പാർട്ടിയുടെ പേരിൽ പണം തട്ടിപ്പെന്ന്; സന്ദീപ് വാര്യരെ ബി.ജെ.പി വക്താവ് സ്ഥാനത്തുനിന്ന് പുറത്താക്കി

ബി.ജെ.പിയുടെ വക്താവ് സ്ഥാനത്തുനിന്നും സന്ദീപ് വാര്യരെ പുറത്താക്കി. കോട്ടയത്ത്‌ ചേർന്ന ബി.ജെ.പി കോർ കമ്മിറ്റി യോഗത്തിലാണ്‌ നടപടി. പാർട്ടിയെ ഉപയോഗിച്ച്‌ ലക്ഷങ്ങൾ തട്ടിച്ചെന്ന്‌ പാലക്കാട്‌, തൃശ്ശൂർ, മലപ്പുറം, കോഴിക്കോട്‌ ജില്ലാ കമ്മിറ്റികൾ ബി.ജെ.പി നേതൃത്വത്തിന്‌ പരാതി നൽകിയിരുന്നു. നാല്‌ ജില്ലാ അധ്യക്ഷന്മാരാണ്‌ പരാതി നൽകിയിരുന്നത്‌. സംസ്ഥാന ഭാരവാഹി യോഗത്തിൽ പങ്കെടുക്കാതെ സന്ദീപ്‌ വാര്യർ മടങ്ങി.