ന്യായമായ കാരണമില്ലാതെ അഭിപ്രായസ്വാതന്ത്ര്യത്തിനു മേൽ നിയന്ത്രണം പാടില്ല -ഹൈകോടതി

കൊ​ച്ചി: ഏ​റ്റ​വും അ​നി​വാ​ര്യ​മാ​യ സാ​ഹ​ച​ര്യ​ങ്ങ​ളി​ൽ മാ​ത്ര​മേ അ​ഭി​പ്രാ​യ സ്വാ​ത​ന്ത്ര്യ​ത്തി​ന്​ മേ​ൽ നി​യ​ന്ത്ര​ണം കൊ​ണ്ടു വ​രാ​വൂ എ​ന്ന്​ ഹൈ​കോ​ട​തി. ന്യാ​യ​മാ​യ കാ​ര​ണ​മി​ല്ലാ​തെ മാ​ധ്യ​മ​ങ്ങ​ള​ട​ക്ക​മു​ള്ള​വ​യു​ടെ വാ​യ്​ മൂ​ടി​ക്കെ​ട്ടു​ന്ന ന​ട​പ​ടി പാ​ടി​ല്ലെ​ന്നും ഹൈ​കോ​ട​തി ജ​ഡ്ജി ജ​സ്റ്റി​സ്​ ബെ​ച്ചു കു​ര്യ​ൻ തോ​മ​സ്​ നി​രീ​ക്ഷി​ച്ചു. തെ​റ്റാ​യ വാ​ർ​ത്ത സം​പ്രേ​ഷ​ണം ചെ​യ്തു​വെ​ന്ന കേ​സി​ൽ പ്ര​തി​യാ​യ ഓ​ൺ​ലൈ​ൻ മാ​ധ്യ​മ റി​പ്പോ​ർ​ട്ട​ർ​ക്ക്​ മു​ൻ​കൂ​ർ ജാ​മ്യം അ​നു​വ​ദി​ച്ച​പ്പോ​ൾ സെ​ഷ​ൻ​സ്​ കോ​ട​തി ഏ​ർ​പ്പെ​ടു​ത്തി​യ വ്യ​വ​സ്​​ഥ റ​ദ്ദാ​ക്കി​യാ​ണ്​ ജ​സ്റ്റി​സ്​ ബെ​ച്ചു കു​ര്യ​ൻ തോ​മ​സി​ന്‍റെ നി​രീ​ക്ഷ​ണം. ബി​ലീ​വേ​ഴ്​​സ്​ ച​ർ​ച്ച്​ ബി​ഷ​പ്പ്​ കെ.​പി. യോ​ഹ​ന്നാ​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട വാ​ർ​ത്ത​ക​ൾ പ്ര​സി​ദ്ധീ​ക​രി​ക്കു​ന്ന​തും സം​പ്രേ​ക്ഷ​ണം ​ചെ​യ്യു​ന്ന​തും ത​ട​ഞ്ഞു കൊ​ണ്ടാ​ണ്​ കേ​സി​ൽ മാ​ധ്യ​മ പ്ര​വ​ർ​ത്ത​ക​ന്​ സെ​ഷ​ൻ​സ്​ കോ​ട​തി ജാ​മ്യം ന​ൽ​കി​യ​ത്. വ്യ​വ​സ്ഥ ഒ​ഴി​വാ​ക്കാ​ൻ മാ​ധ്യ​മ പ്ര​വ​ർ​ത്ത​ക​നാ​ണ്​ കോ​ട​തി​യെ സ​മീ​പി​ച്ച​ത്.

കെ.​പി. യോ​ഹ​ന്നാ​ൻ (അ​ത്ത​നേ​ഷ്യ​സ് യോ​ഹാ​ൻ മെ​ത്രാ​പ്പോ​ലീ​ത്ത) അ​മേ​രി​ക്ക​യി​ൽ വാ​ഹ​നാ​പ​ക​ട​ത്തി​ൽ മ​രി​ച്ച​തി​ന്​ പി​ന്നി​ൽ ദൂ​രൂ​ഹ​ത​യു​ണ്ടെ​ന്ന്​ കാ​ട്ടി ഹ​ര​ജി​ക്കാ​ര​ൻ സം​പ്രേ​ഷ​ണം ചെ​യ്ത വാ​ർ​ത്ത​ക​ൾ​ക്കെ​തി​രെ ഒ​രു ബി​ഷ​പ്പ്​ ന​ൽ​കി​യ പ​രാ​തി​യി​ലാ​ണ്​ കേ​സെ​ടു​ത്ത​ത്. ക​ലാ​പ​ത്തി​ന്​ പ്ര​കോ​പ​നം ഉ​ണ്ടാ​ക്ക​ൽ, ക്രി​മി​ന​ൽ ​ഗൂ​ഢാ​ലോ​ച​ന, തു​ട​ങ്ങി​യ​വ​യ​ട​ക്കം കു​റ്റ​ങ്ങ​ളാ​ണ്​ ഇ​വ​ർ​ക്കെ​തി​രെ ചു​മ​ത്തി​യി​രു​ന്ന​ത്. മാ​ധ്യ​മ സ്വാ​ത​ന്ത്ര്യം ത​ട​സ്സ​പ്പെ​ടു​ന്നി​ട​ത്ത്​ ജ​നാ​ധി​പ​ത്യം ഇ​ല്ലാ​താ​കു​മെ​ന്ന്​ സു​പ്രീം കോ​ട​തി ഉ​ത്ത​ര​വ്​ ഉ​ദ്ധ​രി​ച്ച്​ കോ​ട​തി വ്യ​ക്​​ത​മാ​ക്കി. ഇ​ത്ത​രം നി​യ​ന്ത്ര​ണ​ങ്ങ​ളി​ലൂ​ടെ ത​ട​യു​ന്ന​ത്​ ജ​നാ​ധി​പ​ത്യാ​വ​കാ​ശ​ങ്ങ​ളെ​യാ​ണ്. ജാ​മ്യ ഉ​പാ​ധി​യാ​യി​ കോ​ട​തി​ക്ക്​ ഉ​ചി​ത​മാ​യ വ്യ​വ​സ്ഥ​ക​ൾ വെ​ക്കാ​മെ​ങ്കി​ലും അ​ത്​ സ്വേഛാ​പ​ര​മാ​ക​രു​ത്. അ​ഭി​പ്രാ​യ പ്ര​ക​ട​നം ഭ​ര​ണ​ഘ​ട​ന അ​നു​വ​ദി​ച്ചി​ട്ടു​ള്ള അ​വ​കാ​ശ​മാ​ണ്​.

ഇ​ത്ത​രം അ​ഭി​പ്രാ​യ പ്ര​ക​ട​ന​ങ്ങ​ൾ അ​ന്വേ​ഷ​ണ​ത്തി​ലേ​ക്കും വി​വാ​ദ​മാ​യ വെ​ളി​പ്പെ​ടു​ത്ത​ലു​ക​ളി​​ലേ​ക്കും ന​യി​ച്ചി​ട്ടു​ണ്ട്. നി​യ​ന്ത്ര​ണ​ങ്ങ​ൾ വി​പ​രീ​ത ഫ​ല​മാ​കും ഉ​ണ്ടാ​ക്കു​ക. അ​തേ​സ​മ​യം, അ​ഭി​പ്രാ​യ​പ്ര​ക​ട​നം ക്രി​മി​ന​ൽ സ്വ​ഭാ​വ​ത്തി​ലു​ള്ള​താ​ണെ​ങ്കി​ൽ അ​തി​ന​നു​സൃ​ത​മാ​യ ന​ട​പ​ടി​യാ​കാ​മെ​ന്ന്​ കോ​ട​തി ചൂ​ണ്ടി​ക്കാ​ട്ടി.