർ​ത്തി​യ​താ​യാ​ണ്​ വി​വ​രം. വി​വി​ധ ഇ​ട​പാ​ടു​ക​ളി​ലാ​യാ​ണ്​ പ​രാ​തി​ക്കാ​ര​ന്‍റെ അ​ക്കൗ​ണ്ടി​ൽ​നി​ന്ന്​ 7.95 ല​ക്ഷം രൂ​പ ത​ട്ടി​യെ​ടു​ത്ത​ത്.