പ്രതികൾക്ക് സൗജന്യ നിയമ സഹായം; ദരിദ്രർ, സ്ത്രീകൾ, കുട്ടികൾ അടക്കമുള്ളവർക്ക് പ്രയോജനം

​ക​ൽ​പ​റ്റ: കു​റ്റ​കൃ​ത്യ​ങ്ങ​ളി​ൽ പ്ര​തി​ക​ളാ​വു​ന്ന ദ​രി​ദ്ര​ർ, സ്ത്രീ​ക​ൾ, കു​ട്ടി​ക​ൾ അ​ട​ക്ക​മു​ള്ള​വ​ർ​ക്ക് സൗ​ജ​ന്യ നി​യ​മ സ​ഹാ​യം ന​ൽ​കാ​നു​ള്ള വ്യ​വ​സ്ഥാ​പി​ത സം​വി​ധാ​നം രാ​ജ്യ​ത്തെ 350 ജി​ല്ല​ക​ളി​ൽ പ്രാ​ബ​ല്യ​ത്തി​ൽ വ​രു​ന്നു. ദേ​ശീ​യ നി​യ​മ സേ​വ​ന അ​തോ​റി​റ്റി (ന​ൽ​സ) 2019ൽ ​എ​റ​ണാ​കു​ള​ത്ത് അ​ട​ക്കം രാ​ജ്യ​ത്തെ 13 ജി​ല്ല​ക​ളി​ൽ ആ​രം​ഭി​ച്ച പൈ​ല​റ്റ് പ്രോ​ജ​ക്ടാ​യ ലീ​ഗ​ൽ എ​യ്ഡ് ഡി​ഫ​ൻ​സ് കൗ​ൺ​സ​ൽ സി​സ്റ്റം (എ​ൽ.​എ.​ഡി.​സി.​എ​സ്) ആ​ണ് രാ​ജ്യം മു​ഴു​വ​ൻ വ്യാ​പി​പ്പി​ക്കു​ന്ന​ത്. സം​സ്ഥാ​ന​ത്ത് എ​ല്ലാ ജി​ല്ല​ക​ളി​ലും ജ​നു​വ​രി മൂ​ന്നി​ന് ഇ​തി​ന്റെ ഉ​ദ്ഘാ​ട​നം ന​ട​ക്കും.

എ​സ്.​സി-​എ​സ്.​ടി​, സ്ത്രീ​ക​ൾ, കു​ട്ടി​ക​ൾ, പ്ര​കൃ​തി​ക്ഷോ​ഭ​ങ്ങ​ൾ​ക്ക് ഇ​ര​യാ​വു​ന്ന​വ​ർ, വാ​ർ​ഷി​ക വ​രു​മാ​നം മൂ​ന്നു ല​ക്ഷം രൂ​പ​യി​ൽ താ​ഴെ​യു​ള്ള​വ​ർ എ​ന്നീ വി​ഭാ​ഗ​ത്തി​ൽ​പെ​ടു​ന്ന പ്ര​തി​ക​ൾ​ക്കാ​ണ് സൗ​ജ​ന്യ നി​യ​മ സ​ഹാ​യം ന​ൽ​കു​ക. എ​ല്ലാ​വി​ധ ക്രി​മി​ന​ൽ കേ​സു​ക​ളി​ലും ഈ ​വി​ഭാ​ഗ​ത്തി​ലെ ​പ്ര​തി​ക​ൾ​ക്കാ​യി അ​ഭി​ഭാ​ഷ​ക​രെ ആ​വ​ശ്യ​മെ​ങ്കി​ൽ ല​ഭ്യ​മാ​ക്കും. സി​വി​ൽ കേ​സു​ക​ൾ ഈ ​ഓ​ഫി​സു​ക​ളി​ൽ പ​രി​ഗ​ണി​ക്കി​ല്ല. പ​ണ​മി​ല്ലാ​ത്ത​തി​ന്റെ പേ​രി​ൽ നീ​തി നി​ഷേ​ധി​ക്ക​പ്പെ​ട​രു​ത് എ​ന്ന ആ​ശ​യ​ത്തി​ൽ ഊ​ന്നി​യാ​ണ് പ​ദ്ധ​തി രൂ​പ​പ്പെ​ടു​ത്തി​യ​ത്.

ഓ​രോ ജി​ല്ല​യി​ലും ചീ​ഫ് ലീ​ഗ​ൽ കൗ​ൺ​സ​ൽ, ഡെ​പ്യൂ​ട്ടി കൗ​ൺ​സ​ൽ, ഇ​വ​ർ​ക്ക് കീ​ഴി​ൽ ഓ​രോ ജി​ല്ല​യി​ലെ​യും കോ​ട​തി​ക​ളു​ടെ​യും കേ​സു​ക​ളു​ടെ​യും എ​ണ്ണ​ത്തി​ന​നു​സ​രി​ച്ച് അ​സി​സ്റ്റ​ന്റു​മാ​രെ​യും നി​യ​മി​ക്കും. നി​യ​മി​ക്ക​പ്പെ​ടു​ന്ന കാ​ല​യ​ള​വി​ൽ അ​ഭി​ഭാ​ഷ​ക​ർ മ​റ്റു സ്വ​കാ​ര്യ കേ​സു​ക​ളി​ൽ വ​ക്കാ​ല​ത്ത് ഏ​റ്റെ​ടു​ക്കാ​ൻ പാ​ടി​ല്ല. ജി​ല്ല കോ​ട​തി​ക​ളോ​ട് അ​നു​ബ​ന്ധി​ച്ചാ​ണ് ഓ​ഫി​സു​ക​ൾ പ്ര​വ​ർ​ത്തി​ക്കു​ക. ക​രാ​റ​ടി​സ്ഥാ​ന​ത്തി​ൽ ര​ണ്ടു വ​ർ​ഷ​ത്തേ​ക്കാ​ണ് നി​യ​മ​നം. ജി​ല്ല നി​യ​മ​സേ​വ​ന അ​തോ​റി​റ്റി​ക്ക് (ഡി.​എ​ൽ.​എ​സ്.​എ) കീ​ഴി​ൽ അ​ഭി​മു​ഖം ന​ട​ത്തി, കേ​ര​ള നി​യ​മ​സേ​വ​ന അ​തോ​റി​റ്റി​യാ​ണ് (കെ​ൽ​സ) അ​ഭി​ഭാ​ഷ​ക​രെ നി​യ​മി​ക്കു​ന്ന​ത്. മൂ​ന്നു​വീ​തം ഓ​ഫി​സ് ജീ​വ​ന​ക്കാ​രെ​യും ഓ​രോ ജി​ല്ല​യി​ലും ക​രാ​റ​ടി​സ്ഥാ​ന​ത്തി​ൽ നി​യ​മി​ക്കും.

​പ്രി​ൻ​സി​പ്പ​ൽ ജി​ല്ല ജ​ഡ്ജി, മൂ​ന്ന് അ​ഡീ​ഷ​ന​ൽ ജി​ല്ല ജ​ഡ്ജി​മാ​ർ, പ​ബ്ലി​ക് പ്രോ​സി​ക്യൂ​ട്ട​ർ, ഡി.​എ​ൽ.​എ​സ്.​എ സെ​ക്ര​ട്ട​റി എ​ന്നി​വ​ര​ട​ങ്ങു​ന്ന ബോ​ർ​ഡാ​ണ് ഇ​ന്റ​ർ​വ്യൂ ന​ട​ത്തി പ്രാ​പ്ത​രാ​യ അ​ഭി​ഭാ​ഷ​ക​രെ ജി​ല്ല​ത​ല​ങ്ങ​ളി​ൽ നി​യ​മി​ക്കു​ന്ന​ത്. ആ​റു​മാ​സം കൂ​ടു​മ്പോ​ൾ ജി​ല്ല ജ​ഡ്ജി​​മാ​രു​ടെ നേ​തൃ​ത്വ​ത്തി​ൽ ഈ ​ഓ​ഫി​സു​ക​ളു​ടെ പ്ര​വ​ർ​ത്ത​നം വി​ല​യി​രു​ത്തും. ​പ്ര​ക​ട​നം മോ​ശ​മാ​ണെ​ങ്കി​ൽ ക​രാ​ർ കാ​ലാ​വ​ധി​ക്ക് മു​മ്പു​ത​ന്നെ അ​ഭി​ഭാ​ഷ​ക​രെ പി​രി​ച്ചു​വി​ടും.

10 വ​ർ​ഷം പ്രാ​ക്ടി​സു​ള്ള​വ​രാ​യി​രി​ക്കും ചീ​ഫ് കൗ​ൺ​സ​ൽ​മാ​ർ. ഏ​ഴു കൊ​ല്ല​ത്തി​ൽ കു​റ​യാ​തെ പ്രാ​ക്ടി​സു​ള്ള​വ​രെ​യാ​ണ് ഡെ​പ്യൂ​ട്ടി​മാ​രാ​യി നി​യ​മി​ക്കു​ക. മൂ​ന്നു വ​ർ​ഷം​വ​രെ പ്രാ​ക്ടി​സു​ള്ള​വ​രാ​യി​രി​ക്കും അ​സി​സ്റ്റ​ന്റു​മാ​ർ. ജി​ല്ല​ക​ളെ ജീ​വി​ത​ച്ചെ​ല​വി​ന്റെ അ​ടി​സ്ഥാ​ന​ത്തി​ൽ എ, ​ബി, സി ​വി​ഭാ​ഗ​ങ്ങ​ളാ​യി തി​രി​ച്ചാ​ണ് എ​ൽ.​എ.​ഡി.​സി.​എ​സ് അ​ഭി​ഭാ​ഷ​ക​ർ​ക്ക് ശ​മ്പ​ളം ന​ൽ​കു​ക. എ​ല്ലാ ആ​ധു​നി​ക സൗ​ക​ര്യ​ങ്ങ​ളോ​ടും​കൂ​ടി​യ ഓ​ഫി​സു​ക​ൾ രാ​വി​ലെ 10 മു​ത​ൽ വൈ​കീ​ട്ട് അ​ഞ്ചു​വ​രെ പ്ര​വ​ർ​ത്തി​ക്കും. ന​ൽ​സ​യാ​ണ് ഈ ​പ​ദ്ധ​തി​ക്ക് ഫ​ണ്ട് ന​ൽ​കു​ന്ന​ത്.