ബി.പി.എല്ലുകാർക്ക്​ സൗജന്യ കുടിവെള്ളം; അധികം പണം നൽകാതെ തുടരാനാവില്ലെന്ന്​ ജല അതോറിറ്റി

തി​രു​വ​ന​ന്ത​പു​രം: സ്ഥാ​പ​നം വ​ലി​യ സാ​മ്പ​ത്തി​ക​ബാ​ധ്യ​ത നേ​രി​ടു​ന്ന സാ​ഹ​ച​ര്യ​ത്തി​ൽ ബി.​പി.​എ​ൽ കു​ടും​ബ​ങ്ങ​ൾ​ക്ക്​ സൗ​ജ​ന്യ​മാ​യി കു​ടി​വെ​ള്ള വി​ത​ര​ണ​ത്തി​ന്​ അ​ധി​ക നോ​ൺ പ്ലാ​ൻ ഗ്രാ​ന്‍റ്​ അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട്​ ജ​ല അ​തോ​റി​റ്റി സ​ർ​ക്കാ​റി​നെ സ​മീ​പി​ച്ചു. നി​ല​വി​ൽ 15,000 ലി​റ്റ​റി​ന്​ താ​ഴെ പ്ര​തി​മാ​സ ഉ​പ​യോ​ഗ​മു​ള്ള ബി.​പി.​എ​ൽ ഉ​പ​ഭോ​ക്താ​ക്ക​ൾ​ക്ക്​ ജ​ലം സൗ​ജ​ന്യ​മാ​ണ്. ബി.​പി.​എ​ൽ അ​പേ​ക്ഷ​ക​രു​ടെ എ​ണ്ണം വ​ർ​ധി​ക്കു​ന്ന സാ​ഹ​ച​ര്യ​ത്തി​ൽ ഇ​ത്​ തു​ട​രാ​നു​ള്ള ബു​ദ്ധി​മു​ട്ട്​ ജ​ല​വി​ഭ​വ വ​കു​പ്പ്​ പ്രി​ൻ​സി​പ്പ​ൽ സെ​ക്ര​ട്ട​റി​ക്ക്​ ന​ൽ​കി​യ ക​ത്തി​ൽ ജ​ല അ​തോ​റി​റ്റി എം.​ഡി അ​റി​യി​ച്ചു.

2023 ഫെ​ബ്രു​വ​രി​യി​ൽ ലി​റ്റ​റി​ന്​ ഒ​രു പൈ​സ എ​ന്ന നി​ര​ക്കി​ൽ വെ​ള്ള​ക്ക​രം കൂ​ട്ടി​യ​ശേ​ഷം ബി.​പി.​എ​ൽ അ​പേ​ക്ഷ​ക​രു​ടെ എ​ണ്ണ​ത്തി​ലും സ​ബ്​​സി​ഡി തു​ക​യി​ലും കാ​ര്യ​മാ​യ വ​ർ​ധ​ന വ​ന്നി​ട്ടു​ണ്ടെ​ന്നാ​ണ്​​ ജ​ല അ​തോ​റി​റ്റി വാ​ദം. ബി.​പി.​എ​ൽ ആ​നൂ​കൂ​ല്യ​ത്തി​ന്​ ഇ​ക്കൊ​ല്ലം ല​ഭി​ച്ച​ത്​ പ​ത്ത്​ ല​ക്ഷ​ത്തി​ല​ധി​കം അ​പേ​ക്ഷ​ക​ളാ​ണ്. സ്ഥാ​പ​ന​ത്തി​ന്‍റെ ഇ​പ്പോ​ഴ​ത്തെ സാ​മ്പ​ത്തി​ക സ്ഥി​തി​യി​ൽ ഇ​ത്ര​യും വ​ലി​യ സ​ബ്​​സി​ഡി സാ​ധ്യ​മാ​കി​ല്ലെ​ന്ന്​ മാ​നേ​ജ്​​മെ​ന്‍റ്​ വ്യ​ക്​​ത​മാ​ക്കു​ന്നു. ഇ​തു​വ​രെ ബി.​പി.​എ​ൽ ഉ​പ​ഭോ​ക്താ​ക്ക​ൾ​ക്ക്​ സ​ബ്​​സി​ഡി ന​ൽ​കി​യ വ​ക​യി​ൽ 123.88 കോ​ടി രൂ​പ ജ​ല അ​തോ​റി​റ്റി​ക്ക്​ ന​ഷ്ടം വ​ന്നു​​വെ​ന്ന ക​ണ​ക്കും ജ​ല​വി​ഭ​വ വ​കു​പ്പി​ന്​ ന​ൽ​കി​യി​ട്ടു​ണ്ട്.

ശു​ദ്ധീ​ക​ര​ണ​ത്തി​നും വി​ത​ര​ണ​ത്തി​നും വ​രു​ന്ന ചെ​ല​വി​നേ​ക്കാ​ൾ വ​ള​രെ കു​റ​ഞ്ഞ നി​ര​ക്കി​ൽ​ കു​ടി​വെ​ള്ളം വി​ത​ര​ണം ചെ​യ്യു​ന്ന​തു​വ​ഴി വ​ൻ ന​ഷ്ടം​ പ്ര​തി​വ​ർ​ഷം ഉ​ണ്ടാ​കു​ന്ന​താ​യാ​ണ്​​​ ജ​ല അ​തോ​റി​റ്റി ചൂ​ണ്ടി​ക്കാ​ട്ടു​ന്ന​ത്. ആ​യി​രം ലി​റ്റ​ർ കു​ടി​വെ​ള്ള​ത്തി​ന്‍റെ ഉ​ൽ​പാ​ദ​ന ചെ​ല​വ്​ 24.82 രൂ​പ​യാ​യി ഉ​യ​ർ​ന്നു. വൈ​ദ്യു​തി ചാ​ർ​ജി​ലെ വ​ർ​ധ​ന, കെ​മി​ക്ക​ൽ ഉ​ൽ​പ​ന്ന​ങ്ങ​ളു​ടെ ഉ​യ​രു​ന്ന വി​ല, അ​റ്റ​കു​റ്റ​പ്പ​ണി​ക​ളു​ടെ ചെ​ല​വ്, വാ​യ്പ തി​രി​ച്ച​ട​വ്, ശ​മ്പ​ളം, പെ​ൻ​ഷ​ൻ ചെ​ല​വ്​ തു​ട​ങ്ങി​യ​വ​ക്ക്​ അ​നു​സൃ​ത​മാ​യി വെ​ള്ള​ക്ക​ര വ​ർ​ധ​ന ഉ​ണ്ടാ​കു​ന്നി​ല്ല. സ​ർ​ക്കാ​റി​ൽ​നി​ന്ന്​ 2022-23ൽ 169.43 ​കോ​ടി​യും 2023-24ൽ 291.18 ​കോ​ടി​യും നോ​ൺ പ്ലാ​ൻ ഗ്രാ​ന്‍റ്​ കി​ട്ടാ​നു​ണ്ട്. കെ.​എ​സ്.​ഇ.​ബി​ക്ക്​ ന​ൽ​കാ​നു​ള്ള തു​ക, ക​രാ​റു​കാ​ർ​ക്ക്​ കൊ​ടു​ക്കേ​ണ്ട പ​ണം തു​ട​ങ്ങി വി​വി​ധ ഇ​ന​ങ്ങ​ളി​ൽ ​ജ​ല ​അ​തോ​റി​റ്റി​യു​ടെ ബാ​ധ്യ​ത 1595 കോ​ടി രൂ​പ​യാ​ണ്. ബി.​പി.​എ​ൽ ഉ​പ​ഭോ​ക്താ​ക്ക​ൾ​ക്ക്​ ന​ൽ​കി​യ സ​ബ്​​സി​ഡി തു​ക നി​ല​വി​ലു​ള്ള നോ​ൺ പ്ലാ​ന്‍റ്​ ഗ്രാ​ന്‍റി​ന്​ പു​റ​മേ അ​ധി​ക നോ​ൺ പ്ലാ​ൻ ഗ്രാ​ന്‍റാ​യി അ​നു​വ​ദി​ക്കാ​തെ മു​ന്നോ​ട്ട്​ കൊ​ണ്ടു​പോ​കാ​നാ​വി​ല്ലെ​ന്നാ​ണ്​ ജ​ല അ​തോ​റി​റ്റി അ​റി​യി​ച്ചി​ട്ടു​ള്ള​ത്.