മന്ത്രി പടിയിറങ്ങിയപ്പോഴും കുടിശ്ശികയായി പട്ടികജാതി ക്ഷേമ പദ്ധതികളുടെ ധനസഹായം

കൊ​ച്ചി: മ​ന്ത്രി പ​ടി​യി​റ​ങ്ങി​യ​പ്പോ​ഴും പ​ട്ടി​ക​ജാ​തി വി​ക​സ​ന വ​കു​പ്പി​ൽ ക്ഷേ​മ പ​ദ്ധ​തി​ക​ളു​ടെ ധ​ന​സ​ഹാ​യ വി​ത​ര​ണം കു​ടി​ശ്ശി​ക. ലോ​ക്സ​ഭാ തെ​ര​ഞ്ഞെ​ടു​പ്പി​ൽ വി​ജ​യി​ച്ച​തി​നെ​ത്തു​ട​ർ​ന്നാ​ണ് പ​ട്ടി​ക​ജാ​തി വി​ക​സ​ന വ​കു​പ്പ് മ​ന്ത്രി കെ. ​രാ​ധാ​കൃ​ഷ്ണ​ൻ മ​ന്ത്രി​പ​ദ​മൊ​ഴി​ഞ്ഞ​ത്. പ​ട്ടി​ക വി​ഭാ​ഗ​ങ്ങ​ൾ താ​മ​സി​ക്കു​ന്ന പ്ര​ദേ​ശ​ങ്ങ​ളു​ടെ പേ​രി​ല​ട​ക്കം പ​രി​ഷ്ക​ര​ണം ന​ട​ത്തി ശ്ര​ദ്ധേ​യ​നാ​കു​മ്പോ​ഴും ക്ഷേ​മ​പ​ദ്ധ​തി​ക​ളി​ലെ ധ​ന​സ​ഹാ​യ വി​ത​ര​ണം സു​ഗ​മ​മാ​യി ന​ട​ത്താ​നാ​കാ​തെ​യാ​ണ് മ​ന്ത്രി​പ​ദ​വി​യൊ​ഴി​ഞ്ഞ​ത്. സ​ർ​ക്കാ​റി​ന്‍റെ സാ​മ്പ​ത്തി​ക പ്ര​തി​സ​ന്ധി​യാ​ണ് ക്ഷേ​മ​പ​ദ്ധ​തി​ക​ൾ​ക്കും തി​രി​ച്ച​ടി​യാ​യ​ത്.

വ​കു​പ്പി​നു​കീ​ഴി​ൽ വി​വാ​ഹ ധ​ന​സ​ഹാ​യം, മി​ശ്ര​വി​വാ​ഹ ധ​ന​സ​ഹാ​യം, ഭൂ​ര​ഹി​ത പു​ന​ര​ധി​വാ​സ പ​ദ്ധ​തി, ഭ​വ​ന പൂ​ർ​ത്തീ​ക​ര​ണ ധ​ന​സ​ഹാ​യം, ചി​കി​ത്സാ​ധ​ന​സ​ഹാ​യം, ഏ​ക​വ​രു​മാ​ന​ദാ​യ​ക​ൻ മ​രി​ക്കു​ന്ന കു​ടും​ബ​ങ്ങ​ൾ​ക്കു​ള്ള ധ​ന​സ​ഹാ​യം, പ്ര​ത്യേ​ക പു​ന​ര​ധി​വാ​സ പ​ദ്ധ​തി, പ​ട്ടി​ക ജാ​തി അ​തി​ക്ര​മ നി​രോ​ധ​ന ആ​ശ്വാ​സ ധ​ന​സ​ഹാ​യം തു​ട​ങ്ങി​യ ക്ഷേ​മ​പ​ദ്ധ​തി​ക​ളാ​ണ് ന​ട​പ്പാ​ക്കു​ന്ന​ത്. ഇ​തി​ൽ ഏ​റ്റ​വും കൂ​ടു​ത​ൽ അ​പേ​ക്ഷ​ക​രു​ള്ള ചി​കി​ത്സാ​ധ​ന​സ​ഹാ​യം, വി​വാ​ഹ​ധ​ന​സ​ഹാ​യം, ഏ​ക വ​രു​മാ​ന​ദാ​യ​ക മ​ര​ണം മൂ​ല​മു​ള്ള സ​ഹാ​യം എ​ന്നി​വ ഒ​രു വ​ർ​ഷ​ത്തോ​ള​മാ​യി മു​ട​ങ്ങി​ക്കി​ട​ക്കു​ക​യാ​ണ്. മു​ട​ങ്ങി​ക്കി​ട​ന്നി​രു​ന്ന മി​ശ്ര​വി​വാ​ഹ, അ​തി​ക്ര​മ ആ​ശ്വാ​സ ധ​ന​സ​ഹാ​യ​ങ്ങ​ൾ ഈ​വ​ർ​ഷ​മാ​ദ്യം വി​ത​ര​ണം ചെ​യ്തെ​ങ്കി​ലും വീ​ണ്ടും കു​ടി​ശ്ശി​ക​യാ​യി. ചി​കി​ത്സാ​ധ​ന​സ​ഹാ​യ വി​ഭാ​ഗ​ത്തി​ൽ ഈ ​സാ​മ്പ​ത്തി​ക വ​ർ​ഷാ​രം​ഭ​ത്തി​ൽ നാ​മ​മാ​ത്ര​മാ​യ​വ​ർ​ക്ക് ധ​ന​സ​ഹാ​യം ന​ൽ​കി​യെ​ങ്കി​ലും ബ​ഹു​ഭൂ​രി​പ​ക്ഷം അ​പേ​ക്ഷ​ക​രും കാ​ത്തി​രി​പ്പി​ലാ​ണ്. മൂ​ന്ന് ഗ​ഡു​ക്ക​ളാ​യി ധ​ന​സ​ഹാ​യം ന​ൽ​കു​ന്ന ഭ​വ​ന പൂ​ർ​ത്തീ​ക​ര​ണ വി​ഭാ​ഗ​ത്തി​ൽ ആ​ദ്യ​ഗ​ഡു വാ​യ 50,000 കൈ​പ്പ​റ്റി അ​പേ​ക്ഷ​ക​ർ അ​ടു​ത്ത ഗ​ഡു ല​ഭി​ക്കാ​ത്ത​തി​നാ​ൽ നി​ർ​മാ​ണ പ്ര​വൃ​ത്തി​ക​ൾ തു​ട​രാ​നാ​കാ​ത്ത സാ​ഹ​ച​ര്യ​ത്തി​ലു​മാ​ണ്. ക്ഷേ​മ​പ​ദ്ധ​തി​ക​ളു​ടെ വി​ത​ര​ണ​വും കു​ടി​ശ്ശി​ക തീ​ർ​ക്ക​ലും പു​തി​യ മ​ന്ത്രി​ക്കും വെ​ല്ലു​വി​ളി​യാ​കും.