'ആ ​ജീ​വ​ൻ ര​ക്ഷി​ക്കാ​ൻ ഇ​നി​യാ​രു​ടെ കാ​ലി​ലാ​ണ് ഞാ​നും മ​ക്ക​ളും വീ​ഴേ​ണ്ട​ത്?'-സിദ്ദീഖ് കാപ്പ​െൻറ ഭാര്യ റൈഹാന സംസാരിക്കുന്നു

സി​ദ്ദീ​ഖ് കാ​പ്പ​െൻറ ജീ​വ​ൻ ര​ക്ഷി​ക്കാ​ൻ മ​നു​ഷ്യ​ത്വം ബാ​ക്കി​യു​ള്ള​വ​രെ​ല്ലാം ഇ​ട​പെ​ട​ണ​മെ​ന്ന് ഭാ​ര്യ റൈ​ഹാ​ന. ഹാ​ഥ​റ​സ് ബ​ലാ​ത്സം​ഗ​ക്കൊ​ല റി​പ്പോ​ർ​ട്ട് ചെ​യ്യാ​ൻ പോ​ക​വെ ഉ​ത്ത​ർ​പ്ര​ദേ​ശ് പൊ​ലീ​സ് പി​ടി​കൂ​ടി ജ​യി​ലി​ല​ട​ച്ച അ​ദ്ദേ​ഹ​ത്തെ സ​ക​ല മ​നു​ഷ്യാ​വ​കാ​ശ​ങ്ങ​ളും ലം​ഘി​ച്ച്​ ആ​ശു​പ​ത്രി​ക്കി​ട​ക്ക​യി​ൽ ച​ങ്ങ​ല​ക്കി​ട്ടി​രി​ക്കു​ക​യാ​ണ്.

കോ​വി​ഡി​നു പു​റ​മെ നി​ര​വ​ധി രോ​ഗ​ങ്ങ​ൾ അ​ല​ട്ടു​ന്ന അ​ദ്ദേ​ഹ​ത്തെ പ്രാ​ഥ​മി​ക കാ​ര്യ​ങ്ങ​ൾ പോ​ലും നി​ർ​വ​ഹി​ക്കാ​ൻ സ​മ്മ​തി​ക്കാ​തെ കൊ​ല്ലാ​ക്കൊ​ല ചെ​യ്യു​ക​യാ​ണെ​ന്നും റൈ​ഹാ​ന 'മാ​ധ്യ​മ'​ത്തി​ന് അ​നു​വ​ദി​ച്ച അ​ഭി​മു​ഖ​ത്തി​ൽ വ്യ​ക്ത​മാ​ക്കി.

എ​ന്നാ​ണ് സി​ദ്ദീ​ഖ് അ​വ​സാ​ന​മാ​യി വീ​ട്ടി​ലേ​ക്ക് വി​ളി​ച്ച​ത്?

മി​നി​ഞ്ഞാ​ന്ന് (ശ​നി​യാ​ഴ്ച). ഏ​റെ അ​വ​ശ​നാ​ണെ​ന്ന് സം​സാ​ര​ത്തി​ൽ​നി​ന്ന് മ​ന​സ്സി​ലാ​യി. സ​മീ​പ​ത്തു​ണ്ടാ​യി​രു​ന്ന​യാ​ൾ​ക്ക് നൂ​റു രൂ​പ കൊ​ടു​ത്ത് അ​യാ​ളു​ടെ ഫോ​ണി​ൽ​നി​ന്ന് വി​ളി​ക്കു​ക​യാ​യി​രു​ന്നു.

നാ​ലു ദി​വ​സ​മാ​യി മ​ഥു​ര​യി​ലെ കെ.​വി.​എം മെ​ഡി​ക്ക​ല്‍ കോ​ള​ജ് ആ​ശു​പ​ത്രി കോ​വി​ഡ് വാ​ർ​ഡി​ൽ കൈ​ക​ൾ ക​ട്ടി​ലു​മാ​യി ച​ങ്ങ​ല​ക്കി​ട്ടി​രി​ക്കു​ക​യാ​ണ്. ജ​യി​ലി​ലെ ബാ​ത്ത് റൂ​മി​ൽ വീ​ണ് താ​ടി​യെ​ല്ലി​ന്​ പൊ​ട്ട​ലോ മു​റി​വോ ഉ​ണ്ട്. മു​ഖം വീ​ങ്ങി​യി​രി​ക്കു​ന്നു. വേ​ദ​നി​ച്ചി​ട്ട് ഭ​ക്ഷ​ണം ക​ഴി​ക്കാ​നാ​വു​ന്നി​ല്ല. കെ​ട്ടി​യി​ട്ട​തി​നാ​ൽ ടോ​യ്‌​ല​റ്റി​ൽ പോ​വാ​നും നി​ർ​വാ​ഹ​മി​ല്ല. മൂ​ത്ര​മൊ​ഴി​ക്കു​ന്ന​ത് ഒ​രു ബോ​ട്ടി​ലി​ലാ​ണ്. എ​ന്നെ എ​ങ്ങ​നെ​യെ​ങ്കി​ലും ഡി​സ്ചാ​ർ​ജ് ചെ​യ്യാ​ൻ പ​റ​യൂ​വെ​ന്നും ക​ര​ഞ്ഞു​പ​റ​യു​ന്ന​തി​നി​ടെ കാ​ൾ ക​ട്ടാ​വു​ക​യാ​യി​രു​ന്നു.

എ​ന്താ​യി​രു​ന്നു ജ​യി​ലി​ലെ അ​വ​സ്ഥ?

ഇ​പ്പോ​ൾ ആ​ശു​പ​ത്രി​യി​ൽ അ​നു​ഭ​വി​ക്കു​ന്ന​തി​ലും ഭേ​ദ​മാ​യി​രു​ന്നു. ഏ​പ്രി​ൽ 20ന് ​വീ​ട്ടി​ലേ​ക്ക് വി​ളി​ച്ചി​രു​ന്നു. പ​ത്തു ദി​വ​സ​ത്തോ​ള​മാ​യി പ​നി​യാ​ണെ​ന്നു പ​റ​ഞ്ഞു. നോ​മ്പ് ഒ​ഴി​വാ​ക്കാ​ൻ പ​റ​ഞ്ഞ​പ്പോ​ൾ, നോ​മ്പ് ഒ​ഴി​വാ​ക്കി​യാ​ലും കാ​ര്യ​മാ​യ ഭ​ക്ഷ​ണ​മൊ​ന്നും കി​ട്ടി​ല്ലെ​ന്നും അ​തി​ലും ന​ല്ല​ത് നോ​മ്പെ​ടു​ക്കു​ന്ന​ത​ല്ലേ​യെ​ന്നും തി​രി​ച്ചു​ചോ​ദി​ച്ചു.

പ​ച്ച​വെ​ള്ള​വും ക​ക്കി​രി​യു​മാ​ണ് അ​ത്താ​ഴം. 20ന് ​പു​ല​ർ​ച്ച മൂ​ന്നു മ​ണി​യോ​ടെ എ​ഴു​ന്നേ​റ്റ​താ​യി​രു​ന്നു. പു​റ​ത്താ​ണ് ബാ​ത്ത് റൂം. ​അ​വി​ടെ വെ​ച്ചാ​ണ് വീ​ണ് അ​പ​ക​ടം സം​ഭ​വി​ച്ച​ത്. കോ​വി​ഡ് പോ​സി​റ്റി​വാ​ണെ​ന്ന് അ​റി​ഞ്ഞ​തോ​ടെ 21ന് ​രാ​വി​ലെ കെ.​വി.​എം ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു. ഈ ​വി​വ​രം അ​ഭി​ഭാ​ഷ​ക​നാ​ണ്​ എ​ന്നെ വി​ളി​ച്ച് അ​റി​യി​ച്ച​ത്.

സി​ദ്ദീ​ഖി​െൻറ അ​വ​സ്ഥ​യ​റി​ഞ്ഞ ശേ​ഷം എ​ന്തൊ​ക്കെ കാ​ര്യ​ങ്ങ​ളാ​ണ് ചെ​യ്ത​ത്?

മു​ഖ്യ​മ​ന്ത്രി​യു​ടെ അ​ഡീ​ഷ​ന​ൽ പ്രൈ​വ​റ്റ് സെ​ക്ര​ട്ട​റി​യെ വി​ളി​ച്ചു കാ​ര്യ​ങ്ങ​ൾ പ​റ​ഞ്ഞു. ഇ.​ടി. മു​ഹ​മ്മ​ദ് ബ​ഷീ​ർ എം.​പി വി​ളി​ച്ചി​രു​ന്നു. അ​ദ്ദേ​ഹം ഗൗ​ര​വ​ത്തോ​ടെ ഇ​ട​പെ​ടു​ന്നു​ണ്ട്. എം.​പി​മാ​ർ ചീ​ഫ് ജ​സ്​​റ്റി​സി​നും ഉ​ത്ത​ർ​പ്ര​ദേ​ശ് മു​ഖ്യ​മ​ന്ത്രി​ക്കും ക​ത്ത് ന​ൽ​കു​മെ​ന്ന് അ​റി​യി​ച്ചു.

യോ​ഗി ആ​ദി​ത്യ​നാ​ഥി​ന് ക​ത്തെ​ഴു​താ​ൻ എ​ന്നോ​ട് ഇ.​ടി​യും ബി​നോ​യ് വി​ശ്വം എം.​പി​യും പ​റ​ഞ്ഞു. അ​തു​പ്ര​കാ​രം ഞാ​നും ക​ത്ത​യ​ച്ചു. മ​നു​ഷ്യാ​വ​കാ​ശം നി​ഷേ​ധി​ക്ക​പ്പെ​ട്ട ഒ​രു പൗ​ര​െൻറ ഭാ​ര്യ​യെ​ന്ന നി​ല​യി​ൽ ഏ​റെ അ​നു​ഭാ​വ​പൂ​ർ​ണ​മാ​യ സ​മീ​പ​ന​മാ​ണ് എ​ന്നോ​ടും കു​ടും​ബ​ത്തോ​ടും ഏ​റെ നാ​ളാ​യി ബി​നോ​യ് വി​ശ്വം സ്വീ​ക​രി​ക്കു​ന്ന​ത്.

കെ. ​മു​ര​ളീ​ധ​ര​ൻ, കെ. ​സു​ധാ​ക​ര​ൻ തു​ട​ങ്ങി​യ എം.​പി​മാ​രെ​യും വി​ളി​ച്ചു. ഏ​റ്റ​വും ചു​രു​ങ്ങി​യ​ത് ടോ​യ്​​ല​റ്റി​ൽ പോ​വാ​നു​ള്ള സം​വി​ധാ​ന​മു​ണ്ടാ​ക്ക​ണ​മെ​ന്ന്​ അ​ധി​കാ​രി​ക​ളോ​ട്​ കേ​ണ​പേ​ക്ഷി​ക്കേ​ണ്ടി വ​രു​ന്ന അ​വ​സ്ഥ നി​ങ്ങ​ളൊ​ന്നു ചി​ന്തി​ച്ചു​നോ​ക്കൂ.

വൈ​കി​യാ​ണെ​ങ്കി​ലും മു​ഖ്യ​മ​ന്ത്രി ഇ​ട​പെ​ട്ട​തി​നെ​ക്കു​റി​ച്ച് എ​ന്ത് പ​റ​യു​ന്നു?

ക​ഴി​ഞ്ഞ ഏ​ഴ് മാ​സ​മാ​യി ഞാ​നും കു​ടും​ബ​വും ആ​ഗ്ര​ഹി​ക്കു​ക​യും നി​ര​ന്ത​രം അ​പേ​ക്ഷി​ക്കു​ക​യും ചെ​യ്ത കാ​ര്യ​മാ​ണ് കേ​ര​ള മു​ഖ്യ​മ​ന്ത്രി പി​ണ​റാ​യി വി​ജ​യ​െൻറ ഇ​ട​പെ​ട​ൽ. കേ​സ് കോ​ട​തി​യി​ലാ​യ​തി​നാ​ലും മ​റ്റൊ​രു സം​സ്ഥാ​ന​ത്തി​െൻറ പ​രി​ധി​യി​ലാ​തി​നാ​ലും പ​രി​മി​തി‍യു​ണ്ടെ​ന്നാ​ണ് അ​ദ്ദേ​ഹം പ​റ​ഞ്ഞ​ത്.

ആ​ശു​പ​ത്രി കി​ട​ക്ക​യി​ൽ ച​ങ്ങ​ല​ക്കി​ട​പ്പെ​ട്ട​യാ​ൾ പ്രാ​ഥ​മി​ക കാ​ര്യ​ങ്ങ​ൾ ചെ​യ്യാ​നു​ള്ള സൗ​ക​ര്യ​മെ​ങ്കി​ലു​മൊ​രു​ക്ക​ണ​മെ​ന്ന് ന​മ്മു​ടെ മു​ഖ്യ​മ​ന്ത്രി​ക്ക് അ​വി​ട​ത്തെ മു​ഖ്യ​മ​ന്ത്രി​യോ​ട് ക​ത്തി​ലൂ​ടെ​യെ​ങ്കി​ലും ആ​വ​ശ്യ​പ്പെ​ട്ടു​കൂ​ടേ​യെ​ന്നാ​യി​രു​ന്നു ര​ണ്ടു ദി​വ​സ​മാ​യി എ​െൻറ അ​ഭ്യ​ർ​ഥ​ന.അ​ത് അ​ദ്ദേ​ഹം കേ​ട്ടി​രി​ക്കു​ന്നു. മു​ൻ എം.​പി എം.​ബി. രാ​ജേ​ഷാ​ണ് മു​ഖ്യ​മ​ന്ത്രി യോ​ഗി ആ​ദിത്യനാ​ഥി​ന് ക​ത്ത​യ​ച്ച വി​വ​രം അ​റി​യി​ച്ച​ത്. ഇ​പ്പോ​ൾ എ​നി​ക്ക് എ​ന്തെ​ന്നി​ല്ലാ​ത്തൊ​രു സ​മാ​ധാ​ന​മു​ണ്ട്. ആ​ശ്വാ​സം തോ​ന്നു​ന്നു. മു​ഖ്യ​മ​ന്ത്രി​യു​ടെ ഇ​ട​പെ​ട​ലി​ന് അ​നു​കൂ​ല ന​ട​പ​ടി ഉ​ണ്ടാ​വു​മെ​ന്ന് ത​ന്നെ​യാ​ണ് പ്ര​തീ​ക്ഷ.

വി​ഷ​യം രാ​ഷ്​​ട്രീ​യ​മാ​ക്കി​യാ​ൽ അ​ത് സി​ദ്ദീ​ഖ് കാ​പ്പ​നെ ബാ​ധി​ക്കു​മെ​ന്ന് ചി​ല​ർ എ​ന്നെ ഉ​പ​ദേ​ശി​ക്കു​ന്നു. ഇ​നി എ​ന്താ​ണ് അ​ദ്ദേ​ഹ​ത്തെ ബാ​ധി​ക്കാ​നു​ള്ള​ത്. ഞാ​ൻ സം​സാ​രി​ച്ചു​കൊ​ണ്ടി​രി​ക്കു​ന്ന​ത് രാ​ഷ്​​ട്രീ​യ​മ​ല്ല. നീ​തി​യാ​ണ് തേ​ടു​ന്ന​ത്. എ​ള​മ​രം ക​രീം അ​ട​ക്കം മു​ഖ്യ​മ​ന്ത്രി​യു​ടെ പാ​ർ​ട്ടി​ക്കാ​രാ​യ എം.​പി​മാ​ർ വി​ഷ​യ​ത്തി​ൽ ഇ​ട​പെ​ട്ടി​ട്ടു​ണ്ട്.

അ​വ​രോ​ടൊ​ക്കെ ന​ന്ദി​യും ക​ട​പ്പാ​ടു​മു​ണ്ട്. ഒ​രു രാ​ഷ്​​ട്രീ​യ പാ​ർ​ട്ടി​ക്കും വേ​ണ്ടി‍യ​ല്ല സം​സാ​രി​ക്കു​ന്ന​ത്. മാ​ധ്യ​മ പ്ര​വ​ർ​ത്ത​ക​നെ​ന്ന പ​രി​ഗ​ണ​ന​യോ മ​ല​യാ​ളി എ​ന്ന പ​രി​ഗ​ണ​ന​യോ സി​ദ്ദീ​ഖി​ന് ല​ഭി​ച്ചി​ല്ല

ബി.​ജെ.​പി എം.​പി​മാ​രെ ബ​ന്ധ​പ്പെ​ട്ടി​രു​ന്നോ?

കേ​ന്ദ്ര​മ​ന്ത്രി വി. ​മു​ര​ളീ​ധ​ര​നെ കാ​ണാ​ൻ പ​ല​ത​വ​ണ ശ്ര​മി​ച്ചി​രു​ന്നു. അ​ദ്ദേ​ഹ​ത്തെ വി​ളി​ച്ച​പ്പോ​ൾ പി.​എ​യാ​ണ് ഫോ​ണെ​ടു​ത്ത​ത്. വി​ഷ​യം സം​സാ​രി​ച്ചു. ക​ത്ത​യ​ക്കാ​ൻ ആ​വ​ശ്യ​പ്പെ​ട്ട​ത​നു​സ​രി​ച്ച് അ​യ​ച്ചു. മി​സോ​റം ഗ​വ​ർ​ണ​ർ പി.​എ​സ്. ശ്രീ​ധ​ര​ൻ പി​ള്ള, ബി.​ജെ.​പി ദേ​ശീ​യ വൈ​സ് പ്ര​സി​ഡ​ൻ​റ് എ.​പി. അ​ബ്​​ദു​ല്ല​ക്കു​ട്ടി തു​ട​ങ്ങി​യ​വ​രെ​യും ബ​ന്ധ​പ്പെ​ടാ​ൻ ശ്ര​മി​ക്കു​ന്നു​ണ്ട്.

ഡ​ൽ​ഹി​യി​ൽ പോ​യി ആ​ഭ്യ​ന്ത​ര​മ​ന്ത്രി അ​മി​ത് ഷാ‍യെ നേ​രി​ൽ കാ​ണ​ണ​മെ​ന്ന് ക​രു​തി​യ​താ​ണ്. അ​പ്പോ​ഴേ​ക്കും കോ​വി​ഡ് രൂ​ക്ഷ​മാ​യി. ഈ ​അ​വ​സ്ഥ നി​ങ്ങ​ളു​ടെ കു​ടും​ബ​ത്തി​നാ​ണെ​ങ്കി​ലെ​ന്ന് ഒ​ന്നോ​ർ​ത്തു​നോ​ക്കൂ. ശ​രി​ക്കൊ​ന്നു ഉ​റ​ങ്ങി​യി​ട്ട് മാ​സ​ങ്ങ​ളാ​യി.

കേ​സ് ന​ട​പ​ടി​ക​ൾ എ​വി​ടെ​യെ​ത്തി?

രാ​ജ്യ​ത്തി​െൻറ നീ​തി​ന്യാ​യ വ്യ​വ​സ്ഥ​യി​ലും സ​ർ​വ​ശ​ക്ത​നാ​യ ദൈ​വ​ത്തി​ലും വി​ശ്വാ​സ​മ​ർ​പ്പി​ച്ച് കാ​ത്തി​രി​ക്കു​ന്നു. സ​ത്യം പു​ല​രു​മെ​ന്നു​ത​ന്നെ​യാ​ണ് പ്ര​തീ​ക്ഷ. ജ​യി​ലി​ലേ​ക്ക് മ​ട​ക്കു​ക​യോ ആ​ശു​പ​ത്രി മാ​റ്റു​ക​യോ ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് സു​പ്രീം​കോ​ട​തി​യെ സ​മീ​പി​ച്ചി​ട്ടു​ണ്ട്.

സി​ദ്ദീ​ഖി​നെ കാ​ണാ​ൻ അ​നു​വ​ദി​ക്ക​ണ​മെ​ന്നും ആ​വ​ശ്യ​പ്പെ​ടും. ജാ​മ്യം ന​ൽ​കി അ​ദ്ദേ​ഹ​ത്തെ കേ​ര​ള​ത്തി​ലെ ആ​ശു​പ​ത്രി​യി​ലേ​ക്ക് മാ​റ്റ​ണം. അ​തി​ന് ക​ഴി​യി​ല്ലെ​ങ്കി​ൽ മെ​ച്ച​പ്പെ​ട്ട ചി​കി​ത്സ ല​ഭി​ക്കു​ന്ന ഡ​ൽ​ഹി​യി​ലെ​യോ ഉ​ത്ത​ർ​പ്ര​ദേ​ശി​ലെ​യോ ആ​ശു​പ​ത്രി​യി​ലേ​ക്ക് മാ​റ്റി എ​ന്നെ കൂ​ടെ​നി​ൽ​ക്കാ​ൻ അ​നു​വ​ദി​ക്ക​ണം.

എ​ന്താ​ണ് വീ​ട്ടി​ലെ സാ​ഹ​ച​ര്യ​ങ്ങ​ൾ?

സി​ദ്ദീ​ഖ് ഇ​ക്ക അ​നു​ഭ​വി​ക്കു​ന്ന ക്രൂ​ര​പീ​ഡ​ന​ങ്ങ​ൾ​ത​ന്നെ​യാ​ണ് എ​ല്ലാ​വ​രു​ടെ​യും ആ​ശ​ങ്ക. ഉ​മ്മ ക​ഴി​ഞ്ഞ ദി​വ​സം വീ​ണ്ടും അ​വ​ശ​യാ​യി. ബാ​വ (സി​ദ്ദീ​ഖ്) എ​ന്ന് വ​രും, എ​നി​ക്ക് കാ​ണ​ണം...​എ​ന്നു മാ​ത്ര​മാ​ണ് എ​പ്പോ​ഴും പ​റ​യു​ന്ന​ത്. മ​റ്റൊ​രു സം​സാ​ര​വു​മി​ല്ല. എ​ല്ലും തോ​ലു​മാ​യി വാ​ട്ട​ർ ബെ​ഡി​ൽ കി​ട​ക്കു​ന്നു. മ​ക​നെ ഇ​ട​ക്ക് കാ​ണാ​ൻ ക​ഴി​ഞ്ഞ​തി​െൻറ ആ​ശ്വാ​സ​ത്തി​ലാ​ണ് ജീ​വ​ൻ നി​ല​നി​ന്നു​പോ​വു​ന്ന​തെ​ന്ന് തോ​ന്നും.

17ഉം 13​ഉം എ​ട്ടും വ​യ​സ്സു​ള്ള മൂ​ന്നു മ​ക്ക​ളു​ടെ മാ​താ​പി​താ​ക്ക​ളാ​ണ് ഞാ​നും സി​ദ്ദീ​ഖും. മ​ക്ക​ൾ​ക്ക് നോ​മ്പ് തു​റ​ക്കാ​ൻ ഭ​ക്ഷ​ണം​പോ​ലും ഉ​ണ്ടാ​ക്കാ​ൻ എ​നി​ക്കി​പ്പോ​ൾ ക​ഴി​യു​ന്നി​ല്ല.

ഇ​ക്ക വി​ളി​ച്ച വൈ​കു​ന്നേ​രം ഞ​ങ്ങ​ൾ ഏ​റെ ത​ള​ർ​ന്നു. പ​ച്ച​വെ​ള്ളം കു​ടി​ച്ച് നോ​മ്പ് തു​റ​ന്നു. രാ​ത്രി​യാ​ണ് മ​ക്ക​ൾ​ക്ക് ഭ​ക്ഷ​ണ​മു​ണ്ടാ​ക്കി​യ​ത്. എ​ന്തു സ​ഹാ​യ​ത്തി​നും ഓ​ടി​യെ​ത്തു​ന്ന കു​ടും​ബാം​ഗ​ങ്ങ​ളു​ണ്ട്. പ​ക്ഷേ, അ​ദ്ദേ​ഹ​ത്തി​െൻറ അ​വ​സ്ഥ ഓ​ർ​ക്കു​മ്പോ​ൾ പി​ടി​ച്ചു​നി​ൽ​ക്കാ​ൻ ക​ഴി​യു​ന്നി​ല്ല.

ജീ​വ​ൻ പോ​യ​ശേ​ഷം എ​ന്തെ​ങ്കി​ലും പ​റ​ഞ്ഞി​ട്ട് കാ​ര്യ​മി​ല്ല. ജീ​വ​നോ​ടെ വി​ട്ടു​കി​ട്ടു​ക​യെ​ന്ന​ത് മ​റ്റാ​രു​ടെ​യും വി​ഷ​യ​മ​ല്ലെ​ങ്കി​ലും ഞ​ങ്ങ​ളു​ടെ വി​ഷ​യ​മാ​ണ്. രോ​ഗി​യാ​യ മ​നു​ഷ്യ​നെ ഭ്രാ​ന്തു​ള്ള​വ​രെ​പ്പോ​ലെ ച​ങ്ങ​ല​ക്കി​ട്ടാ​ൽ അ​യാ​ൾ ഭ്രാ​ന്ത​നാ​വാ​ൻ അ​ധി​കം സ​മ​യം വേ​ണ്ടി​വ​രി​ല്ല.