'സൗജന്യ വാക്​സിൻ: യെച്ചൂരി പറയുമ്പോൾ ശരിയും യു.ഡി.എഫ് ചൂണ്ടിക്കാണിക്കുമ്പോൾ തെറ്റുമാവുന്നതെങ്ങനെ'

കോഴിക്കോട്​: സംസ്​ഥാനത്ത്​ സൗജന്യമായി കോവിഡ്​ വാക്​സിൻ നൽകുമെന്ന മുഖ്യമന്ത്രി പിണറായി വിജയ​െൻറ പ്രഖ്യാപനത്തിനെതിരെ കോൺഗ്രസ്​ നേതാവ്​ പി.സി. വിഷ്​ണുനാഥ്​. സി.പി.എം ജനറൽ സെക്രട്ടറി സീതാറാം യെച്ചൂരിയുടെ ബിഹാർ തെരഞ്ഞെടുപ്പ്​ കാലത്തെ​ ട്വീറ്റ്​ പങ്കുവെച്ചാണ്​ വിഷ്​ണുനാഥി​െൻറ പ്രതികരണം.

'കേന്ദ്ര ധനമന്ത്രി സൗജന്യ കോവിഡ് വാക്സിൻ വാഗ്ദാനം ചെയ്ത്​ ബീഹാറിലെ വോട്ടർമാരെ സ്വാധീനിക്കാൻ ശ്രമിക്കുന്നത് മാതൃകാ പെരുമാറ്റച്ചട്ടത്തി​െൻറ നാണംകെട്ട ലംഘനമാണ്. എല്ലാ ഇന്ത്യക്കാർക്കും അത്​ നൽകുക എന്നത് കേന്ദ്ര സർക്കാറി​െൻറ ഉത്തരവാദിത്വമാണ്. തെരഞ്ഞെടുപ്പ്​ കമീഷൻ സ്വമേധയാ നടപടിയെടുക്കാൻ വിസമ്മതിക്കുകയാണ്' -എന്നായിരുന്നു യെച്ചൂരിയുടെ പ്രസ്​താവന.

'കോവിഡ് വാക്സിൻ സൗജന്യമായി നൽകേണ്ടത് കേന്ദ്ര - സംസ്ഥാന സർക്കാറുകളുടെ കടമയാണ്. അത് തെരഞ്ഞെടുപ്പ്​ മാനദണ്ഡങ്ങൾ നിലവിലിരിക്കെ വാഗ്ദാനം ചെയ്യുന്നത് അധാർമികവും തെരഞ്ഞെടുപ്പ്​ പെരുമാറ്റച്ചട്ടങ്ങളുടെ ലംഘനവുമാണ്. അത് നിർമല സീതാരാമൻ ആയാലും പിണറായി വിജയൻ ചെയ്താലും. ഇത് സീതാറാം യെച്ചൂരി പറയുമ്പോൾ ശരിയും യു.ഡി.എഫ് ചൂണ്ടിക്കാണിക്കുമ്പോൾ തെറ്റുമാവുന്നതെങ്ങനെ? വാക്സിൻ എല്ലാവർക്കും സൗജന്യമായി നൽകണം എന്ന്​ തന്നെയാണ് യു.പി.എയുടെയും യു.ഡി.എഫി​െൻറയും നിലപാടെന്നും പി.സി. വിഷ്​ണുനാഥ്​ പറഞ്ഞു.